العروسة قاعدة بكرسيها ملكة اليوم المتوجة و الصبايا قريباتها و رفقاتها ماسكات ايديهم بايدين بعض و الطبل عم يدق و هنن عم يرقصوا أحلى دبكة , و الستات الأكبر في المطبخ عم يحضروا وليمة العرس و هي الشوربة أول طبق بيتقدم بولائم العرس التركية و خصوصاً في الضيع و القرى ..
الشوربة سهلة كتير و طيبة و لمن بتتحضر بلحم من الفخذ رح تاكلي منها و ما تشبعي . في كتير وصفات لتحضير هل الشوربة و في بعض الضيع بعد ما تجهز الشوربة و قبل التقديم مياشرة بيخفقوا صفار بيضة مع كم معلقة ليمون و بيضيفوها للشوربة و بيحركوا حتى تمتزج و بعدها على التقديم . أنا بحبها أكتر الشي بالطريقة المذكورة في وصفتي , ان شاء الله تجربيها و تكون على زووءك .
صوص الفليلفة بيتقدم على جنب و انا عيلتي و خصوصاً الأطفال بيشربوها من دونه و هي شغلة حسب الرغبة . و نفس الشوربة ممكن تتحضر من المرق من دون قطع اللحمة و بتتسمى شوربة الطحين و هي فكرة طيبة لعشاء مغذي للأولاد إذا كنتي بيومها سالقة لحمة لطبخة الغدا .
عندي كم وصفة شوربة من الشتوية و حابة نزلهم كلهم قبل ما يجي الصيف , رح نزلهم واحدة وراء التانية لحتى يجي الصيف و نخش على الأطباق المنعشة .
بالصحة و الهنا
نصف كيلو لحم فخذ مقطع لمكعبات حبة بصل متوسطة مفروم ناعم 6 كوب من مرق اللحم 2 ملعقة كبيرة زبدة 5 ملعقة صغيرة طحين ملح و فلفل أسود مطحون طازج
للتقديم :
ملعقة كبيرة زبدة نصف ملعقة كبيرة فليلفة حمراء ناعمة
·يسلق اللحم مع حبة جزر و بصلة كاملة و ورقة غار و بضعة حبات فلفل أسود حتى تنضج , يحفظ مرق السلق جانباً و تقطع مكعبات اللحم لقطع صغيرة .
·يقلب البصل بالزبدة على نار متوسطة حتى يشقر , يرش الطحين و تهدى النار و يقلب لبضع دقائق حتى يتغير لون الطحين قليلاً .
·يضاف المرق بالتدريج و يقلب المرق بعد كل إضافة ثم يترك ليغلي لمدة عشر دقائق .
·تهرس الشوربة حتى تصبح ناعمة ثم تضاف مكعبات اللحمة وتترك لتغلي لبضع دقائق أخرى . تذوب الزبدة و تقلب فيها الفليفلة حتى تغلي .
·عند التقديم تسكب الشوربة في طبق عميق و بطبق صغير أخر يوضع مزيج الزبدة و الفليلفة و يسكب من صوص الفليلفة كل شخص حسب رغبته . أضافة إلى المفضلة (1) | أقتباس | مشاهدات : 3682
تعليقات (5)
فقط الأعضاء يستطيعون إضافة التعليقات إذا كنت عضواً فقم بتسجل الدخول و إن لم تكن فقم بتسجيل أشتراك جديد
تعليقات (5)
