L2ma.com | لقمة طيبة | L2ma.com | لقمة طيبة | لازانيا الرز | · , كوب, نصف, أضيفي, الرز | L2ma.com

القائمة الرئيسية

لازانيا الرز

الكاتب/ سارونات

01/04/2009

السلام عليكم و رحمة الله و بركاته

هالوصفة لمنال العالم لقيتها على النت و جربتها مرتين أحداهما اليوم و الوصفة طيبة و شكلها حلو كمان أنا بساوي نص الكمية و لان عددنا كان قليل اليوم تغديناها و تعشيناها الحمد لله

هي حاطة ملعقتين زيت زيادة مع الماء اللي طبخنا فيها الرز بس حسيتها مو ضرورية لهيك شلتها يمكن الغرض منها انو ما يلصق الرز ببعضه بس أنا مرتين عم ساويها من دون هالملعقتين زيت وعم تطلع تمام لهيك ما كتبتها بالوصفة بس إذا بدكم تضيفوها ضيفوها

2 كوب رز
رطل لحمة مفرومة
4 كوب ماء
2 ملعقة كبيرة زيت (( أنا استعملت زيت زيتون ))
بصلة متوسطة مفرومة ناعما أو مبشورة
4 حبات كبيرة طماطم مطحونة
2 ملعقة كبيرة صلصة طماطم
3 كوب بيشاميل بالطريقة الأصلية أو بيشاميل خفيف السعرات الحرارية
كوب جبنة موزاريلا مبشورة أو أي جبنة مبشورة
نصف كوب جبنة بارمزان مبشورة أو أي جبنة مبشورة
نصف ملعقة صغيرة فلفل اسود
ملعقة صغيرة أوريغانو مجفف
ملعقة صغيرة ريحان مجفف
ملح
شو أعمل

·          يغسل الرز و ينقع ل نصف ساعة

·          في وعاء سخني الماء و أضيفي القليل من الملح ثم أضيفي الرز بعد تصفيته من ماء النقع و اتركيه يغلي ل 5 دقائق

·          غطي الوعاء و اطبخي الرز على نار هادئة لـ 15-20 دقيقة .

·          أثناء ذلك سخني في وعاء ملعقتين من الزيت ثم أضيفي البصل المفروم و حركيه حتى يذبل و يصبح ذهبي اللون ثم أضيفي اللحم المفروم و البهارات و الملح و استمري في التحريك حتى ينضج و يجف مرقه .

·          أضيفي الطماطم المطحونة و صلصة الطماطم و اطبخي ل 10-12 دقيقة أو حتى تتسبك الصلصة .
في صينية فرن وزعي كوب من البيشاميل ثم ثلث كمية الأرز ثم نصف كمية الجبن المبشور ثم نصف اللحم المفروم و كرري .

·          وزعي الكوب المتبقي من البيشاميل على السطح و انثري عليها الجبن المبشور ثم اخبزيها في فرن محمى مسبقا على 180 درجة و اتركيها تنضج ل 30- 35 دقيقة أو حتى يكتمل نضجها بعدها شغلي المروحة من فوق عشان تتحمر و تفضلوا بسم الله .

ملاحظات :

·          يمكنك التحكم في كمية الجبنة حسب الرغبة

·          إن لم يتوفر الاوريغانو أو الريحان معا يمكن استعمال احدهما

·          أنا كتير بحب الزعتر الناشف لهيك بعد ما تسبكت الصلصة بعدتها عن النار و ضفتلها كمان شوي .

أضافة إلى المفضلة (0) |

أقتباس | مشاهدات : 2611

تعليقات (12)

1 الكاتب منى, on 01-04-2009 08:58
سلم دياتك سارونات على هيك وصفة طيبة , يا ترى الاسم مناسب لان انت مو باعته اسم للوصفة ..

الرز رز طويل و الا قصير , سلم دياتك مرة تانية و الف شكر الك للوصفات السهلة و الطيبة

2 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 01-04-2009 14:54
تسلم ايديك يا اخت سارونات على الوصفةشكلها كثير طيبة ان شاءالله راح جربهاهاليومين ومثل ما سألتك اخت منى شو نوعية الرز لأنك مو كاتبة شو النوع وشكرا لك مرة ثانية وان شاءالله نرى لك المزيد من الوصفات

3 الكاتب سارونات, on 01-04-2009 19:55
السلام عليكم و رحمة الله و بركاته

و دياتك اختي منى

اكيد الاسم المناسب يخليلي ياكي اختي منى

منال العالم استخدمت رز الوليمةاللي بعتقد حبته طويلة اما انا فاستخدمت رز قصير الحبة و طلع تمام

ان شاء الله تجربيها اختي منى انت و كل الاخوات بالموقع و تطلع على ذوقكم

بالتوفيق
سلام

4 الكاتب سارونات, on 02-04-2009 15:22
السلام عليكم و رحمة الله و بركاته

اهلا و سهلا اختي هيا فرحت كتير انك راح تجربيها قريبا و ان شاء الله تطلع متل ما بدك ياها و احسن لا تنسي تخبريني بالنتيجة و جواب الرز متل ما قلت لاختي منى منال العالم استعملت رز الوليمة اللي بعتقد حبته طويله بس انا استعملت رز قصير الحبة و طلع تمام

بالتوفيق
سلام

5 الكاتب غيث, on 05-04-2009 15:07
الله يعطيك العافية سارونات شي حلو والله اكيد على التجريب وهي رح اصفها على دور الوصفات اللي رح اجربها لاننا نحب هيك نوع من الاكلات يسلم ايديك على افادتنا

6 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 06-04-2009 20:20
مرحبا اخت سارونات انا جربت الوصفة مثل ما قلت لك والحمدلله كثير كانت زاكية وزوجي والاولاد حبوها كثير كثير سلم ايديك يارب

7 الكاتب سارونات, on 06-04-2009 20:36
السلام عليكم و رحمة الله و بركاته

اهلا و سهلا اختي غيث كتير فرحت ان الوصفة عجبتك و راح تجربيها و ان شاء الله تطلع متل ما بدك ياها و احسن و لا تنسي تخبرينا بالنتيجة

بالتوفيق
سلام

8 الكاتب nijmeh, on 07-04-2009 15:36
شكرا على هذه الوجبه الطيبه لقد جربتها وهي فعلا طيبه

9 الكاتب سارونات, on 07-04-2009 20:28
السلام عليكم و رحمة الله و بركاته

مرحبتين اختي هيا شو هاليوم الحلو فرحت كتير انك جربتيها والحمد لله عجبتك انت و زوجك و الاولاد الله يحفظكم لبعض و يجمعكم بالجنة كمان

بالتوفيق

سلام

10 الكاتب سارونات, on 07-04-2009 20:30
السلام عليكم و رحمة الله و بركاته

اهلا و سهلا بك اختي نجمة فرحت كتير انك جربتيها و عجبتك و ربنا ينجح كل وصفاتك و وصفات كل الاخوات

بالتوفيق
سلام

11 الكاتب غيث, on 18-04-2009 19:05
الله يسلم هالايدين يا رب عملت هالاكلة اليوم وكتير حبيناها حتى مقاديرها مظبوطة كتير ما شاء الله عليك شكرا سارونات والله يجزيك الخير بانتظار اكلات طيبة منك كمان وشكرا لمنى اللي اختارت اسم مناسب ماشاء الله عليها كمان بتحط كل شي مناسب بالمكان المناسب الله يجزيها الخيروالفضل لها بتعريف بعضنا بهيك اكلات لذيذة متلها وشكرا للجميع بالموقع الاكتر من رائع

12 الكاتب سارونات, on 20-04-2009 20:20
السلام عليكم و رحمة الله و بركاته

و ايديك و الله كتير فرحت بردك و بانك جربتيها و عجبتك و شكرا على الدعوة و الك مثلها و احسن

بالتوفيق
سلام

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 11/04/2009 )

< السابق		التالى >

[ عودة ]