القصة ان وصلني كتير طلبات لتخصيص صفحة خاصة بالريجيم فيها وصفات خفيفة , و انا تحت أمر الجميع بس بطريقتي , لأن قصة أن يكون في قسم فيه وصفات للريجيم في الموقع , شي ما بيشبهني و الموقع بكل تفاصيله بيعكس شخصيتي .
يا اختي بس ما قلتي وصفة خاصة بالريجيم , بحس اني شبعت و سدت نفسي عن الأكل , بينما الأكل متعة بكل أنواعه . لهيك خطر ببالي هل الفكرة . بين الوصفات العادية و بكل الأقسام رح تلاقيني أضفت وصفات خفيفة و مناسبة إذا الواحدة حابة تنتبه على وزنها و الي رح يميزها هي الصورة المعشبقة فوق , و هل الوصفات ممكن تقدميها لكل عيلتك و عوض ما تقعدي على طرف الطاولة لوحدك و عم تاكلي من صحنك و عينك على صحون بقية العيلة, رح تقدمي لكل أفراد عيلتك وجبة صحية و تستمتعوا كلكم مع بعض .
الوصفة اليوم فلسطينية قديمة كتير اتعلمتها من randdمن منتدى لك و الوصفة سهلة و ما أخدت وقت باعدادها و طلعت طيبة كتير و مقبلة مع الخبز التازة و الفليلفة الحرّة . و على عكس ما رح يخطر ببالك الباتنجان ما قليناه مع ان اسم الوصفة شيخ محشي , حسيت كأنه شويناه شوي و طعمته طلعت طيبة كتير و متل ما اتوقعتها وحتى ألذ .
ممكن تحضريها اما بالسمنة أو بزيت الزيتون و إذا كنا عم نحكي عن الوصفات الخفيفة فأكيد خيارنا رح يكون زيت الزيتون .
رند قدمت وصفتها مع خبز الطابون و أنا قدمتها مع الخبز العربي التازة و الرز الأبيض و كل واحد في العيلة أكلها متل ما اشتهت نفسه لهيك انت فيك تقدميها حسب الجو العام عندك و زووء عيلتك .
السعرات الحرارية من دالو :
250 سعر حراري للحصة الواحدة في حال استعمال زيت الزيتون و الوصفة تكفي لاربع اشخاص
بالصحة و الهنا
كيلو باذنجان من الحجم المتوسط كيلو بندورة ناضجة حبة كبيرة فليفلة خضراء أو حمراء كوب ماء
الحشوة : ملعقة كبيرة سمنة أو زيت زيتون ربع كيلو لحمة مفرومة ناعم حبة بصل من الحجم المتوسط ملح نصف ملعقة صغيرة بهار مشكل
·يغسل الباذنجان و يقطع الجزء الأخضر ثم تقطع منه شرحة و يحفر الباذنجان بالملعقة و تفرم الحشوة ناعماً ثم تحفظ جانباً .
·يثقب الباذنجان المحفور بالشوكة من الأسفل ثم يرش بالملح و يقلب ف حتى تنزل ماءالباذنجان .
·تحضر الحشوة :يقلب البصل بنصف السمنة أو الزيت حتى يذبل ثم تضافاللحمة مع التقليب حتى تنضج و يجف مرقها .
·تتبل الحشوة بالملح و البهار المشكل ثم يضاف جزء من لب الباذنجان المفرومو يقلب .
·تقشر البندورة و تفرم ناعماً . تفرم الفليلفة لمكعبات صغيرة ثم تمزج مع بقية لب الباذنجان و الماء و تفرش في قاع صينية فرن ثم تتبل بالقليل من الملح و البهار المشكل .
·يغسل الباذنجان من الملح و يحشى بالحشوة المجهزة ثم ترتب في الصينية و يغطى الباذنجان بالشرحة التي قطعت سابقاً ثم تغلف الصينية بورق الألمنيوم .
·تخبز الصينية فيالفرن لمدة ساعة أو أكثر حتى تنضج .
·بعد أن ينضج الباذنجان يرفع القصدير و ترجع الصينية للفرن حتى يحمر الوجهو هنا قمت بدهن باقي السمنة أو الزيت على كل حبة لإضفاء اللمعان الجميل لحبات الباذنجان . ثم تقدم مع الخبز العربي أو مع الرز الأبيض حسب الرغبة .
تعليقات (8)
