4 بيضات 
170 جرام سكر  
100 جرام دقيق 
1 باكو بدونج فانيلا vanilla pudding 
1 ملعقة صغيرة بيكنج بودر 
100 جرام لوز ورقيات (يعني يكون اللوز مش ناعم ولكن مكسر يعني حبة اللوز تكون رقيقة جدا جدا) 
3 علب زانة اللي هي بيسموها حليب كامل الدسم علي ما اعتقد بالدول العربية 
ملعقة كبيرة نشا 

·          بنفصل صفار البيض عن بياضهة وبنضرب البياض مع السكر وبعدين بنضيف الصفار عليهم وبنخفقه مرة تانية  .

·          بنخلط الدقيق مع البودنج والبيكنج بودر  وبنضيفهم لخليط البيض المخفوق السابق  .

·          وهلاء بنجيب صينية مستدير قطرها (28سم) وبندهنها بالسمن والدقيق حتي لا تلتصق العجينة بارضية الصينية 

·          وبنصب العجينة فيها وبعد هيك بنرش وش الصينية كلها باللوز الرقيق  .

·          ونحطها في فرن درجة حرارته 175ـ180 لمدة 30 دقيقة ولازم تكون اشعال الفرن فوق وتحت لانه فرن كهربائي وليس تخرج نار منه .

·          بعد ما نشوف الكيكة قربت تشقر شوية يعني ما تتحمر عالاخر بنخرجها من الفرن وبنحط علي كل سطح الكيكة سمنة السمنة بتنحط عليها بعد ما تقرب تستوي لانها لو انحطت من البداية ممكن الكيكة تنحرق وتدي لون محروق للوز وطعم كمان فلذلك توضع في نهاية السوي يعني قبل ما تنتهي الكيكة ب 5 دقايق فقط  , وهي بتدي لمعة للكيكة  .

·          بعدين نترك الكيكة تبرد حتي نستطيع تقسميها الي طبقتين , وانا بافضل قصع الكيكة بخيط المخصص لتقطيع الكيكة  .وفي ناس بيقطعوها بخيط عادي يعني بيحطو خيط حولين الكيكة ويكون الخيط في منتصف الكيكية ويلف حولين الكيكة وبعدين علي اخر الخيط يعمله علي شكل اكس بحيث يكون طرف خيط بايد والطرف التاني بايد اخري ويقطعها. 

·          وفي هاد الوقت نكون محضرين الحشووة اللي هي الزانة وبنحط عليها النشا والباكو بودنج عالنار حتي يعطينا مزيج مثل القشطة تماما وبعدين نحشي الكيكة بيها  وبالهنا والشفا .

تعليقات (35)

1  الكاتب منى, on 09-06-2009 13:18 ممم     بالفعل مع الحشوة صارت افخم و الذ ..    سلبم دياتك على هل القرصة الحلوة و ان شاء الله رح جربها قريب   و كمان الف شكر الك للملاحظات الصغيرة و المهمة كتير

4  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 09-06-2009 16:01 اهلين جوجو شكل هالكيكه لذيذ. و كمان بتخيل شكلا مع اللوز الشرايح راح يكون كتير حلو. يسلموا ايديكي.

5  الكاتب منى, on 09-06-2009 16:25 الف شكر الك جوجو على الطريقة و الصور و بالفعل وصفة من دون صور مو ممكن تاخد حقها , بس اتمنى ان يكون الك صور من تصويرك الخاص لحتى نضيفهم و لحفظ الحقوق لان بعد شوي رح تشوي الوصفة و الصور بكل مكان و انت رح يحترق دمك

7  الكاتب سمر, on 09-06-2009 20:58 السلام عليكم ورحمة الله وبركاته تسلم ايدك ياست جوجو بتصدقي اني ديما بشتري هاد القالب من البكراي ولامرة حاولت اعرف سبب تسميتو بهاد الاسم عنا بالمانيا هاد النوع مفضل اكتر الشي بالشتاء وممكن بالصيف يتواجد محشي بالبوظة على كل تسلم ايدك

9  الكاتب JoJo, on 10-06-2009 01:10 اهلين منورة خيتوو ام تسنيم  بس الطريقة اللي بالحشوة هي الكيكة اللي علي اصولها وانا عن نفسي لما اشتري منها جاهزة باشتري اللي بالحشوة لانها اطيب بكثير  وبالنسبة لسبب تسميتها انا اول ما جيت المانيا من قبل 6 سنين كنت اشتري كثير هاي الكيكة بالاخير سالت زملائي بالجامعة ليش بتسموها لسعة النحلة فمنهم حكولي قصص مختلفة ولكن اجتمعو علي نفس الاحداث يعني انه في ناس جاءو علي ناس وبالاخير اللي انتصروو هم اللي احتفلوو بهيك مناسبة بالكيكة هاي .....

14  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-06-2009 15:20 sorry كثير كمان سؤال الاخت ذكرت انه بنحط سمنه على الوجه شو هي كمية السمنة سامحوني ازعجتكم

15  الكاتب JoJo, on 10-06-2009 21:54 اهلين سمر منورة حبيبتي وهيك عرفتي ياقمر شو سبب التسمية   منورة سماسم ياقمر

16  الكاتب JoJo, on 10-06-2009 22:05 كيفك حبيبتي هيا منورة يا عسل وبالنسبة للاسئلة راح اجاوبك واحط صور للبودنج وللزانة باذن الله  وبالنسبة للزانة اعتقد هي القشدة السايحة خالص هي بتشبه الحليب بس بيكون شوية كامل الدسم يعني بالاخير هو قشدة سايحة مش مثل القشدة العادية  والعلبة مقدارها 200 جرام يعني 3 علب بيساوي 600 جرام   واسفة يا بنات حبيت اضيف شي بالنسبة للبودج بكاوو مع العجينة وباكوو مع الحشووة لاني كتبت في المقادير 1 ونسيت اكتب التاني    اتفضلي يا قلبي ام فايز يا غالية هاي صورة البودنج وهو بالعربي بيحكوو عنو بودنج كمان         وهاي كمان صورة للزانة كمان العلبة مقدارها 200 جرام        واي سؤال انا موجودة ولايهمك هيا حبيبتي اسالي مثل ما بدك

20  الكاتب larooo, on 10-06-2009 23:28 ممممممممممم ..شكلها بجنن يسلمو ايديكي  انا من زمان بتأمل الحلويات بالموقع وبتشهون .. بس هالمرة قررت اني جرب عنجد..بس بدي اسأل ..اكيد بيمشي حال الزبدة بدل السمنة ما   شكرا كتير ...انا بحب هالموقع كتير كتير

21  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-06-2009 07:17 صباح الخير للجميع شكرا الك كثير اخت جوجو على الرد وعلى التنفصيل الدقيق اللي اعطيتيني اياه وعلى الصور كمان شاكرة كثير لمجهودك وان شاءالله راح اجربها بس احضر المكونات كلها باذن الله

22  الكاتب منى, on 11-06-2009 07:21 هلا جوجو   الف شكر للتوضيح و الصور , كتير صارت الفكرة اوضح و اتوقع الزانة هادا هو الكريم السائل العادي , يمم شو طيبة الحشوة رح تطلع

23  الكاتب JoJo, on 11-06-2009 13:42 هلا بيكي لاروو منورة حبيبتي وعادي فيكي تستخدمي الزبدة بدل السمنة لانهم بيعطو نفس النتيجة بالاخر

25  الكاتب JoJo, on 11-06-2009 13:46 العفوو حبيبتي منى والشكر لك طبعا لانك سمحتيلي اضيف الوصفة هون   بس عندي سؤال لو بدي احط وصفات كيف ارسل الوصفة هل ارسلها كتعليق والا ارسلها مباشرة علي ايميلك ؟؟

26  الكاتب منى, on 11-06-2009 13:53 هلا لارو   تحبك العافية و الصحة دوما و منورة اختي و اتمنى تجربي شي وصفة من الحلويات و تكون يمي

27  الكاتب منى, on 11-06-2009 13:54 هلا جوجو   الشكر الك حبيبتي , و فيك تبعتي الوصفات اما على ايميلي او باي رد , الي بيريحك

28  الكاتب سارونات, on 11-06-2009 15:44 السلام عليكم و رحمة الله و بركاته    الوصفة مبينتها كتير طيبة و الصور حلوة    بس هل البودينغ هو الفلان Flan يعني عبارة عن بودرة و بيتضيفيله حليب على النار و بعدين تفرغيه في قوالب و تحطيه بالبراد تحتى يجمد و بيطلع متل الكريم كراميل بس من غير كراميل هل هذا هو     بالتوفيق  سلام

29  الكاتب JoJo, on 12-06-2009 12:35 هلا بيكي خيتوو سارونات  وعليكم السلام ورحمة الله وبركاته  بالنسبة للبودنج اعتقد هو شبه الفلان بس علي فكرة البودنج متواجد في جميع السوبر ماركتات بالدول العربية سهل تلاقيه..  ارجو اكون افدتك تحياتي لكِ عزيزتي

32  الكاتب منى, on 02-07-2009 19:41 Hi Arlette  Sory , It`s not my cake , so I`dont really know the exact type of milk that we should use

33  الكاتب JoJo, on 06-07-2009 10:18 Hi Arlette  concerning ur question about the heave cream. Yes it's really the 35% whipping   cream.  Best regards

34  الكاتب roroo51, on 24-02-2010 23:03 أنا دائما بشتريه من السوق و أول ما جيت على ألمانيا جوزي هو يللي عرفني عليه لانو كتير بيحبو و يسلمو على الوصفة يعني فعلا ما تخيلت اني الاقيها.و طالع معك متل الجاهز.

35  الكاتب roroo51, on 24-02-2010 23:10 ممكن أعرف منين بيجيني اللوز الورقيات,يعني من عند مين اشتريتيه ؟  danke

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved