L2ma.com | لقمة طيبة | L2ma.com | لقمة طيبة | سلطة بشر الجزر و الفجل | الجزر, · , الفجل, زيت, فجل | L2ma.com

القائمة الرئيسية

الأكثر تصفحاً

سلطة بشر الجزر و الفجل

الكاتب/ منى

03/05/2009

سلطة بشر الجزر و الفجل

قديه هل السلطة ممكن تكون غريبة , بس بنفس الوقت كتير سهلة و يم يممي ما اطيبها , و هي معروفة لكل الستات الكبارية بحلب , بس بالفجل و بس , يعني بشر فجل مع ليمون و زيت و بتخليهم شوي ليحل اللون الأحمر و دوقي ..

انا جربتها مع الجزر و الخس لاضفاء اللون لطبقي و كانت كمان طيبة كتير و الوانها فاتحة للشهية .

بالصحة و الهنا

5 حبة فجل متوسطة الحجم
2 حبة جزر متوسط
بضعة أوراق خس

الصلصة :

عصير ليمونة
3 ملعقة كبيرة زيت زيتون
ملح
رشة كمون ( اختياري )
direction

·          تمزج مقادير الصلصة و تترك جانباً .

·          يبشر الجزر و الفجل على الوجه الخشن كل واحد على حدة و تقسم الصلصة بينهما و يمكن تعديل الحمض حسب الرغبة .

·          ترتب أوراق الخس في طبق التقديم و فوقه يرتب الجزر ثم الفجل و تقدم مع المشاوي أو حسب الرغبة .

أضافة إلى المفضلة (0) |

أقتباس | مشاهدات : 2914

تعليقات (10)

1 الكاتب غيث, on 04-05-2009 12:24
والله وفكرتينا بهالسلطة يا منى كنت نسيانتهاومتل ما قلتي ستاتنا بيعملوها بالفجل بس وانا ما كتير بحب الفجل وبالاحرى ما باكله بس مع الجزر رح جرب الله يعطيك العافية بتعرفي هالسلطة كتير مفيدة للمجاري البولية وقصة الرمل والحصوات جدا جدا مفيدة لان الفجل مدر قوي للبول هلق بتقولي غيث فتحت محاضرة طبية بس اقتراح شو رايك اذا كل واحدة من الاخوات بيعرفو فوائد اي اكلة بتنزل انو يذكروها بتعليق بسيط وغير ممل منشان كلنا نستفيدوحتى بيصير تشجيع للبعض بتطبيق بعض الاكلات اللي بيشوفو انها مفيدة لحالتهم اذا كانو بيشكو من شي لا سمح الله الله يبعد الالم عن الجميع يا رب

2 الكاتب منى, on 04-05-2009 12:58
و الله غيوثة فكرتك ممتازة و اكيدة انك رح تكوني اول المضيفات للفوائد على اعتبار ان جوزك دكتور و هو اختصاص هل القصص

الف شكر الك للمعلومات و ان شاء الله تجربيها و تكون على زووءك

3 الكاتب نور الأسلام, on 04-05-2009 18:07
السلام عليكم يسلم دياتك منى هالاكله كتير طيبه وانابساويها مع فجل وليمون كتير طيبه ورح جرب طريقتك بس يمكن هلا الجزر خلص عجبتني فكرة الاخت غيث ممتازه تحياتي الها ولكل الاخوات بالموقع :zzz

4 الكاتب منى, on 04-05-2009 19:40
هلا نور

و انا كمان بحبها كتير و اتعلمتها من حماتي الله يخليها الي و يحفظها بصحتها و عافيتها

الجزر يعني قرب يخلص , يا دوب عم لحق حالي كم وصفة عليه :zzz

5 الكاتب غيث, on 04-05-2009 23:05
ابوس عينك يا منى شو لذيذة وبتقدري كل الاراء وتحترميها وهذا هو سر محبتنا لك واحترامنا لك واكيدمارح ابخل عن اي معلومة بعرفهاوبشكل مختصتر مفيد لاني هالشي من اختصاصي (ما بعرف اذا بتعرفي اني طبيبة امراض باطنة)بينما زوجي اخصائي عظام والله والله مو دعاية لنا وعموما انا مالي ببلدي حتى تقولو دعاية او شهرة والدليل التاني باني حابة افيد الاخوات واخذ الاجر من الله انني لم اكتب تفاصيل اسمائنا انا وزوجي بيكفي افيد الاخوات واجري كبير عند الله وبدي دعواتكم (الجندي المجهول) وبتعرفي مالي خبر اليوم رح تنزلي كل هالصور والوصفات انا امبالي بس الحبوب وما فضيت ادخل النت للمسا واتاريني انا الوحيدة الكسولة والمتاخرة يالله خيرها بغيرها بكرة ان شاء الله بناخذ الجائزةشكرا منى لاحترامك لنا ولاقتراحاتنا

6 الكاتب منى, on 05-05-2009 09:15
هلا غيوثة , و هل الكلام كله كله من زووءك و لطفك , و انا ما كنت اعرف انك كمان طبيبة , نيالنا شو بدنا أحسن من هيك معلومات موثوقة , و أكيد لا دعاية و لا شي و مع انه لو يصحلنا نحنا الي ربحانين , بهل الايام كتيرمنيح يلاقي الانسان طبيب ( أو طبيبة ) يرتاح اله

للمسابقة و لا يهمك , الجايات اكتر من الرايحات , و الشكر الك غيثوثة حبيبتي

7 الكاتب DOUHA, on 07-05-2009 22:46
جاري الاكل هههههههه عم اعملا بس يارب يكون الجزر طيب اله يستر لاني ما عاد طيب من اول
شكرا

8 الكاتب منى, on 08-05-2009 09:24
و الله معك حق تاكلي هم , امبارة الجزرات كانوا عدم و مخشيات و طعمتهم مو طيبة :roll

الله يستر , و اذا صار ما صار تبقى بعديهم و عليك بالفجل مع الخس

9 الكاتب المغربية, on 25-11-2009 08:37
ماشاء الله كتير سهلة وحلوة ان شاء الله بجربها

10 الكاتب منى, on 25-11-2009 11:49
ان شاء الله تجربيها و تعجبك و مية اهلا و سهلا فيك اختي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 03/05/2009 )

< السابق		التالى >

[ عودة ]