أكيد كل واحدة فينا عندها طريقة او أكثر لكاتو التفاح , هي طريقتي الي صارت واحدة من وصفات عائلتي المفضلة و انا اعتمدتها بعد تجربة كتير كتير  طرق مختلفة لكاتو التفاح ..

الكاتو  كتير كتير طيب و كل من داقه عندي بيعلق على  طراوة الكاتو و الصوص فوقه , السر هو في طريقة تقطيع التفاح , بحب ااقطعه  لقطع سميكة شوي لحتى تبقى ظاهرة وقت تقطيع الكاتو و رح تعطيه شك حلو و طراوة طيبة  , أما إذا بشرت التفاح فرح يطلع الكاتو و كأنه معجن ..

بعد تجهيز الكاتو رح يكون المزيج سميك بعض الشي , ما في غلط في المقادير  و  لا تضيفي شوية سوائل لأن التفاح رح يطري الكاتو و رح يعطيه من نكهته , شي تاني هل المقدار بيعطيكي قالب كاتو كبير كتير و أفضل شي أنك تخبزيه في قالب كبير و ممكن تقطيعه لقطع و وضعه في ورق بليسيه و تزيينه بالصوص . أخر شي هل الكيك بياخد وقت اطول من الكيك العادي في الفرن , ممكن ساعة و ربع  على حسب نوعية فرنك , و اذا طالعتيه قبل رح يعجن .

بالصحة و الهنا

كوب و ثلث زيت أو زبدة مذوبة
3 كوب طحين كاتو
ملعقة كبيرة قرفة
ملعقة صغيرة بيكربونات الصودا
3 ملعقة صغيرة بيكنغ بودر
ملعقة صغيرة ملح
2 كوب سكر
3 بيضات من الحجم الكبير بدرجة حرارة الغرفة
3 – 4 حبة تفاح
كوب من الجوز المحمص ( اختياري )
فانيليا
صوص التوفي كريم 

تعليقات (126)

101  الكاتب منى, on 03-10-2010 20:15 هلا رغودة   لا كيف مو مجربته , في وصفة لكاتو البرتقال بحشوة غيرررر شكل بالقسم , بس انا اكيدة ممنوتك اذا شاركتي بوصفة جديدة , اسمه هلا البرتقال على الابواب و كتير مشتاقيله     رح استنى وصفتك , و على فكرة الموقع الي ذكرتيه بحبه كتير

102  الكاتب منى, on 03-10-2010 20:52 هلا توتا   لا تزعلي و الله خربطت , ها رديت عليك و بالتفصيل     خيلي عينك على هل الدعوات الحلوة , الله يختارلك الي فيه الخير و ان شاء الله تجربي هل الكيك و يكون يمييي

103  الكاتب منى, on 03-10-2010 20:54 هلا قمر   الف الف صحة و هنا على البك , يا ترى زيت الزيتون الي استعملتيه اله نوعبة خاصة ؟  لان انا مرة جربت كاتو بزيت الزيتون و ما عجبني ابدا , حسيت ان نكهته قوية كتير .  شو بتنصحيني ؟

104  السلام عليكم الكاتب juman, on 13-10-2010 11:09 مرحبا منى كيفك ان شالله تمام, يا ستي عندي استفسار ؟ بالمقادير حاكية سكر وما محددة نوعه وبالردود في اخت حاكية انة بني فيا ريت تفيديني وكمان يسلمو ايديكي عالبرغل بالكوسا كتير طيبة حبا زوجي وبنتي اللي معزبتني بالاكل وما بعجبها العجب,, سلم دياتك و آسفة طولت عليكي

105  الكاتب منى, on 13-10-2010 12:57 هلا فيك جمان   الف هنا و عافية على الكوسا ببرغل , منيح الي عجبها للقطة     انا استعمل سكر عادي , بس فيك تستعملي البني اذا حابة , ببيعطيه طعم طيب

107  224690 الكاتب فاديا, on 20-10-2010 23:55 مرحبامنى أناكتيرحبيت الموقع   وبهنيكي عليه

108  الكاتب منى, on 25-10-2010 08:37 هلا جمان   الف الف الف صحة يا قمر على البك , كتير مبسوطة انه عجبك و انه ظبط معك , هنا           هلا فاديا   من زووءك اختي , نورتينا و ان شاء الله تبقى معنا على طول

109  الكاتب larooo, on 30-11-2010 23:25 عملته من يومين ..صحي هو طلع من فوق قاسي شوي ومعجن قليلاااا متل الاخوات ماحكوا ..مع اني خليته بالفرن ساعة وربع ..بس طلع طييييييييييب ..وقطع التفاح بقلبه كتير طيبة   المرة الجاي رح جرب خليه مدة اطول بالفرن ..بس ياترى ماممكن يقسى اكتر من فوق ..لأنو حسيتو طلع الو قرشة من فوق ..الطبقة الفوقانية .. وتشققت شوي  بس بيستاهل انو الواحد يعيده ..تسلم ايديكي منوش

110  الكاتب منى, on 01-12-2010 08:27 لا لاروش هو مو المفروض لا يطلع قاسي و لا معجن , بقى ما بعرق شو المشكلة     يا ترى شو كانت درجة حرارة الفرن و على ايا رف خبزتي الكاتو ؟

112  الكاتب منى, on 01-12-2010 19:10 مممم سمعت كتير ناس عم يجربوا بزيت الزيتون , ان شاء الله رح ارجع جربه     شكرا كتير للنصيحة

113  الكاتب larooo, on 04-12-2010 18:24 مابعرف شو القصة كانت ؟؟درجة الحرارة كانت 180 متل مو مكتوب ..وحطيتو مو على الرف النصاني على اللي تحته تكة لأنو الفرن بكون شغال فوق وتحت سوا  مافيني شغلو بس من تحت ..مابعرف اذا هدا هو السبب   بس ان شاء الله المرة الجاي بتكون النتائج احسن

114  الكاتب منى, on 05-12-2010 07:39 ييييي خلص هي هي     اكيد هادا هو السبب , لان ما بده من فوق و لا ايا حرارة     كيف بتعملي غير كاتويات ؟ ممكن تتبعي نفس الطريقةالي بتمشي مع فرنك

115  الكاتب نجمة, on 04-01-2011 11:31 السلام عليكم كيفك أخت منى جربت كاتو التفاح وطلع كتيير لذيذ بس حابة ائلك بالنسبة لصلصة التوفي جربت طريقة عندي وهي ثلاث ملاعق كبيرة سكر تذوب على النار حتى تصبح ذهبية اللون ثم نضيف علبة قشطة ونحرك بسرعة حتى لا تتكتل وطلعت زابطة بقى ما بعرف برأيك السكر قليل لأنو لما جربت الكاسة ونصف تكتلت معي وشكرا جزيلا لك

116  الكاتب منى, on 04-01-2011 18:15 ما كتير فهمت عليك , هللا السكر لو كان معلقة او كاسة رح يدوب بنفس الطريقة     ما دام الطريقة زبطت معك ابقي عليها , كله نفس المبدا و نفس الطعمة     الف الف صحة و هنا على البك , الحمد لله انه زبط معك و كان على زوووءك

120  الكاتب lalosh, on 18-11-2011 21:14 مدام منى انا عنجد حبيتك بدون ما أشوفك .. الله يوفقك ويسعدك بكل حياتك يااااااااااارب    اليوم عملتو لهالجاتو وكان بشهي كتير .. كل العيلة حبتو   انا اسمي عالفيس بوك Alaa Shuhban نزلت صور لجاتو الاخضر والدجاج الاسباني رح ضل جرب كل شي بهالموقع لحتى صير فنانة متلك :*

121  الكاتب منى, on 19-11-2011 21:42 تحبك العافية الاء خليلي عينك     صحتين و الف الف هنا , ان شاء الله بتصيري احسن بكتير و كلنا منتعلم من بعض و اكيد لا تنسي الموقع من كم وصفة اردنية اصيلة

122  الكاتب منى, on 20-11-2011 15:01 هلا زينة   بيصير بس الافضل لو صينية كبيرة

124  الكاتب ghad, on 17-04-2012 14:24 الحمدلله زبطت معي و طعميت العيلة ان شاء الله تنفتح بوجهك ابواب الجنة

125  الكاتب منى, on 18-04-2012 07:41 ابوس روحك , هي احلى دعوة بسمعها من زمااان , ان شاء الله انت كمان و ندخل برحمة ربنا     صحتين و الف الف هنا و عافية على قلبك و قلب عيلتك الحلوة

126  الكاتب منى, on 18-04-2012 07:54 هلا لولو   صحتين و هنا و عافية يا رب على قلبك و قلب كل مين داقه

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved