شوربات العدس وصفات مشهورة كتير في المطبخ التركي و هي وصفة شتوية جديدة علينا و فينا نسميها شوربة حديد بحديد على قد مو مغذية و مفيدة و أكيد كتير طيبة . بتنفع وجبة بحد ذاتها و عندي احساس ان واحدة ببالي من الأخوات السكاكر في الموقع لمن تجربها رح تحبها كتير .
بيوم الي حضرتها كنت تعبانة شوي , بداية كريب و ما كان جاي على بالي اطبخ , او بالاحرى ما كان فيني اطبخ . يومها كانت الشمس طالعة , سكبت طبق كبير الي و للأولاد و طلعنا للبلكونة و شريناها مع عصير الليمون و رشة الفلفل الحرّ الي , عن جد حسيت بالدفى عم يمشي بعروقي و بعدها ما بقى في داعي للغدا .
إضافة السبانخ شي اختياري و أغلب المناطق بتركيا بتحضر الوصفة من دونه , بس أنا أتعلمتها بالسبانخ و بحبها هيك و انت اذا حابة تجربيها فهل الاضافة عايدة الك و كمان فيك تزيني الوج بقلية زبدة مع فليلفة حمراء و نعناع .
بالصحة و الهنا
2 – 3 ملعقة كبيرة زيت زيتون ملعقة كبيرة زبدة أو سمنة حبة بصل كبيرة مفرومة ناعم 2 فص ثوم حبة بندورة مفرومة ملعقة صغيرة دبس فليلفة ملعقة صغيرة فليلفة حمراء ناعمة كوب عدس أحمر ربع كوب برغل ناعم 6 - 7 كوب مرق دجاج ملعقة صغيرة كمون ملعقة صغيرة نعناع يابس ملح و فلفل اسود مبشور طازج 2 كوب سبانخ طازج مفروم ناعم ( اختياري )
·يقلب البصل بالزبدة و الزيت على نار متوسطة لبضع دقائق حتى يطرى , يضاف الثوم و يقلب حتى تظهر رائحته اللذيذة مع الانتباه كي لا يحترق .
·يضاف المرق و العدس و دبس الفليلفة و البندورة و الفليلفة الناعمة و الكمون و بعد أن تغلي تهدى النار و تترك حتى ينضج العدس تماماً و تصبح حباته مهروسة .
·يضاف البرغل و تتبل الشوربة بالملح و الفلفل و يترك حتى ينضج البرغل لمدة ربع ساعة تقريباً .
·يضاف السبانخ و النعناع و تترك لمدة دقيقة حتى يذبل السبانخ , إذا كانت الشوربة سميكة يمكن اضافة المزيد من المرق .
·تقدم الشوربة فوراً مع شرائح الليمون و يمكن تقديم خبز البيداأو مع مكعبات التوست المحمصة معها .
تعليقات (17)
