أكيد كل واحدة فينا عندها طريقة او أكثر لكاتو التفاح , هذه طريقتي التي أصبحت من وصفات عائلتي المفضلة و التي اعتمدتها بعد تجربة العشرات و العشرات من طرق مختلفة لكاتو التفاح ..

الكاتو  لذيذ جداً و كل من تذوقه عندي أدهشته طراوة الكاتو و الصوص فوقه , و البعض يسألني : هل زينت الكاتو بالعسل ؟؟

السر هو في طريقة تقطيع التفاح , فأنا أقطعه لقطع سميكة بعض الشي ستبقى ظاهرة أثناء تقطيع الكاتو و ستعطيه منظراً جميلاً , أما إذا بشرت التفاح فسيظهر الكاتو و كأنه معجن ..

بعد تجهيز الكاتو سيكون المزيج سميك بعض الشي ,لا تعتقدي أن هناك خطاً ما في المقادير و  لا تضيفي أية سوائل لأن التفاح سيعطي الكاتو من عصيره و يضفي عليه طراوة و نداوة لذيذة . 

المقدار سيعطيكي قالب كاتو كبير و ممكن تقطيعه لقطع و وضعه في ورق بليسيه و تزيينه بالصوص ...

بالصحة و الهنا

كوب و ثلث زيت
3 كوب طحين كاتو
ملعقة كبيرة قرفة
ملعقة صغيرة بيكربونات الصودا
3 ملعقة صغيرة بيكنغ بودر
ملعقة صغيرة ملح
2 كوب سكر
3 بيضات من الحجم الكبير بدرجة حرارة الغرفة
3 – 4 حبة تفاح
كوب من الجوز المحمص ( اختياري )
فانيليا
صوص التوفي كريم 

تعليقات (46)

1  الكاتب بدور, on 16-08-2007 20:09 شكلا كتير طيبة   يا رب أعرف أعملها متلك   يسلمو إيديكي ياااا رب.

2  الكاتب منى, on 17-08-2007 11:08 أكيد رح تعرفي     و هدا الكاتو بقى ما في أسهل منه و نجاحه مضمون ان شاء الله     الله يسلمك و يخليك بدور

3  الكاتب ام نور, on 22-09-2007 00:22 انا اليوم عملت كاتو بالتفاح والموز كمان بحب كتير ضيف الفواكه عالكاتو بتعطي نكهة مميزة وحطيت رشة قرفة بس حطيت نص نشا ونص طحين ولبن وبدل صوص الذهبي حطيت كريمالان هاي الصوص ما عنا منا.وغدا بدي جرب العوامات جبت الطريقة من بابا اذا ظبطت بعطيكون المقادير لان صراحة ولا مرة مجربة

4  الكاتب منى, on 23-09-2007 11:42 مية أهلا و سهلا فيك أختي ام نور     ريتو عوافي و هنا على قلبك أختي ..    ان شاء الله بانتظار وصفة العوامات و رح جربها اذا الله راد على الغميضة

6  الكاتب منى, on 29-10-2007 12:52 مية أهلا و سهلا فيك قطة     ان شاء الله هنا و صحة و عوافي يا رب

7  الكاتب ام نور, on 13-12-2007 21:03 انشالله بوقرة رح اعمل هالنوع بالذات من الكاتو عانفس طريقتك بس لو ممكن تقوليلي اداش بالظبط بدو بالفرن جبت فرن صاحبتي عندا اتنان وكل يوم عم جرب نوع شكل تاري الفرن المنيح الو تاثير بالاكل فعلا عملت مبارح بسبوسة طلعت كانا جاهزة وجربت خلية النحل بعجينة امك الدهبية كمان روعة طلعت هالعجينة تحفة الله يخليليك امك يا رب

8  الكاتب منى, on 13-12-2007 23:04 مسا الخير ام نور     أكيد لوما الفرن المنيح ما في كاتو بينجح     الله يسلمك يا رب و يخليلك ماماتك و باباتك و كل أهلك بخير و عافية   و ان شاء الله صحتين و هنا يا رب       اختي هل الكاتو بده شي ساعة أو أقل حسب فرنك ..أنا كتير أحيان بيكفيني 50 دقيقة ..    رح يعجبك كتير اذا الله راد , أخر مرة عملته يوم الخميس لان كان أخر يوم عندي بدرس الفرنسي , لما اجا جوزي قال لي من وقت ما دخلت على البناية شميت ريحة كتير طيبة و قلت أكيد هل الريحة طالعة من مطبخنا

9  الكاتب ام نور, on 19-12-2007 18:32 والله يا اخت منى يعجز لساني عن شكرك عا هالافكار وهالوصفات اد ما شي ناجح ومضمون وبيبيض الوج اليوم عملت هالقالب الكاتو مع اني دايما بعمل كاتو وبحط معو تفاح او اجاص المتوفر لدي ولكن هيدي اول مرة بعمل كاتو وبيطلع معي طيب هالاد مع انو مكوناتو كتير بسيطة وشغلو سهل وانا عم حضرو ما خطرلي رح يطلع هاللأد لان العجينة اصبحت كتير سميكة ولكن لما استوى شو طلع لين وخفيف وبينفخ كتير والاهم طعمة مع التوفي يمممممممممم

10  الكاتب منى, on 21-12-2007 06:04 هنا و عوافي ام نور     الله يخليك و يجبر بخاطرك اختي الكريمة على ردك الطيب ..    عن جد اختي , ناس طيبة متلك و متل زوءك هي الي بتحلي الموقع و بتوره

11  شكرا الكاتب فوفو, on 03-01-2008 09:52 شكرا على هذه الوصفه اللذيذه لكن ما زبطت معي لانها هبطت وهي بالفرن اريد ان اعرف السبب لو سمحتي

12  الكاتب منى, on 04-01-2008 16:27 هلا فيك أختي     ممكن يكون السبب حرارة الفرن ما كانت مناسبة , لازم تحمي الفرن لربع ساعة على الأقل قبل وضع الكيكة فيه       كمان ممكن يكون البيض استعملتيه من البراد للخلاط على طول ؟؟    و ممكن الطحين الي استعملتيه ما كان طحين مخصوص للحلويات ممكن يكون طحين عادي !    يا ترى في هيك شي و إلا لأ

14  الكاتب منى, on 06-01-2008 09:24 الله يسلمك ام عبادة     ان شاء الله تجربي الكانو و تحبيه     الشكر ليك انت على ردودك الطيبة و وصفاتك المميزة في الموقع

16  الكاتب منى, on 09-01-2008 17:02 هلا فيك أختي     أكيد الطحين العادي هو السبب بأن ما نجحت معك هل الكيكة أو غيرها     أختي أنت فيك تتحكمي بفرنك و حراته و كل فرن بيختلف عن التاني و ممكن تعرفي طبيعة فرنك بعد كم تجربة ..    ان شاء الله يكون عندك همة تجربيها مرة تانية و تكون على زوءك

19  الكاتب منى, on 09-02-2008 18:47 هلا فيك نهى , و إن شاء الله بالتجربة رح تصري أشطر ست بيت   الكاتو هو نفسه الجاتوه و طحين الكاتو هو أي نوع مناسب لتحضير الحلويات

20  الكاتب منى, on 09-02-2008 18:52 هلا أختي كويتية   أختي البيض لما يكون صغير شوية تضيفي بيضة زيادة , و طحين الكاتو هو نفسه طحين الحلويات   و أي سؤال تاني من عيوني حبيبتي

22  الكاتب منى, on 13-02-2008 07:25 هلا فيك أختي   بتستعملي الطحين الفاخر و في الوصفة مذكور البيكنغ بودر مع كربونات الصودا و بهيك صار طحينك جاهز للاستعمال في الكاتو     أي سؤال تاني انت تؤمري

23  الكاتب نهى, on 17-02-2008 07:21 معلش كمان سؤال   هى بيكربونات الصودا هى هى بيكربونات الصوديوم؟؟

24  الكاتب منى, on 17-02-2008 07:34 هلا نهولة   و لا يهمك حبيبتي و حقك على كان لازم أوضح أكتر , بيكربونات الصودا هو نفسه بيكربونات الصوديم

27  الكاتب منى, on 27-02-2008 17:38 هلا بسمة أختي بالاول صحتين و هنا على قلبك و قلب كل العيلة , أما اللون لان الكاتو هون مغطى بصوص التوفي كريم

28  الكاتب منى, on 27-02-2008 17:45 هلا نهى الفرن بتشعليه على درجة حرارة متوسطة و هي نفس درجة الحرارة 180

30  الكاتب منى, on 28-02-2008 19:30 هلا سمسمة هدا بس من زووءك و لطفك حبيبتي , نور الموقع بأخت غالية و جديدة

31  الكاتب randd, on 12-03-2008 22:47 كثير روووووووووعه يا عسل

32  الكاتب منى, on 14-03-2008 23:26 انت الي عسل و الله , ان اء الله تجربيه و تحكمي بنفسك

33  طيب الكاتب رنا, on 14-05-2008 18:09 بالفعل روعة روعة روعة ونجح نجاح باهر وحلاوته انه شكل وطعمة يسلم دياتك

34  الكاتب منى, on 15-05-2008 06:48 هلا رنونة صحتين و عوافي على قلبك يا حق , كتير انبسطت لان عجبك .. دعواتك

35  الكاتب سارونات, on 15-07-2008 00:38 السلام عليكم و رحمة الله و بركاته    أختي منى     عندي شوية اسئلة ادا سمحتي    عندي تفاح اخضر شوي     بينفع جرب الوصفه فيه او بلاها     و بشتري تفاح ناضج تماما     كمان هل فيني استبدل التفاح     بالاجاص قولتك بتطلع حلوة او لا     و شو كمان اي شي تاني     بالنسبة للتوفي كريم هي بتنشف     بسرعة او لا يعني لمن بحطا فوق     الكيك بحطا بس وقت التقديم او     فيني حط عليها كلها و خليها     بالبراد ل 3 ايام     و هل بقدر اعمل التوفي كريم و    حطابعلبة و بستعملها لما بدي--   حاسةانو ما بينفع --    و مبروك لكل اللي جربوه و نجح   معاهن و عقبال الكل ان شاء الله     و عقبالي انا كمان     و الصينية اللي عملتيه فيها     مستطيلة او دائرية     يا الله على اسئلتي اللي ما     بتخلص الله يعينك عليها    و ربنا يوفقك و يعطيك الصحة و     راحة البال و يسهل دربك يا رب

38  الكاتب منى, on 23-07-2008 19:01 هلا سارونات   حبيتي انا كنت مسافرة لهيك ما كانت الردود عم تطلع     هلا نجي على الاسئلة , الصراحة انا ما جربته بتفاح أخضر , ما فيني فيدك     أتوقع ممكن تستعملي الاجاص , و كمان فيك تغطيها بالتوفي و هو ما رح ينشف     التوفي فيك تحفظيه بالبراد لمدة شهر , انا دايما بعمل هيك, لما بتلزمني بسخنها بحمام مائي لحتى تصير مريقة شوية و بستعملها متل ما بدي     الصينية ما بتفرق شو ما متوفر عندك فيك تستعمليه , المهم الحجم يكون بسعة 12 كاسة     رح ضيف كم وصفة للأجاص الحباب و ان شاء الله بيعجبوك

39  الكاتب سارونات, on 04-08-2008 04:04 السلام عليكم و رحمة الله و بركاته  الحمد لله على سلامتك اختي منى   الله يجازيك خير عالمساعدة   مشكلتي بالصواني اللي عندي حجما زغير صار لازم اشتري صواني كبار ان شاء الله بس في عندي واحدة بعتقد بتوصل ل 12 كاسهبس هي مستطيلة فراح يصير الكاتو بالعرض يعني يمكن يصير كبير و مو مرتفع متل مانك شايفة صايره عندي مشكلة باختيار الصينية المناسبة قليلي اختي منى كيف فيني اعرف الصينية اللي بتناسب انا فكرت ان مقدار الطحين هو اللي يحدد حجم الصينية  راح احكيلك اللي صار ساويت كيكة بسيطة كتييير و المفروض انها تنتفخ كتير بس كنت شاكة بحجم الصينية لانو كان زغير بس قلت خليني خاطر و ساويها فطلعت زغيرة و ما طلعت حتى نص الكيكة الاصلية لان الاصلية نفشت كتير لهيك صرت بخاف من الحجم شكلي اكتشفت نوع فوبيا جديد الخوف من حجم الصواني :  grin   شكرا على الاجوبة طمنتيني و ناطرة وصفات الاجاص بفارغ الصبر  سامحيني لاني تعبتك معي   سلام

40  الكاتب منى, on 04-08-2008 19:22 مو مشكلة شو ما كان شكل الصينية , انا لهل النوع بالذات بحب حضره بصينية مستطيلة     الحجم ما فيك تعرفيه لحالك ,إذا مذكور بالوصفة كتير منيح , إذا لأ فيك تقدري حجم الصينية المناسب بشكل تقريبي من مقادير الكيك , بس مع ذلك ما رح أحكيلك كم مرة طلع تقديري غلط و الكاتو نفش و طفطق من الصينية     هلا المهم أي قالب كيك في الموقع ممكن ساعدك بحجم الصينية المناسب اله , و ان شاء الله تجربي شي كاتو و لا تنسي تبعتيلي قطعة , لااازم دوق من تحت دياتك

42  الكاتب منى, on 09-08-2008 08:00 أنا بستعمل الكوب العادي و هو تقريبا نفس الكوب المقياسي , كمية الطحين لكل كوب 150 غ     هلا فيك أختي

43  الكاتب سارونات, on 11-08-2008 17:19 السلام عليكم و رحمة الله و بركاته  تسلميلي يا اختي منى تعبتك معي طلع تقريبابنفس قياس الكاس اللي عندي هيك بحس براحة ان شاء الله راح ساويه هالاسبوع و بخيرك بالنتيجة بس بالنسبة للتفاح هل راح يطلع قطع بالكاتو خايفة لما قطعوقطعو قطع كبار قوليلي هيك بالتقريب اديش حجم القطع لزغيرةيعني قد حبة الكرز مثلا او اقل او اكتر  كمان بالنسبة للتوفي راح حط القشطة اللي قلتي عليها اللي منعملا بالبيت بدي اسال بضيف القشطة عطول للكراميل او اخفق القشطة و كم ملعقة بحط  ربنا يوفقك و يسهل دربك   سلام

44  الكاتب منى, on 11-08-2008 19:19 هلا أختي سارونات   ان شاء الله بتساوييه و بيكون على زووءك , كتير سهل و طيب ره تقطعيه كل تفاحة لاربع اقسام بعدها كل ربع بتقطعيه بالطول و بعدها بتغرميه لمكعبات بسماكة نصف سنتيمتر تقريبا أو أقل     القشطة بتخفقيها و بتضيفي تقريبا 3 - 4 ملاعق منها ..    عم انتظر اخبارك أختي

45  الكاتب منامينو, on 17-11-2008 07:27 هلا حبيبتي منى. يسلمو إيديكي ويسلم هالإبداع. وصفة راقية جدا وكتير عجبتني. حابة أجربها بس عندي سؤال زغير بالأول. هلأ بيكربونات الصودا اللي بتقصديهاهي نفسها الكربونة اللي منستعملها لنقع الحمص وبعمل الفلافل؟؟ طب إذا هي نفسها، لو حطينا ملعقة صغيرة ما بتمرمر؟؟ يعني قصدي نحط ملعقة زغيرة كاملة؟؟    وميرسي يا عسل لكل وصفاتك الحلوة اللي جد عمتطلع روعة بالتجربة. ويسلملي ذوقك الحلو باختيار الوصفات. عن جد خرج إنها تتحول لكتاب .. موفقة يا رب

46  الكاتب منى, on 19-11-2008 17:11 انت الزووء حبيبتي   الملعقة الي رح نستخدمها ملعقة صغيرة بس مسطحة و هي نفسها الكربونة الي نستعملها لنقع الحمص , لا تستغربي لان هي جزء من البيكنغ بودر     ان شاء الله تجرببي هل الكيك و يعجبك و لا تنسي تخبريني

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved