شوربة العدس الأسمر على الطريقة التركية Mercimek Corbasi 

شوربة سهلة كتير و طيبة كتير و مع الحمض و الثوم رح تدفيك و تنعنشك بنفس الوقت . و لمن تحضريها ما رح تتوقعي أن طعمتها بهل اللذة من هيك مكونات بسيطة و سهلة . بس دايما الأشياء البسيطة بتكون الأطيب .

كانت سألتني سارونات سؤال باول ما بدينا المنيو التركي عن استعمال العدس الاسمر في الشوربة , قلتلها في طريقة تانية و هي هي الشوربةالي بيعملوها الاتراك بالعدس الاسمر

بالصحة و الهنا

ملعقة كبيرة زبدة
ملعقة صغيرة زيت زيتون
حبة كبيرة بصل مفروم ناعم
2 ملعقة كبيرة طحين
كوب عدس أسمر
ملعقة صغيرة كمون
ملح
4 – 5 كوب ماء

للتزيين :

4 – 5 ملعقة كبيرة خل التفاح
1 - 2 فص ثوم
نصف ملعقة صغيرة فليلفة حمراء ناعمة

تعليقات (13)

1  الكاتب رنا, on 01-04-2009 06:37 شي لذيذ  ريحتها وصلت لعندي  ياستي هادا العدس كأنه اله سر يعني وين ماانوجد وبكل اشكاله والوانه طيب ..اليوم كان الغدا مجدرة الرز وانا عم بسكب قلتلها لحماتي بستغرب ليش بتطلع هالاكلة كتيييير طيبة مع انه مكوناتها كتير بسيطة بس يمكن متل ماقلتي دائما الاشياء البسيطة بتكون الذ واطيب يسلم ايديكي وصفة رائعة وجديدة لانه بالعدس الاسمر

2  الكاتب منى, on 01-04-2009 08:56 هلا رنونة   يممم , اي و الله هياتي متلك انا و العدس , ما اطيبه بكل اشكاله     ان اشاء الله تجربيها شي مرة و تعجبك يا قمر

3  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 01-04-2009 09:08 يسلموا هالايدين يا منى. العدس من احب الاكلات الى قلبي. وصفه شهيه و حلاوتها ببساطتها. كل شي من تحت ايديكي غير شكل. الله يحميكي

4  الكاتب منى, on 01-04-2009 10:48 هلا امونة   هادا بس من زووءك حبيبتي و ان شاء الله تجربي هل الشوربة و تعجبك

6  الكاتب ميساء, on 02-04-2009 15:48 والله شي بيشهي هالشوربة تسلم ايديكي الحلوة وأنا كمان بدي ضم صوتي لشلة محبي العدس لأني بحب العدس كتير وبكل أشكاله بس بدي اسألك منى شوالمقصود بالعدس الأسمر أنا بعرف عدس الشوربة هو المقشور (المجروش) يلي لونه اورانج وبعرف العدس العادي بقشره يلي لونه فاتح وفي كمان واحد حبته أصغر ولونه أغمق آسفة حبيبتي طولت عليك بس مافي غيرك أنت يخليلي عيونك يا قمر النت

7  الكاتب منى, on 02-04-2009 20:05 هلا سارونات   ان شاء الله تجربيه و تعجبك و اتوقع انها على زووءك كتير , خبريني اذا كانت توقعاتي صح او نو

8  الكاتب منى, on 02-04-2009 20:06 هلا ميوسة   خليلي الزووء كله , هادا بس من لطفك يا قمر و عجبتني فكرة شلة العدس , ايه و الله ما في اطيب و لا افيد منه   العدس الي استعملته هو نفسه عدس المجدرة يعني الي بقشره , و هي الشوربة ان شاء الله رح تعجبك كتير

10  الكاتب منى, on 27-04-2009 20:01 هلا سارونات   ممكن خل التفاح او العنب بس الخل الابيض نو

12  الكاتب منى, on 03-09-2009 12:53 الف هنا و صحة و عافية يا رب على الشوربة , و الله بهل الرمضان بيحتار الواحد شو يحضر و شو يعمل شوربات     انا ما جربت ابدا اطحن شوربة فيها عدس اسود , اتوقع ما رح تطلع ناعمة و سلسة متل العدس الاحمر

13  الكاتب dado, on 21-11-2009 06:29 منوش يا منوش  لو تعرفي قديش جوعانه هلأ.. وعنجد لو مو جنان لعملتها بس ارجع عالبيت.. بس مو خرج آكلها الساعة تسعة الصبح   لما رجعت شفت الوصفة تذكرت طعمتها... يمممممممي كتير كتير.. وأول شي كنت مترددة من فكرة التوم والخل .. بس عملت التتبيلة العجايب. وهلأ عم بتذكرها واتحسر

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved