L2ma.com | لقمة طيبة | L2ma.com | لقمة طيبة | البياز | بصل, سلطة, السلطة, · , صغيرة | L2ma.com

القائمة الرئيسية

البياز

الكاتب/ منى

07/02/2009

صحن سلطات تركية مشكل

لما تقول كلمة بياز Piyaz في تركيا , رح يعرف الي سمعك انك تقصد سلطة الفاصوليا البيضاء الناشفة . و هل السلطة بتتحضر بعدة طرق حسب المنطقة . بس هي بشكل أساسي فاصوليا بيضاء مع بصل مفروم و متبلة بالليمون و الخل و عصير الليمون مع الملح و الفليلفة الحمراء الناعمة و بعدها بتزين بالبندورة و البقدونس و البيض المسلوق . حسب المنطقة ممكن تنضاف رشة سماق مع التتبيلة أو ممكن يضاف بصل أخضر أو جزر مبشور . مهرجان كامل من الألوان الحلوة و الغنية .

رح قدملكم اليوم طريقتين لتحضير البياز . الطريقة الأولى هل الطريقة و هي عبارة عن فاصوليا بيضاء مع خضرة مشكلة . و الطريقة التانية سلطة الفاصوليا البيضاء على طريقة أنطاليا : فاصوليا بتتبل بالطحينة و الليمون و الخل مع البقدونس و الثوم .

البياز سلطة طيبة و هي السلطة الي فوق سلطة البيض على اليمين شوي , شايفة كيف ألوانها بتجلب النظر بالإضافة إلى إنها مفيدة كتير كمان طعمتها طيبة كتير , بالنسبة الي ممكن تكون وجبة كاملة إذا كان حمضها مدعوم و على الأصول .

بالصحة و الهنا

كوب و نصف فاصولياء بيضاء مسلوقة
حبة يندورة مفرومة
حبة بصل أخضر ( مع الجزء الأخضر ) مفروم
حبة صغيرة جداً بصل أحمر أو أبيض
حبة صغيرة فليلفة خضراء و يفضل الفليلفة الحرّة
حبة جزر صغيرة مبشورة ( اختياري )

الصوص :

4 ملعقة كبيرة زيت زيتون
عصير نصف ليمونة
ملعقة صغيرة خل
ملح
رشة بهار

للتزيين :

زيتون أسود ( عطون )
حبة بيض مسلوقة

·          يمزج الملح و الخل و عصير الليمون مع الفاصولياء البيضاء و يترك جانباً لمدة ساعة أو ساعتين .

·          يقطع البصل الأحمر لشرائح رقيقة ثم يرش بالملح و يترك جانباً لبضع دقائق ثم يعصر بلطف للتخلص من العصير .

·          يمزج البصل و الفاصولياء و البندورة و الجزر في حال استعماله .

·          تمزج باقي مقادير الصوص جيداً ثم تتبل بها السلطة و ترتب في طبق التقديم .

·          يزين الطبق بالبيض المسلوق و الزيتون الأسود و يمكن رش القليل من البقدونس المفروم حسب الرغبة .
تقدم السلطة مع الكفتة أو الدجاج و اللحمة المشوية .

أضافة إلى المفضلة (1) |

أقتباس | مشاهدات : 4148

تعليقات (9)

1 الكاتب DOUHA, on 13-02-2009 19:03
والله يا مناي

بتشهي انا مابحب الفاصوليا الحب بس اذا هيك رح حبا اكيد

مرسي كتيررر

2 الكاتب منى, on 13-02-2009 21:35
هلا ضحى

و انا متلك بس بعد ما صرت اطبخها متل الاتراك صارت من الوصفات المفضلة مو بس عندي عند كل العيلة و حتى الصغار :zzz

3 الكاتب سارونات, on 13-02-2009 22:53
السلام عليكم و رحمة الله و بركاته

عجبتني كتير فكرة السلطة و ان شاء الله بجربها بس اختي منى بدي اعرف كيفية سلق الفاصوليا هل هي نفسها طريقة سلق الحمص

بالتوفيق
سلام

4 الكاتب منى, on 14-02-2009 11:52
هي نفسها سارونات , و اذا بتحبي رح نزل موضوع بكرة ان شاء الله فيه طريقة السلق بالتفصيل لانه من الاسئلة المتكررة في الموقع :zzz

5 الكاتب أم علي, on 14-02-2009 20:33
سلطةشكلها حلو :grin

تسلمايدك يا مبدعة

6 الكاتب منى, on 15-02-2009 05:31
هلا ام علي

و طعمتها كمان يمي , الله يسلمك و يخليلي ياكي يا ام الزووء كله

7 الكاتب سارونات, on 16-02-2009 11:38
السلام عليكم و رحمة الله و بركاته

يخليلي ياكي اختي منى

اي ليش لا بيكون موضوع حلو و يمكن تعطينا ملاحظات مهمة و تساعدنا
ناطرة الموضوع و لا تنسي الروايا ايسنغ اختي منى بموضوع كاتو الليمون
بالتوفيق
سلام

8 الكاتب DOUHA, on 18-10-2009 21:37
عملتا ونالت الرضا وما اكلتا انا بس دئت كم حبة وئت حضرتا

رائعة

ورجع الحب بيني وبين الفاصوليا البيضا

منى جربتي شي الفاصوليا الحمرا؟؟

9 من زمان و انا ببحث عنها
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 08-10-2011 06:48
اكلتها بمطعم تركي و ما عرفت شو اسمها, و من وقتها عم حاول ابحث عنها لهالوصفة ... شكرا لك مدام منى

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 13/02/2009 )

< السابق		التالى >

[ عودة ]