L2ma.com | لقمة طيبة | L2ma.com | لقمة طيبة | بطاطا بيوريه باللحمة المفرومة غراتان | راح, بيوريه, المفرومة, اللحمة, حتى | L2ma.com

القائمة الرئيسية

الأكثر تصفحاً

بطاطا بيوريه باللحمة المفرومة غراتان

الكاتب/ سارونات

26/02/2009

مين ما بيحب البطاطا اللي ما بيحبها يرفع ايدو ما حدا رفع ايدو شو ما حدا رفع ايده

طيب شو رايكم بالبطاطا بيوريه مع اللحمة المفرومة و الجبنة المبشورة في الفرن اللي موافق يرفع ايدو شو شايفة الكل رفعو ايديهم

لكان خلونا نبلش هالوصفة من كتاب اطباق عصرية لسميرة

بطاطا بيوريه فيكي تتحكمي في مدى سماكتها انا عن نفسي بساويها وسط لا سميكة و لا سائلة و بعد ما يخلص الغراتان راح تشوفي كيف راح تطلع

الحشوة :

ملعقة زيت زيتون او زبدة او زيت نباتي متل ما بدك
بصلة مفرومة ناعما او مبشورة
150-200غ لحمة مفرومة
ملح و فلفل اسود
جبنة مبشورة للوجه
direction

·          نحضر البطاطا البيوريه

·          لتحضير الحشوة نسخن الزيت في مقلاة ثم نضع البصلة المفرومة و نقليها حتى تصبح شفافة ثم نعلي النار و نضيف اللحمة المبشورة و نقلبها مع اضافة الملح و الفلفل الاسود و الاستمرار في التقليب حتى ينضج اللحم و يجف مرقه

·          ندهن صينية بايركس بالقليل من الزيدة

·          نمد عليه نصف كمية البطاطا بيوريه ثم اللحمة المفرومة و بعدها النصف المتبقي من البطاطا بيوريه و نرش الوجه بالجبنة ثم ندخلها فرنا محمى على درجة حرارة 180 درجة و نتركها حتى يصبح لونها ذهبي و ان اردت ممكن تشغلي عليها الشواية من فوق و راح يصير لونها بيشهي

·          و ما حدا راح يعرف انها بالبطاطا بيوريه تحتى يدوقها لان بتبين كانها غراتان بالبيشاميل

ملاحظات :

·          اذا بدك فيكي بعد وضع اللحمة المفرومة تحطي النصف الثاني من البطاطا بيوريه في كيس حلواني و تشكلي وردات فوق طبقة اللحمة المفرومة و بعدين ترشيها بالجبنة المبشورة و راح يطلعها شكلها كتير حلو بس راح تاخد كمية اكبر من البيوريه

·          هذه الكمية تكفي ل 3-4 اشخاص و يمكنك تحضير نصفها او ضعفها حسب الرغبة

·          هالوصفة ما بينفع تظل لتاني يوم حتى ما بينفع ترجعي تسخنيها عالعشاء لان البيوريه راح تجمد الا اذا كنتي بتحبي البيوريه جامدة كتير بس اذا ساويتي كمية كبيرة للغدا و ظل منها فيكي عالعشاء تخلطيها بملعقة او شوكة و تحطيها بطنجرة و تضيفيلها شوية حليب دافئ و تستمري في تحريكها على نار هادئة او متوسطة و راح تصير عندك بطاطا بيوريه عادية بس بلحمة مفرومة و راح تكون كتير طيبة , ان شاء الله تجربوها و تعجبكم و تعجب كل اللي بتساووها مشانهم

أضافة إلى المفضلة (0) |

أقتباس | مشاهدات : 3189

تعليقات (4)

1 الكاتب منى, on 26-02-2009 18:35
ايه شو هل الفن كله سارونات

كتير طيبة هل الوصقة و انا بحضر بنت عمها لمن يكون عندي زايد بطاطا بيوريه بس بحط مع اللحمة تشكيلة خضرة

سلم هل الديات الف شكر الك للوصفة و الملاحظات و الروابط و كل شي و حتى المقدمة الحلوة ,عملت للوصفة جو لذيذ

2 الكاتب سارونات, on 27-02-2009 12:24
السلام عليكم و رحمة الله و بركاته

اهلا و سهلا يا مرحبايخليلي ياكي اختي منى عيني كانت راح تدمع من كتر الفرحمة من اللي قلتيه نحنا ما منجي نقطة ببحرك يا احلى فنانة :cry

لكان خلينا نمسح الدموع و نبتسم :zzz

اختي منى ما طلعت كلمة البطاطا بيوريه بالاخضر قصدي مشان يعرفو ان الوصفة موجودة بالمنتدى

بدنا افراد العيلة يلتقو مع بعض هالوصفة بدها تلتقي مع بنت عمها ان شاء الله تحطيها قريبا لان اكيد مع الخضر بتطلع احلى بس ما تكون وصفتك هي الوصفة اللي اسمها فطيرة الراعي لان هاديك بتكون بنت عمتها لهالوصفة :grin

بس بتكون طبقتين بس يعني من تحت لحمة مفرومة فيها جزر و كراث و بازلا و من فوق البطاطا بيوريه اذا كانت مو هي ان شاء الله بس جربها ببقى حط الوصفة

ياالله شو طويل ردي :upset

بالتوفيق
سلام

3 الكاتب semo, on 22-06-2009 14:54
يسلمو هالايدين حاسستا شي بيطير العقل
رح جربها وقلك

4 الكاتب سارونات, on 17-09-2009 19:19
السلام عليكم و رحمة الله و بركاته

و ايديكي ايه و الله هي طيبة كتير و ان شاء الله تجربيها و تطلع متل ما بدك

بالتوفيق
سلام

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 26/02/2009 )

< السابق		التالى >

[ عودة ]