نصف كوب زبدة مكعبات طرية
كوب سكر ناعم
ثلاث بيضات
بشر ليمونة
فانيليا
نصف كوب حليب فاتر
ربع كوب عصير الليمون الطازج
كوب و نصف الكوب طحين كاتو
ملعقة كبيرة بيكنغ بودر

تعليقات (27)

1  الكاتب سارونات, on 17-08-2008 16:33 السلام عليكم و رحمة الله وبركاته  جازاك الله خيرا اختي منى الكاتو بسيط و سهل و الليمون راح يعطيه طعمة كتير حلوة و ريحة كمان   عندي شوية اسئلة ازا سمحتي  لما منضيف الحليب و العصير و الطحين نخلط بملعقة او بالخفاقة اليدوية اللي اشتغلنا فيها من الاول  ممكن اعرف مقدار الزبدة بالغرام  عصير الليمون هل هو عصير حبات ليمون لحالو او منضيفلو ماء  و انت شو حاطة فوق الكاتو اللي بالصورة   بالتوفيق  سلام

2  الكاتب منى, on 17-08-2008 19:37 هلا أختي   بعد ااضافة الطحين و السوائل الخفق بمعلقة خشبية و بهدوء     الزبدة 100 غرام و العصير ليمون و بس من دون ماء , و على الكاتو في الرويال ايسنغ ان شاء الله ببقى بنزل وصفتها

3  الكاتب سارونات, on 06-02-2009 12:04 السلام عليكم و رحمة الله و بركاته  اختي منى اذا فيكي تعطيني طريقة عمل الروايال ايسنغ لان بالفترة الجاية رح جرب الكاتويات اللي عم اسال عنهم لهيك راح تشوفيني بقسم الكاتويات كتير ان شاء الله ما تملي مني و من اسئلتي   بالتوفيق  سلام  و الله من كتر ما الكاتويات حلوة عم بحتار من وين ببلش بس عبالي جرب هالكاتو لانو بسيط و سهل و راح ساويه بصينية مثقوبة من النص بقطر 20 سم يعني صغيرة بس مرتفعة و بعتقد راح تضبط شو قولك بس انا ما بحب رش سكر على الكاتو و كمان ما بدي ياه سادة لهيك الروايال ايسنغ ضروري بالنسبة لي  سلام

5  الكاتب منى, on 30-04-2009 15:02 هلا سارونات   اختي الرويال ايسنغ بتنخلي سكر بودرة بالمقادار الي بدك اياه و بعدها اما بتضيفي معه بياض بيضة و هي الوصفة الاصلية و اما بتمزجيه مع حليب بارد أو عصير ليمون او برتقال او على حسب النكهة الي بدك اياها لحتى يصير عندك صوص سميك شوي و بعدها بتنزيني فيه الكيك فوراً , الصينية لهل القالب بقطر 26 سم أو 24 سم و اخاف العشرين سم تكون كتيررر صغيرة     الزيت نو لان طعمته رح تكون واضحة و الزبدة رح تعطي نكهة مميزة للكيك و الزيت رح ينزعه     اسفة كتير للتاخر للرد و لو تعرفي امبارحة كنت عم دور على ردودك كلها لان مقصرة معك و ما كنت اذكر باي وصفة كنت عم تساليني عن الرويال ايسنغ     اسفة مرة تانية اختي

7  الكاتب ام عمر, on 24-09-2009 21:29 اول شي كل عام وانت بخير منى   ان شاء الله ينعاد عليكي بالصحة والسلامة   وتاني شي ابوس روحك ابوس روحك ابوس روحك بيضتي وجهي الله يبيض وجهك   ما قلت لك عملت المعمول كيلو للتجربة مع الاصناف التانية يلي عملتها زوجي اشقد حبو وما اكل حلو قد ما اكل من معمولك   وبدي اطلب منك كمان يا ريت يكون في صور للخطوات مو بس الصورة الاخيرة     ويا ريت كمان معايير الزبدة فقط بالغرام لو تتكرمي   وياريت تعلمينا كيف نزين الاكل وكيف نختار الصحون للتقديم وكيف نقدم السفرة بشكل عام حاكم بسم الله ما شاء سفرك بتفتح العقول والقلوب قبل النفس  بعرف مالي سئلة وطلباتي مو كتيرة ولا شوي   بس انت كريمة ونحنا بنستاهل

8  الكاتب منى, on 25-09-2009 09:49 هلا ام عمر , ان شاء الله انتي بالف الف خير و صحة و عافية , لو تعرفي شو انبسطت ان المعمول عجبك و ان شاءالله رح حاول حط صور توضيحية قريب باذن الله , بس هلا رح نزله كوصفة مستقلة من دون خطوات , سماح     ان شاء الله كل شي بعرفوه رح اكتبه , و انا شاكرة كتير ردك الحلو و المزووء , و مرة تانية الف هنا يا حق على البك و الب ابو الشباب

10  الكاتب منى, on 12-05-2010 07:25 السكر ناعم بودرة     انا بحفظ بشر الليمون بالفريزر , بس مو هلا , لما كان بعز وقتو لان هلا احتمال يطلع مر

11  الكاتب محبةالمصطفى ملك, on 12-05-2010 13:53 ألف شكر لمنى الأمورة يعني فكرة حفظ بشر الليمون منيحة...  لأني تخيلت حالي بايخة وقت سألتك و قلت رح تضحكي علي

12  الكاتب منى, on 12-05-2010 19:18 الله يسامحك     اول الواحد ما بيبدى بهل المصلحة بيكون كل شي جديد عليه , ان شاء الله بعد فترة بتاخد ايدك و بتصير اشطر ست بيت

14  الكاتب منى, on 14-05-2010 12:09

15  الكاتب hajar, on 17-05-2010 03:59 الحلو بهالكيك انو كتيرررررر طري ونكهته ليمون اطيب والذ فاكهة يسلموووووو انا بعد ماجربته اعتمدته من وصفات الكيك المميزة وسجلته بدفتر الطبخ الخاص فيني والي اكتر الوصفات الي فيو من وصفاتك الرائعة ووصفات جمعتا من هون وهون حابة كتير شاركك بوصفاتي انا كمان عندي وصفات مميزة وناجحة ومضمونة تلميذتك

16  الكاتب منى, on 17-05-2010 08:25 اتمنى تشاركي بوصفاتك , بكون ممنوتك     الف هنا و صحة على البك على الكيك , متل ما قلتي الليمون من اكتر النكهات الي بحبها بالكيك

17  الكاتب محبةالمصطفى ملك, on 17-05-2010 20:46 منى أولا انا آسفة على الأخطاء المطبعية اللي عبتحصل معي قصدي بالمشاركة السايقة منى السريعة       طيب هلأ منرجع للوصفات وااااااااااااااااااااااااااااااااااااااااااااااااااااااااااا ااااااااااااااااااااااء  أنا عملت الكيك و ما نجح و لا واحد بالمية   و المشكلة أنا بعرفها مية بالمية   يا ستي انا اشتريت قالب التيفال الصغير اللي قلتلك عليه و بعد ما نام ابني و زجي آعد عبتفرج عالتلفزيون و الساعة 3 صباحا قبل الفجر قلت لزوجي أنا مشتهية أللوص و رحت عالمطبخ و كنت مجهزة كل الأغراض (آسفة عالتطويل بس أنا زعلاانة)المهم صبت خليط الكاتو في القالب فتجاوز النصف مع أني صاحب المحل اللي اشتريته من عنده قال انو بيسع خلطة 6 بيضات حطيته بالفرن وقلبي بكفي و بعد ربع ساعة بدء البركاااااااااااااااااااان و صار يفور فاضطريت افتح الباب حتى تقف الحمم البركانية و بعد خمس دقايق هبط الكاتو و احترقت أطرافه و صار منظه حلو كتير ههههههههههههههههههههههههه  قام تاني نهار زوجي كب القالب بعد مالكاتو لزق فيه و قاللي رح تتبعي بتنظيفه اكتر من قيمته اشتري غيره و خلص   و هي يا ستي قصة كاتو الليمون بس بدي أسألك هلأ أنا أكلت لقمة بس من هاللكاتو التحفة قبل ما أرميه حتى أعرف اذا رح أحبه مشان أعيدها بس أكيد بغير قالب كانت طعمة الليمون ظاهرة كتير أكيد هو طعمته لازم تطلع غير هيك بس لأني هبط و تجمع فوق بعضه ما؟

18  الكاتب منى, on 18-05-2010 11:52 وووواخ , صارت معي اكتر من مرة ..    يا ستي كلام البياع مو مزبوط , الن ما في شي اسمه عيار 3 او 6 بيضات , انتي الك بالعيار الاجمالي     الكاتو هادا يعاد و على مسؤوليتي ان شاء الله , لان وصفة مميزة كتير , بس اختاري القالب الي بيناسبها , و دايما قوالب التيفال من اسوء القوالب لتحضير الكيك     انا على الدقة القديمة و ما بشتري الا الالمنيوم بس مو حيالله نوع , الانواع الغذائية

19  الكاتب محبةالمصطفى ملك, on 18-05-2010 14:52 معناها رح أحط اشارةxعلى قوالب التيفال أنا دائما بجيب قالب الألمنيوم من عند بيت خالتي و بينجح الكاتو و بيقولولي أهلي أنو كتيييير طيب بس هالمرة حبيت أغير شكل و أكسر الروتين قام كسرت القالب هههههههههههههه    بس في بس شغلة صغيرة أمس ماما وقت عملت كاتو بقالب التيفال وقت سألت لوين لازم يصل الخليط و عملت الباقي كب كيك طلعوا طيبين كتير كالعادة بس ماما قال انو هالمرة أطيب من كل مرة ..قال كل مرة بيطلع معجن شوي صغيييييييرة بس هلأ مو معجن (هيك قالت الست الوالدة) فشو رأيك السبب من قالب الألمنيوم و لا صدفة؟؟

20  الكاتب منى, on 18-05-2010 19:03 ما فهمت عليك , مين الي طلع معجن بقوالب التيفال و الا الالمنيوم و الا شو

22  الكاتب منى, on 22-05-2010 10:55 مممم , ما عندي فكرة     بالتيفال بيطلع طرافه ملدوعة , و ما اله علاقة التعجين

23  الكاتب محبةالمصطفى ملك, on 24-05-2010 00:45

25  الكاتب منى, on 09-11-2010 07:12 ان شاء الله الف صحة و هنا على البك و الب كل العيلة , ممنوتك لثقتك في و تجربتك وصفاتي     منورة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved