سلطة الفول المدمس على طريقة أهل حلب

هي السلطة كل يوم لازم تكون حاضرة على الفطور لما نطلع بالصيفية على صلنفة مع كل العيلة , يا عيني ما أطيبها , مع اللمة الحلوة و الهوى النظيف و الشجر الأخضر ادامنا و الأولاد حوابينا و فوقنا و علينا و بكل محل . الله يخليهم و يباركلنا فيهم و باولادكم ان شاء الله .

نانا الله يخليلي ياها بتطالع كل سنة فول معها على صلنفة خصوصي لهل السلطة , و معهن ما منستخدم البصل لان ما بيحبوه , , اما على سفرتي و  لعيلتي الصغيرة بحب حضرها على أصولها ..

بالصحة و الهنا

نصف كيلو فول أخضر حب
حبة بصل أخضر مفروم ناعم 
عصير ليمونة حامضة
2 حبة بندورة مفرومة
حبة كبيرة فليلفة حمراء أو خضراء مفرومة ناعم جداً
1 فص ثوم  مهروس
ملح
رشة فليلفة حمراء ناعمة
نصف ملعقة صغيرة كمون
3 – 4 ملعقة كبيرة طحينة
نصف إلى كوب من ماء سلق الفول
4 – 5 ملعقة كبيرة زيت زيتون

للتزيين :

بقدونس مفروم ناعم
بندورة مفرومة ناعماً
زيت زيتون

تعليقات (17)

3  الكاتب نور الأسلام, on 09-05-2009 17:34 مساء الخير منى الله يسلم دياتك طبق فول بشهي على التجربه انشاء الله صرت مجربه من الموقع عدة وصفات والحمدلله كلو تمام يسلمو اديك كتييير يا احلى واطبخ منى بالعالم على قولت بنتك فرح الله يحفظها ويحميها

5  الكاتب منى, on 10-05-2009 07:12 هلا هيا   هادا بس من زووءك يا قمر و ان شاء الله تجربيها و تكون متل ما بتحبي و ألذ .  و لا تنسي تاكلي عني كم معلقة

6  الكاتب منى, on 10-05-2009 07:14 هلا أحلى و أطيب نور   الف هنا و الف عافية و صحة على كل الوصفات الي جربتيها , و الف شكر الك للدعوات الغالية يا عسل

7  الكاتب منى, on 10-05-2009 07:41 هلا رنونة   ان شاء الله تجربيها و تعجبك و تكون على زوءك    الفول نحفظه بطريقتيين , أول طريقة مقشور و ما بده شي بس غسل و تعبية بالاكياس و على الفريزر و هادا نستخدمه للرز بالفول و الطريقة التانية انك تفوري عليه لحتى يستوي منيح و تحفظيه و هادا ممكن تستعمليه لهل الوصفة أو أختها الشامية و ممكن للرز و فول بس بالمقشور اطيب

9  الكاتب منى, on 10-05-2009 20:04 هلا هيا   الف الف هنا و الف صحة و عافية على قلب العيلة الحلوةووواحد واحد   كتير انبسطت انك جربتيها و انبسطت اكتر انها عجبتك

11  الكاتب منى, on 28-07-2009 12:58 الله يسلمك و يخليك , ما في اسهل و لا اطيب منها

13  الكاتب منى, on 04-06-2010 11:48 اي بيمشي الحال , المهم يكون مسلوق كتير منيح , و ما بده تقشير

14  woooow الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-06-2010 00:42 ياااي  شكراً كتيـــــــــــر إلك منى  أنا من زمان نفسي أعرف وصفة الفول الحلبية الأصلية  لأنو زوجي حلبي و مجنني بدو فول على طريقة حلب  على فكرة...أنا حموية  ان شاء الله قريباً بجرب هالوصفة الطيبة و بفرح زوجي فيـّا

15  الكاتب منى, on 11-06-2010 12:13 ان شاء الله تجربيها و تعجب الباشا و يفرح فيك     مية هلا فيك اختي , نورتي الموقع

17  الكاتب منى, on 15-09-2011 19:35 صحتين و الف الف عافية شفاء , صحتين و عافية يا قمر على كل شي جربتيه و كان نمممم

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved