اليوم وصفة غير شكل و خصوصاً لعشاق الكيوي و الحامض و انا منهم .

الكيوي اله فوائد كتير , و بيعطي رونق للبشرة و جمال و لمعان , يعني عصير طيب من جوى و جمال طبيعي من برة , يلا بنات للمطبخ لنجرب هل الوصفة .

بالصحة و الهنا

2 حبة كيوي
عصير ليمونة فرش
كوب ماء أو 5 مكعبات تلج
2 – 3 ملعقة كبيرة سكر

تعليقات (31)

1  الكاتب ام محمد, on 18-03-2009 08:32 اسعد الله صباحك يامني   ما شاء الله عليكي كل شئ من تحت ايديكي   حلو شكل وطعمة   اليوم عملت كاتوالشوكولا بالزبادي وحطيتو بالفرن  بس الجرة خلصت قبل ما يستوى كتير زعلت بس بعد ما شفت هاالعصيرالاخضرنسيت كل الزعل والان دغري ع المطبخ جزاك الله كل خير

2  الكاتب نور الأسلام, on 18-03-2009 17:14 الله يمسيكي بالخير منى شو هالعصير شي بيفتح النفس لما شفت الصوره قرات الطريقه ورجعت اتامل بالصوره الصوره طالعه بتجنن كيف الطعمه مارح اصبر رح وصي على الكيوي وجربو

3  الكاتب منى, on 18-03-2009 18:41 هلا ام محمد   شو زعلت على الكيك , الصراحة انا دايما بيصير معي اخو هل الفصل لمن بيجيني ضيوف     يلا ان شاء الله تجربي هل العصير و يعجبك و يكون على زووءك يا زووء

4  الكاتب منى, on 18-03-2009 18:45 هلا نور   عن جد كان طيب كتير و طلغت على البلكونة بيومها كانت الشمس ما احلاها , مع هل العصيرات . اشتهيتكم     ان شاء الله تجربيه و تحبيه

6  الكاتب منى, on 22-03-2009 09:05 هلا ميسون   الله يخليك يا زووء , و انت و كل احبابك والي بيعزوا عليك , الله يديم الامهات بصحتهن و عافيتهم فوق راسنا و لا يحرمنا مهم

7  الكاتب سارونات, on 22-03-2009 14:19 السلام عليكم و رحمة الله و بركاته  شو هالصورة اللي بتجنن خرج تنحط بمعرض صور هي و باقي صورك كلهم حلوين بس هاي بتجنن  هالكمية بتكفي لكم شخص   اختي منى راح ابعتلك وصفة لازانيا الرز لمنال العالم و ان شاء الله تنال اعجابكم     بالتوفيق  سلام

8  الكاتب نور الأسلام, on 22-03-2009 17:39 السلام عليكم كيفك منى حبيت اسلم عليكي وعيد سعيدالك ولوالدتك ولكل امهات العالم هذا اول عيد ام لي يوم الجمعه رحنا مكه وعملنا عمره بحمد الله اذكرتك ودعيتلك تحياتي

10  الكاتب منى, on 24-03-2009 08:37 هلا سارونات   كلك زووء و ان شاء الله تكون طعمته كمان على ووءك    الكمية ممكن تكفي لشخصين تقريبا حسب حجم الكاسة

11  الكاتب منى, on 24-03-2009 08:41 هلا نور   الله يخليك و يحفظك و يحفلكك الكتكوت الصغنون و عقبال العيد الام الميةو انت بصحتك و عافيتك و همتك     خليلي عينك نور , هي اغلى دعوات و الله في اطهر مكان , ان شاء الله اذا رحتي مرة تانية بدي اياكي تدعيلي ان يطعمني ربي عمرة او حجة , لااا حجة قبل باذن الله

12  الكاتب منى, on 24-03-2009 08:43 هلا ميادة   مشغولة اختي شوي هل الاسبوع , يلا ازرعيها بدقني هل التاخيرة

15  الكاتب منى, on 26-03-2009 12:28 هلا ميادة   لا اختي بس انا مقصرة بالموقع , بقى مو دايما الواحد بيكون وقته ملكه   مية هلا اختي و نورتي

16  الكاتب منى, on 26-03-2009 12:43 هلا رنونة   هلا جاوبتك عليه . يا ترى قصدك التيراميسو العادي و الا كيك خاص و اسمه كيك تيراميسو

18  الكاتب منى, on 26-03-2009 20:19 اي عرفته من عيوني رنونة

19  الكاتب dado, on 12-04-2009 04:23 صباح الرواء منى  طعم هالعصير متل منظره.. كتير حلو ومنعش..  حضرته الاسبوع الماضي بعزيمة رفقاتي. وكتير حبوه وقالوا إنو المنظر بياخد العقل كمان.. أنا حبيته كتير.. بس عندي مشكلة مع الكيوي.. لأني بتحسس منها ومن أي نبات فيه وبر متل الدراق والبامية.. بس مع هيك غامرت وشربت حصتي.. وعينك تشوف شو صرلي بعدين   تسلمي يا قمر على وصفاتك المرتبة والشهية ويلي بتبيض الوش.. (بس مرات بتخليه يتحسس )

20  الكاتب منى, on 20-04-2009 18:39 واااخ     ولي على قلبي ان شاء الله تخن لسانك و ما بقى فيك تحكي , اتذكرت حلقة قديمة لفررررند كنت شفتها بأيام عصر الجهل       ازرعيها بوشي , قصدي بدقني و تاني مرة ابعتيلي حصتك اسلم

21  الكاتب بدور, on 23-04-2009 00:31 يعني انا من مجرد ما شفت الصورة فرط ريئي     الصورة كتير مغرية ومبينتو منعش كتير   الله يجزيكي كل الخير على تعبك اللي ما بتئدر يثمن على هالموقع المميز

22  الكاتب منى, on 23-04-2009 07:22 هلا بدورة   هادا بس من زووءك يا احلى و انعم قطة ان شاء الله تجربيه و يعجبك

23  الكاتب JoJo, on 17-06-2009 10:28 يم يم يم يالله شو بامووت في شي اسمه كيووي باحب طعمه هيك لزيز وحدق وحلو بنفس الوقت ..يسلموو ايديكي منى

24  الكاتب منى, on 17-06-2009 12:29 هلا جوجو     معناها هل الوصفةرح تعجبك اكيد , لو تعرفي شوبيحبوها عندي بالبت     اتمنى تجربيها و تكون على زووءك

26  الكاتب منى, on 18-06-2009 16:16 تكرم عيونك زين من هل العين قبل هل العين

28  الكاتب منى, on 09-09-2009 23:27 الله يسلمك و يحفظك و ريتو ان شاء الله الف صحة و عافية و هنا يا قمر

30  الكاتب قهوه مُره, on 11-10-2009 17:52 والمانجا

31  الكاتب منى, on 16-10-2009 12:28 تكرم عيونك على الشمام , بس المانجا ما رح ااقدر لان مو متوفرة عندنا كتير

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved