2 كوب حليب
نصف كوب سكر
3 صفار بيض
فنجان صغير طحين
فانيليا
رشة ملح صغيرة
قشرة ليمونة كاملة , الجزء الأصفر فقط


·          يوضع كوب و نصف من الحليب على المنار مع قشرة الليمون و يترك حتى يغلي .

·          يوضع الطحين و السكر و الفانيليا و رشة الملح و باقي الحليب البارد في وعاء زجاجي و يقلب بمضرب سلك حتى يتجانس .

·          يضاف  صفار البيض و يقلب على البارد بالمضرب .

·          ترفع قشرة الليمونة من الحليب المغلي ثم يضاف على مزيج الصفار مع التقليب المستمر أثناء الإضافة حتى الانتهاء من كل الحليب .

·          يرجع المزيج للنار و يترك لمدة دقيقتين مع التقليب المتواصل حتى الحصول على كريما ناعمة .
تترك الكريما حتى تبرد ثم تستعمل حسب الرغبة .

تعليقات (42)

3  الكاتب نور الأسلام, on 07-04-2009 18:25 السلام عليكم كيفك منى يسلم دياتك يا رب انا من زمان حابه اعمل كريمه بالبيت وما كنت اعرف كيف وكتير فرحت لما شفتا هلا وكمان مكوناتها بسيطه ممكن يسعمل بدل دريم ويب لانو لسا ماجربت وصفات بالكريماويسلم دياتك مره تانيه

4  الكاتب رنا, on 07-04-2009 19:30 انا لما عملت كيك الفواكه اخدت وصفة الباتسيير من وصفة الفريزييه وتقريبا نفس الشي شكرا كتير منى بس هالموقع مابيطلعو صوره عندي

5  الكاتب منى, on 07-04-2009 19:31 هلا سلوفة   الصورة ظاهرة عندي , يا ترى المشكلة موجودة عند اخت تانية لحتى ارجع حمل الصورة     القرفة خطا مطبعي , هلا بيتصحح ان شاء الله , و اذا الله راد و جربتيها ان شاء الله يعجبك

6  الكاتب منى, on 07-04-2009 19:33 هلا غيوثة  ان شاء الله بتعمليها و بتحبيها , انا عني باكلها بالملعقة و ما فيني صبر استنى لتنحشى

7  الكاتب منى, on 07-04-2009 19:35 هلا نور  و عليكم افضل السلام و اتم التسليم , ان شاء الله بتجربيها و بتعجبك , بالفعل سهلة و مقاديرها كلها بالبيت   اختي هي غير الدريم ويب , هي حشوة اكتر و الكريم ويب للتغطية اكتر , اقصد تغطية الكيك

8  الكاتب منى, on 07-04-2009 19:52 هلا رنونة   الف هنا على الكيك و الكريما مرة تانية ..    هلا رح ارجع حمل الصورة ان شاء الله

9  الكاتب ام محمد, on 08-04-2009 07:06 الله يعطيكي الف عافية يامنى   ومثل ما قالت الاخت سلاف منشتري الكليركرمال  الكريماوبصراحةمن شي سنة عملت الكلير بس طلعت الكريماطمعتها بيض وفشلت معي   فاذا ممكن يامنى تعطيناوصفةالكلير والله شهتينا عليه وبعدين انتي كريمة ونحن منستاهل ياجميل

10  الكاتب منى, on 08-04-2009 13:58 تكرم عيونك اختي , بس على الموجة الطويلة لان صرت خجلانة من كل الوعود الي وعدتها من دون تنفيذ لحتى الان

11  الكاتب رنا, on 08-04-2009 16:04 لا تخجلي ولا على بالك ايه الله يعينك انا عندي بنت وحدة وبوصل لاخر الليل هلكانة بقا انتي الحق معك ست بيت وشطورة ودورات واولاد وعزايم وولايم وموقع انترنت كمان كتر خيرك شو مالحقتي

12  الكاتب نهى, on 08-04-2009 16:44 السلام عليكم ورحمة الله وبركاته  ازيك يامنى .. كنت عاوزة اسألك عن حلويات او جاتوهات بتتعمل باللبن المركز   أكيد عند فكرة مش كده؟؟

14  الكاتب ميساء, on 08-04-2009 21:21 الله يعطيكي العافية والصحة يا رب بس سؤال صغير هل المقصود بالفنجان الصغير يعني يلي منشرب فيه القهوة التركي واذا ممكن تعطيني مقدار الطحين بملعقة الطعام وشكرا كتير ياحبيبة قلبي والله عم أخجل منك بس ما بحب أسأل حدا غيرك لأنو أكلك غير شكل ياست الستات

15  الكاتب أم علي, on 08-04-2009 22:14 السلام عليكم شو اخبارك ست منى ان شاء الله كل شي تمام والله اشتقتلك واشتقت لاكلاتك الشهية عزريني على غيابي كنت مشغولة بالبيت والاولاد وتسلم ايدك

17  الكاتب منى, on 11-04-2009 21:12 هلا رنونة   هادا بس من زووءك يا قمر و ربي يبارك بوقتي و وقتك و وقت كل الاخوات

18  الكاتب منى, on 11-04-2009 21:29 هلا نهى   أكيدعندي و في بالموقع حلى المولتو      تارت الجلاكسي    تارت التمر    ان شاء الله بنزل الك وصفات تانية

19  الكاتب منى, on 11-04-2009 21:31 هلا غيوثة  الف هنا و عافية على قلب زوجك و عيلتك واحد واحد , و لو اتشجعت و جربتيها بالخل كانت عجبتك و طلعت تغير شكل

21  الكاتب منى, on 13-04-2009 07:13 هلا ميوسة   ايه بقصد فيه فنجان القهوة العادية و على المعالق بييطلعوا تقريباً 3 معالق كبار و معرمات   حبيبتي لا تخجلي , انا تحت الامر و بالخدمة دايما و الله

22  الكاتب منى, on 13-04-2009 07:42 هلا ام علي   هلا با الزووء كله , الحمد لله المانع خير و رببي يديم العيلة كلها بالصحة و العافية و الخيرات الكتيرة يا رب   اله يسلمك و يخليك و انا بفضل الله منيحة الحمد لله

23  الكاتب منى, on 13-04-2009 07:45 هلا نوارة   اكيد بتعملها لان نحشي فيها التارت و غيره ,   نوارة التفاح ممكن تعملي فيه كيك التفاح , ممكن تعملي تارت فيه بتخلطيه مع قرفة و سكر و زبيب و بتحشي فيه عجينة السابلية او التارت .    ما كتير عندي وصفات في الموقع للتفاح , ان شاء الله تعملي فيه كيك و يعجبك

24  الكاتب منى, on 13-04-2009 07:46 هلا ام هدى   ممكن تحفظيها بالبراد لمدة يوميين او تلاتة بس مو اكتر و الا ممكن تتغير طعمتها و تاخد من ريحة الاكل , اما في الفريزر فما بتنفع

25  الكاتب dado, on 24-04-2009 15:14 شكرا كتير منى على هالوصفات يلي عنجد بتفك زنقة   حابة جرب اعمل هالكريم.. وعم فكر استخدمه على وصفة ليالي لبنان لأني ما كتير بحب الكريم شانتيه بحسه دسم كتير.. فـ شو رأيك.. بتزبط أو هـئ؟

26  الكاتب منى, on 25-04-2009 13:26 ايه اكيد بتزبط , و ممكن كمان تخلطيها مع كريم شانتيه بتطلع بتاخد العقل , انا عني امن بخلطها باكلها بالمعلقة من دون حلويات على قد مو طيبة

27  الكاتب dado, on 25-04-2009 15:17 تسلمي يا منى.. والله ما في منك إنتي  بتعرفي شو.. أنا بحب فيكي شغلتين كتير..  أولا بحسك خدومة بدون ما تنتظري مقابل  وتانيا .. من كلامك بحسك على سجيتك.. بتتعاملي ببساطو وعفوية بدون ما تعقدي الأمور

28  الكاتب منى, on 25-04-2009 18:12 هادا بس من زووءك و هي انا بحقيقتي عن جد و خصوصا الشغلة التانية

29  الكاتب dado, on 27-04-2009 17:11 وكمان هللو.. اليوم عم بطلع بكل مطرح   بس شو بعملك.. معظم الوصفات يلي عملتها مبارح إلك فيها صلة من بعيد أو قريب   حضرت الكريمة مبارح وعملت فيها ليالي لبنان.. بس استبدلت الموز بفستق حلبي .. وطلعت بتجنن.. يمممم شو طيبة..   والكريمة.. يالطيف شو لذيذة.. خلطتها مع كريم شانتيه.. وأما شو طعمة.. ما بخبرك!!  واليوم بقيان شوية كريمة وعم يطلعوا بوجهي كل ما بفتح البراد وأنا عأساس رح إرجع للريجيم اليوم.. فـ شو.. عقوبة والله.    تسلمي منوش على الوصفة وعلى النصيحة

30  الكاتب منى, on 27-04-2009 20:32 ايه شو هل الهنا الي انا فيه , بتعرفي دالو معزتك عندي و كذا رد باليوم منك معناها كتير عندي ..  هلا اول الشي كتير انبسطت ان امور عزيمتك مشيت كلها بسلاسة و خير , الواحدة مننا بتاكل هم العزيمة كتير و خصوصا مفاجات اخر لحظة     الف هنا و عافية على الكريما و متلك انا بعمل و الله بتلاقيني رح و جيت على البراد لحتى خلصها و ارتاح نفسيا بعدها

31  الكاتب hajar, on 18-05-2010 02:08 سلام منى كيفك انشالله بخير دووووووم يارب هالكريم كتير طيب ولذيذ ....خصوصي بقلب التارت والاكلير مرة جربت اعمل قالب كيك عملت كريب وصرت حط طبقة كريب طبقة كريم لوقت ماخلصت الكمية واخر طبقة حطيت صوص شوكولا الي على طريقتك بجد طلع واااااااو تحفة ومنظرو بيجننننن بس كنت عم اقرا التعليقات وحبيت فكرة مزج هالكريم مع الكريمة شانتيه والمرة الي جاي رح جرب هالكيك بهاالمزيح الكريمي الرائع ...شكرا الك يا ملهمتي مع حبي واحترامي هاجر

36  الكاتب منى, on 27-07-2010 13:47 هلا هاجر حبيبتي   ريتو الف صحة و هنا و عافية على قلبك بكل لقمة و الحلو الي وصفتيه شكله , يمممممم     شكرا كتير الك لثقتك في و لكل هل الكلام الحلو الي قلتيه و اتمنى اني كون قده , وعيلتنا حلوة لان الاخوات هون كلهم مذوقين و حلويين و طيوبين , متل حكايتك     هلا و صحة مرة تانية

39  الكاتب abeer03us, on 23-02-2011 14:32 يسلمو اديكي منوش،  بس بدي اعرف طريقة الاكلير اذا موجوده عندك   وشكرا كتير لهالاكلات الطيبة

40  الكاتب منى, on 23-02-2011 18:18 الله يسلمك عبير   لا و الله مو موجودة , ان شاء الله بعد فترة بنزلها

42  الكاتب منى, on 14-05-2012 18:38 ان شاء الله رح نزل الاكلير اذا رب العالمين يسر خلال فترة قريبة , هلا واقفين شوي لان في مفاجأت على الطريق

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved