L2ma.com | لقمة طيبة | L2ma.com | لقمة طيبة | بطاطا محشية مع صوص البيشاميل | البطاطا, · , حتى, البشاميل, ممكن | L2ma.com

القائمة الرئيسية

الأكثر تصفحاً

بطاطا محشية مع صوص البيشاميل

الكاتب/ ندووشة

31/03/2009

بطاطا بس بطريقة جديدة و طيبة , ان شاء الله تعجب الكل

بطاطا متوسطة الحجم
لحمة
فطر
كراث..(ممكن استعمال البصل)
ملح
بهار
قرفة

الصوص :

صوص البشاميل

شو أعمل

·          اولا ندعك اللحمة بالملح والبهار و القرفة , نقلي اللحمة ومن ثم الكراث حتى يصبح لونها ذهبي .

·          نضيف الفطر و يقلب و يترك حتى ينضج .

·          تقشر البطاطا و نسلقها لمدة 10 او 15 دقيقة..( نص سلق) لتسهيل عمليه الحفر

·          تحفر البطاطا ( انا شفت انو هي الطريقة سهله جدا لحفر البطاطا...التقشير الخارجي..سلق...حفر ) و تقلى نصف تقلايه حتى تبقى متماسكة .

·          تحشي البطاطا باللحمة و الفطر و ترتب في الصحن .

·          يحضر صوص البشاميل و يسكب فوق البطاطا و ممكن وضع الجبن .ومن ثم تترك بالفرن مدة نصف ساعة او اكثر قليلا .

طريقة اخرى :

·          تقشر البطاطا و تقطع على شكل حلقات و تقلى نص تقلايه .

·          توضع اول طبقة من البطاطا المقليه و تاني طبقة الحشوة نفسها و بعدها البشاميل و الجبنه ممكن هيك اسهل و اسرع .

أضافة إلى المفضلة (1) |

أقتباس | مشاهدات : 3560

تعليقات (8)

1 الكاتب ام نور, on 31-03-2009 23:21
مشكورة ندوشة كلك زوء

وصفتك ذكرتني بوصفة لا منال العالم بس منال لفت البطاطا بالمنيوم وشوتها بالفرن نص شوية بعدان حفرتها وحشتها بالدجاج ورشة بيشاميل وجبن عالوج وسبحان الله كل يوم بقول بدي جربا بس ما عم اتوفق بالبطاطا لان لازم يكونوا حجم كبير وهلىء شجعتني طريقتك

2 الكاتب رنا, on 01-04-2009 06:41
شو هالاكلة ياندوشة

صايرة طباخة ومالي خبر ...اييييييه رزق الله ايام كاتو الفريز :grin

بس يلا ثابري والى الامام
بس شو بدي قلك هلأ مابتضيفي كمان خضار يعني بس فطر ...شو رايك لو نحط جزرة او فليفلة مثلا مشان الالوان :zzz

3 الكاتب رنا, on 01-04-2009 06:45
ياستي هلأ رحت على رابط صوص البيشاميل الفرنسي وشفت انه اله خضار يعني مافي داعي لاختراعاتي الفظيعة بس شو مشان المقادير يعني لازم يكون الصوص متل الاازانيا يعني كتير نوعا ما ؟؟

4 الكاتب منى, on 01-04-2009 10:51
سلم دياتك ندوشة

شي بيشهي و كمان فكرة الحفر بتسهل كتير

على فكرة رنونة انا لمن بحضرها بضيف الها ذرة و فليلفة حمراء و خضراء و كمان جزر و بتطلع طيبة , بس طريقة ندوشة ابسط و اسهل

5 اهلا وسهلا
الكاتب نادين, on 02-04-2009 00:31
هلا رنوشه والله شايفه رفيقتك صايره خطيره واليوم شو عملت محشي لوجع الضهر كل محشيه قد 2 من محاشي حلب و انا احفر ومااخلص و بقي ساعتين عالنار لاستوى
تسلميلي منى بصراحه انا جربتها بالخضار بس بما انو متل ما بتعرف رتوش انا من عشاق الفطر حسيت انو لهلالاكله طعم اخر مختلف
واذا حطينا خضار بتصير بتشبه بطاطا مجوهرات الي انتي من فترة نزلتيها كمان ظريفه المهم ان شاء الله تعجبك

ام نور بتمنى تعجبك يارب وان شاء الله بتدعيلي

6 الكاتب رنا, on 02-04-2009 10:02
محشي كمان لااااا هيك صار بدنا عزيمة معتبرة من تحت دياتك وشلون طلع المحشي اكيد طيب
بالنسبة للطبخة صح انا كتير بحب الفطر بس قلت مشان التلوين

عكل حال يسلم دياتك

7 الكاتب بشرى, on 05-04-2009 00:30
يسلموهالإيدين .. بكرا رح جربها ان شاء الله وان شاء الله تعجب جوزي .. يسلمن ..

8 الكاتب JoJo, on 17-06-2009 10:27
يسلموووو ايديكي ندوووشة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 04/04/2009 )

< السابق		التالى >

[ عودة ]