L2ma.com | لقمة طيبة | L2ma.com | لقمة طيبة | سلطة بياز على طريقة أهل انطاليا | على, ملعقة, كبيرة, كتير, سلطة | L2ma.com

القائمة الرئيسية

سلطة بياز على طريقة أهل انطاليا

الكاتب/ منى

12/02/2009

صحن سلطات تركية مشكل
سلطة بياز على طريقة أهل انطاليا Antalya Piyazi

أنطاليا مدينة ساحلية على البحر المتوسط , المدينة حلوة كتير و شواطئها بتاخد العقل و كمان فيها مناطق أثرية غنية , بس الي بيهمنا منها اليوم هو طريقة أهلها بتحضير سلطة بياز و هي السلطة الي على يمين الصورة لحت شوي .

متل ما خبرتكم قبل ان بياز معناها سلطة الفاصوليا البيضاء و أهل أنطاليا بيضيفوا للصوص طحينة و هيك الطعمة بتصير أغنى و متوازنة . بحس أن الفاصوليا لحالها نكهتها خفيفة و الطحينة نكهتها قوية و المزج بين التنتين رح يعطي طعم طيب كتير و أنا متأكدة أن كتير منكم رح يحبها كتير إن شاء الله لان قريبة على زوئنا العربي و نفس فكرة الحمص و المتبل .

في بعض المناطق من تركيا , بيتحضر البياز بنفس هل الطريقة : فاصوليا مع حمض ليمون و ممكن خل مع بصل و بقدونس و بس , يعني من دون الطحينة , كمان طيبة و سهلة كتير .

بالصحة و الهنا

كوب فاصولياء بيضاء مسلوقة
حبة صغيرة جداً بصل أحمر أو أبيض
3 – 4 ملعقة كبيرة بقدونس مفروم
نصف ملعقة صغيرة فليفلة حمراء ناعمة

الطحينة :

4 ملعقة كبيرة زيت زيتون
2 ملعقة كبيرة عصير ليمون2 ملعقة كبيرة طحينة
2 ملعقة كبيرة خل تفاح
فص ثوم مهروس

·          يمزج الملح و الخل و عصير الليمون و الطحينة و الثوم و يضاف القليل من الماء بالتدريج حتى الحصول على صوص متوسط السماكة .

·          تمزج الطحينة مع الفاصولياء البيضاء و تترك جانباً لمدة ساعة .

·          يقطع البصل الأحمر لشرائح رقيقة ثم يرش بالملح و يترك جانباً لبضع دقائق ثم يعصر بلطف للتخلص من العصير .

·          يمزج البصل و الفاصولياء مع الصوص ثم يضاف البقدونس و تقلب السلطة و يتم التأكد من نكهتها و حمضها .

·          تقدم السلطة باردة و يمكن أن يزين الطبق بالبيض المسلوق و شرائح من البندورة أو يقدم من دون تزيين حسب الرغبة .

وصفات تانية ممكن تعجبك :

سلطة بياز

سلطة بياز على طريقة أهل أنطاليا

سلطة البيض

مع سلطة الحمص

أضافة إلى المفضلة (0) |

أقتباس | مشاهدات : 4294

تعليقات (6)

1 الكاتب souha, on 12-02-2009 21:42
السلام عليكم

كيفك منونة الله يسلم دياتك ع السلطات إلي بتشهي و الألوان حلوة كتير
بس أنا دخلت على هالصفحة من قسم الكاتو شفت رقم 42 مكتوب جنب الكاتو قلت لحالي هجوم شوفي الوصفة و خشيت ع الصفة و إذ يطلعلي سلطة كني في خطأ بالرايط
بس المهم أعرف في وصفة كاتو جديد ولا لأ :zzz

سلام

2 الكاتب منى, on 12-02-2009 22:02
:grin

لا و الله ام السوس ما في هلا كيك هادا بالغلط وصلت وصفة السلطة لقسم الكيك بس محضرة وصفة كيك يممي للوصفة رقم 600 ان شاء الله

بتعرفي شو ضحكت على الرقم 42 , شو حاسبتيهم على اللقمة :zzz

3 الكاتب souha, on 15-02-2009 20:36
هلا منونة
يا ستي أنا بس حفظانة رقم الكاتو و من هون بتعرفي أديش بحب الكاتو بالوظيفة سموني أم الكاتو عكتر ما بساوي كاتو و بضلني بحبش عن خلطات جديدة
على كل حال متل ما بتقول الغنية أنا في انتظارك مليت :grin

سلام

4 الكاتب منى, on 16-02-2009 16:50
اتوقعت انك بتحبي الحلو , لكن حضريلي حالك و معداتك على الوصفة 600 , يا رب تعجبك و يكون الانتظار جاب فايدة يااا قمر :zzz

5 الكاتب الدمشقية, on 24-02-2009 09:16
مو معقول منظرالصحن يلي مصورتيه بياخد العقل بس ممكن أعرف شو هي باقي الأكلات يلي بالصحن
وشكراً كتير على سلطة الفاصولية اين عليها حتكون كتيييييييير لذيذة إن شاء الله بجربها عن قريب
تسلم ايديك يا أحلى منى

6 الكاتب منى, on 24-02-2009 10:26
هلا دمدومة

لو تعرفي شو صار عندي بالبيت على هل الصحن ؟, الله وكيلك خلال 5 دقايق كان انمسح كله , الف هنا و الف عافية على قلوبهن الحلوة الصغيرة

هلا عدلت الوصفة و رح ضيف بقية الوصفات , الف شكر الك للتنبيه

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 24/02/2009 )

< السابق		التالى >

[ عودة ]