كيك الكراميل

الوصفة اليوم احتفال بمناسبة انتهاء العام الدراسي ,  الله يعيده عليكم و علينا بالخير و البركة و الصحة و ان شاء الله عقبال النتائج تكون على قد الجهد و الله لا يضيعلنا لا النا و لاهم تعب .  امبارحة اخر يوم بامتحانات الاولاد , افراااج أخيراً بعد عذاب سنة دراسية كاملة بكل امتحاناتها و واجباتها , و الفيقة بكير و يلا يا ماما , حبيبي الله يخليلي ياكم صار وقت المدرسة , و اليوم راحت علي نومة و راح علينا الاتوكار , و اليوم شفت بالصدفة ورقة واجبات مشقوقة من الدفتر و مخباية بمكان سري و امين ( عني طبعاً ) لحتى يبقى الحلو مرتاح و من دون هموم لليوم . أما غداُ فهو يوم أخر !


و على بداية العطلة الصيفية لازملنا هيك وصفة طيبة و شهية و نسبياً سهلة و الفكرة , قصدي فكرة الكيك , شفتها بقالب جاهز محشي بكريما كراميل و مزين بالكورن فليكس , عجبتني فكرته كتير و قررت ان جرب حضر كيك في البيت بنفس الطريقة , طبقتها و طلع الكيك بيجنن . شكله و طعمه و حتى تحضيره مو كتير صعب , و خصوصاً اذا كنت متمكنة من الكيك الاسفنجي أو جبتيه جاهز اذا مو حابة تعذبي حالك و كمان ممكن تحضريه بالليدي فنجرز  .

الوصفة طيبة كتير , عجبت كتير ضيوفي يوم عزيمة خالو تقي و حتى القطط الصغيرة حبته كتير , اتمنى تجربيه و تدوقيه و لا تنسي تدعيلي .

بالصحة و الهنا

قالب كيك اسفنجي
نصف باكيت كريما بيضاء
نصف كوب حليب سائل بارد جداً
توفي كريم ( نصف الوصفة )
ثلث كوب ماء أو حليب لتسقية الكيك

للتزيين :

كورن فليكس






·          يحضر الكيك الاسفنجي و يفضل اعداده قبل بيوم لتسهيل تقطيعه .

·          تحضر وصفة التوفي كريم و يترك حتى يبرد , الوصفة تحتاج نصف الكمية أي ما يعادل تلاتة أرباع الكوب من وصفتي للتوفي كريم . و يمكن اعدادها بطريقتي أو بطريقة هيا السهلة .

·          تخفق الكريما مع الحليب البارد جداً حتى تنتفخ و تسمك .

·          يضاف مقدار نصف كوب من التوفي كريم للكريما و تقلب حتى تمتزج المقادير و يصبح لون الكريما من لون الكراميل الجميل ثم توضع في البراد لمدة ساعة .

·          تؤخذ ثلاثة ملاعق من التوفي كريم و تذوب في ثلت كوب ماء أو حليب .

·          يقطع الكيك لشرحتان ثم توضع أول شرحة على طبق مسطح , يسقى بنصف مزيج التوفي المذوب .
يدهن الكيك بنصف الكريما ثم يسقى النصف الأخر بباقي مزيج التوفي و يوضع فوق الكريما .

·          يدهن الكيك بباقي الكريما و يسوى الوجه جيداً .

·          يزين وجه الكيك بباقي التوفي كريم و ينثر الكورن فليكس على الأطراف ثم يقدم .

 

 

تعليقات (28)

2  الكاتب منى, on 01-06-2009 12:11 هلا سمسومة   الله يسلمك أختي و ان شاء الله تجربيه بنفسك و تشوفي شو سهل و حلو

5  الكاتب gsm, on 02-06-2009 01:28 يمي والله شكله كتيير ظريف بس ما خرج ريجيم هلق كا بدي اسالك اخت منى هلق هون عندنا عم لاقي كتيير صعوبة لالاقي الكريمة الخفق بشو استعيض عنا مرة جبت الكريمة الفريش بس ما زبطت معي الظاهر اخترت نوع غلط بقى اذا فيك تساعديني بكون ممنونة لأنو في كتيير حلى بتكون الكريمة بمقاديره وما عم اقدر جربها لأنو ما عم لاقيها

6  الكاتب ام محمد, on 03-06-2009 11:04 يعني دائما بتبهريناشوهاالكاتوالرائع  منمون بدي اعرف كيف امسدالكريماعلى الكيك  مثل الصورة لانو دائما بتلذق معي وكمان سؤال كيف فيني اكتب بالتوفي على الكيك   بتعرفي يامنى انا دائمابطلع الموقع عندي بالغة غريبة وبعمل مثل ماقلتي بس كنت مفكرة انو المشكلةبس عندي واخيرا شكرا كتيرعلى فكرة الاحاديث النبوية الشريفةوالله يجعلنا مما يسمعون القول فيتبعون احسنه

7  الكاتب منى, on 04-06-2009 11:29 هلا سارونات   ان شاء الله تعمليه و تجربيه و تشوفي شو سهل و طيب و تحبه كل العيلة عندك , واحد واحد   بانتظار اخبارك

8  الكاتب منى, on 04-06-2009 11:31 هلا امونة   ان شاء الله تجربيه و يكون على زووءك , امونة مع ان انا ما كتير بحب الكورن فليكس بس بهل الكيكة كان يممي   الصفحة الرئيسية بس لوصفات الغوالي , مو لوصفاتي   بانتظار رايك حبيبتي

9  الكاتب منى, on 04-06-2009 11:33 هلا اختي gsm   اختي بالكريم فريش رح يطلع اطيب اذا متوفر عندك و السربس بالتبريد , قصدي حطي الوعاء الي رح تخفقي فيه مع الكريم في البراد او الفريزر لحتى يبرد كتير بس من دون ما يجمد و بعدها خفقيه لمدة نصف دقيقة تقريباً و بعدها ضيفي السكر البودرة و خفقيه كمان لحتى تجمد شوي و رح تصير اطيب كريم شانتيه من دون مشاكل باذن الله و الكمية لهون حوالي كوبين و نصف كريم فريش    اي سؤال تاني انا تحت امرك و بالخدمة اختي

10  الكاتب منى, on 04-06-2009 11:35 هلا ام محمد   ان شاء الله تجربيه و يعجبك أختي , و انا بمسد الكيك بسكين خاص لوجه الكيك , كتير قطعة مفيدة و عملية في المطبخ .  التوفي حطيته بكيس صغير و قصيت طرفه و مررته على اطراف الكيك     ااامين اختي , ان شاء الله نستفيد من هل الفكرة كلنا و هي فكرة بعتتها الي واحدة من الاخوات في الموقع , بس طلبت مني ما اذكر اسمها   اسفة للمشكلة الي كانت بتصير عك و ان شاء الله هلا بتنحل و لا بقى تنعاد

12  الكاتب منى, on 07-06-2009 19:56 هلا اختي قهوة   اكيد الكريما البيضاء هيا نفسها الدريم ويب , بتخفقيها مع الحليب أو الميا الباردة

13  الكاتب بدور, on 11-06-2009 01:02 يا سلام على هالكاتو شكلو كتير مشهي, جعت     الله يخليلك مروان وكل الاولاد يارب ونشالله بتكون نتائج الامتحانات بترفع الراس وما بضيع تعب حدا ابدا     الكيك فعلا بيجنن وشتهيت كتير جربو.  الله يسلم دياتك الحلوين يارب و تزيد ابتكاراتك العظيمة اكتر و اكتر و نتعلم منك

14  الكاتب منى, on 11-06-2009 13:21 هلا بدورة   خسى الجوع و الله , ان شاء الله تجربيه و يطلع يمي     اامين يا حق و كل الشهادات و الي تعبوا و درسوا و سهروا , الله لا يضيع الهم تعب

15  الكاتب JoJo, on 17-06-2009 10:25 ماشاء الله عنك منك فنانة والله يسلمووو دياتك وبارك الله فيكي علي الوصفة اللزيزة...   منى في عندي وصفة كيكة ألمانية لزيزة كثير للحفلات وبالذات للأطفال وهي لزيزة في الطعم وحابة انزلها هون في امكانية والالاء وانا نزلتها قبل هيك في منتدي وحابة انزلها عندك للافادة لانه ما اعتقد كل الناس بتعرفها هي بتشبه التورتات بس علي شكل مميز بدي افاجئك فيها....

16  الكاتب منى, on 17-06-2009 12:13 هلا جوجو     ان شاء الله تجربي الوصفة و تعجبك , و انا بانتظار وصفتك الي قلتي عليها , اكيد ممكن تنزليها هون , دا انا اتمنى

19  الكاتب منى, on 25-10-2009 10:36 هلا لوليا   الصراحة ما بعرفها للوصفة الي قلتيها , حبيت ساعد ان شاء الله خيرها بغيرها

20  الكاتب منى, on 25-10-2009 10:37 هلا ضحى   الف صحة و هنا و عافية يا رب , رح احكي معك و خبرك عن الحشوة الجديدة الي عملتها , ان شاء الله رح تعجبك     فكرة حلوةة كتير , و الله انك خطيرة , ان شاء الله مرة تانية رح جرب اعملها بفكرتك     هنا و مية صحة يا حلو

21  الكاتب DOUHA, on 25-10-2009 14:36 اي اي خبرييني

23  الكاتب منى, on 23-02-2010 08:29 شرفتينا و نورتينا اختي و الف صحة و هنا على كل شي جربتيه   ان شاء الله جازة الدهر

24  الكاتب شفاء, on 10-03-2010 21:33 اليوم عملته وماشاء الله شو نجح وشو طلع طيب    وكان شكله رهييييييييييب   وخاصة اني عملته على شكل وردة  الله يسلم ايديك ويجزيكي الخير  ويبيض وجهك دنبا وآخرة

25  الكاتب شفاء, on 10-03-2010 23:47   صورة تانية للقالب اذا الاولى مانجحت

26  الكاتب منى, on 10-03-2010 23:51 اممين و ان كمان ان شاء الله وجهك ابيض على طول شفا     منظره تحفة , سلم ايديكي شي بيشهي

28  الكاتب منى, on 17-05-2010 13:16 هنا و الف صحة يا ر و لا يحرمني من هل الطلة الحلوة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved