بتعرفي يامنى صرلك زمان مانزلتي وصفةحلو وانابصراحةبحب الحلو كتيرولهيك حبيت ارسلك هي الوصفة مابعرف اذا بتعرفيها ?

تين بعجين علمتني عليها اخت زوجي حفظها الله وقالتلي انو هاالوصفة مشهورة في مدينة اريحا (جبل اربعين) و هي مدينة خضراء جميلة تبعد عن حلب ساعة

هي المقادير ان شاءالله تعجبك انتي واخواتي بالموقع

كوبان من الطحين
نصف ملعقةصغيرة بيكم بودر
ربع ملعقةخميرة فورية
رشة صغيرة كربونات
بيضة
2 كوب و ربع ماء فاتر
علبتان من التين المجفف
زيت للقلي





·          توضع المقادير الجافة مع بعض ثم تضاف البيضة ويمكن في هذه المرحلة اضافة رشةمن حبة البركة ثم يضاف الماء الفاتر الى ان تحصلي على عجينة رخوة قليلا .

·          يغطى العجينة  و تترك لتتخمر و بصراحة كل ما اتخمرت العجينة بتطلع اطيب انا بتركها 4 ساعات .

·          يضاف التين بعدان تكوني غسلتيه ونقعتيه بماء الساخن لمدة ساعة وصفيته ثم بواسطة ملعقة صغيرة يآخذ من العجينة و تقلى مثل العوامات في زيت غزير و حامي ثم تصفى و ترش بالقليل من القطر البارد و صحتين على قلب الكل . 

تعليقات (22)

1  الكاتب منى, on 04-03-2009 05:34 الله يعطيكي العافية ام محمد     الوصفة شكلها بيشهي و هي اول مرة اسمع فيها , بس شو اسمها موسيقي و فيه سجع     الف الف شكر الك لمشاركتنا بالوصفة , اختي عندي سؤال : التين قديه كمميته بالغرام ؟

2  الكاتب ام محمد, on 04-03-2009 08:42 هلاوغلا بامنى   شفتي شواسمها موسيقي وحلووطعمتها احلى وكتير سهلة  بالنسبة للتين مقداره 400غرام  واي سؤال انا جاهزة

3  الكاتب منى, on 04-03-2009 10:30 ان شاء الله رح جربها اول ما يتوفر عندي التين     سلم دياتك مرة تانية

4  الكاتب souha, on 04-03-2009 13:39 تسلم دياتك ي أم محمد شي بيشهي أنا كمان متلك بحب الحلويات بس ياريت تقوليلي أديش كمية الماء بالكوب   الله يمطيك العافية

5  الكاتب سلاف, on 04-03-2009 14:11 عنجد هالاكله طيبه كتير 00 كانت ستي الله يخيلي ياها كتير تعملها وخصوصا برمضان بس ماكانت تحط قطر عليها00  ولا مره خطرلي اسألها شلون بتعملها كنت شاطره بالأكل وبسسس   في اكله تانيه بتشبها من ناحية القلي عباره عن عجينه بيحشوها لبي مابعرف شو اسمها كمان طيبه وبينحطلها قطر ذكرتيني بأيام الدراسه والاكلات الطيبه عند بيت جدي   شكرا كتير الك ام محمد سلمت يداكي

10  الكاتب ام محمد, on 04-03-2009 20:56 اهلين ام نور  والله يخليلك نور واولادك وانا من زمان حابة اتشكرك على وصفة الصفوف يسلمو دياتك وشكرا على المعلومات المفيدة عن التين .

13  الكاتب منى, on 06-03-2009 06:21 هلا ميادة   الاسبوع الماضي كان امتحانات الاولاد و النت ما كنت عم فوت عليه الا بالكتير ربع ساعة     تكرم عيونك اختي و حقك علي

14  الكاتب ام محمد, on 06-03-2009 12:18 مرحبافيكي اخت سمار فكرة حلوة وضع المكسرات  بس انا ما جربتها ولا مرة   ان شاء الله تجربي الوصفة وتعجبك

15  الكاتب ام محمد, on 06-03-2009 12:29 الله يسعد مساك لاراميتا  اختي بالنسبة للعجينة تعجن باليدافضل  الى ان تمتزج الموادمع بعضهاوتصبح لزجة   يعني ما في داعي للعجن الزائد والتين فيكي تقطعيه لنصفين اذا كانت الحبة كبيرة  واي سؤال ثاني انا جاهزة

16  الكاتب ام محمد, on 06-03-2009 12:39 حبيبة قلبي منى الله يعطيكي الف عافية  عم اعذبك معي اليوم عملت الوصفة لحتى  اتْْاكدكم كاسةماء بدهاطلعوكوبان وربع فارجو منك تعديل الوصفةلتسهيل على اخواتي بالموقع وسوف ارسل لك الصوربعد قليل باذن الله

18  الكاتب رنا, on 06-03-2009 14:18 جربتها ياصديقاتي بس للاسف مانجحت ومابعرف ليش بس مابظن السبب من الوصفة لاني طبقتها بحذافيرها بس المشكلة دائما نفسها مع لقمة القاضي وهالاكلة لانه عم تعجن وتطلع طرية زعلت مبارح وقت عجنت معي بس منيح كنت حاطة كوب طحين واحد يعني نص زعلة بس مشكورة عالوصفة وياريت لوعندك نصائح للقلي تفيديني فيها

19  الكاتب منى, on 07-03-2009 06:35 تكرم عيونك ام محمد هلا بيتم التعديل .    رنونةليكون هادا هو سبب ان الوصفة ما نجحت معك

21  الكاتب رنا, on 07-03-2009 14:00   معناتا انا مادخلني الله يسامحك ياام محمد خليتي جوزي يقضي ليلة الخميس كلها هو عم يضحك علي ويقلي شو قلتيلي اسمها قله تين بعجين ويضحك بزيادة .....   يلا بجربها مرة تانية بعد التعديل وانشالله تنجح ويسلمو ام محمد عالتوضيح

22  الكاتب منى, on 07-03-2009 17:56

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved