أو مربى السفرجل المبشور و كمان مربى بشر السفرجل نوع من المرملاد معروف بين تركيا و بلاد الشام و بيتحضر تقريباً بنفس الطريقة و المقادير باختلافات بسيطة و هو طيب كتير و سهل و خصوصاً لمحبي السفرجل الي متل حكايتي .
المربى بيطلع لونه على أصفر لو طبخ لفترة بسيطة , بس أنا بحب المربى يطلع بنفس اللون الظاهر بالصورة لهيك بخلييه فترة أطول على النار و بالأخير هي شغلة راجعة لزوءك .
واحد من رفقاتي اللبنانية الأصل خبرتني ان ستها بتضيف مع مربى السفرجل شي اسمه ورقة عطرة و هي متوفرة عند العطاريين , فكرة جديدة و خصوصاُ على مين بيحب التجديد , رح حضر مرملادي السنة الجاية اذا الله راد مع العطرة و أكيد انت أول مين رح يصير عنده خبر .
بالصحة و الهنا
1 كيلو سفرجل 3 كوب سكر 3 كوب ماء عصير ليمونة
·يقشر السفرجل و يقطع لأربع أرباع ثم ينزع بذوره و الأجزاء المحيطة به . توضع الأرباع المجهزة في إناء فيه ماء حتى الانتهاء من كل الكمية .
·يبشر السفرجل على الوجه الخشن من المبشرة ثم يوضع السفرجل المبشور مع السكر في قدر و يترك جانباً لمدة نصف ساعة .
·يضاف الماء , و تقلل كميته لكوبين عند الرغبة بالحصول عل مربى بلون أصفر فاتح , و يرفع المربى على نار متوسطة و يترك حتى يغلي .
·تهدى النار و يترك المربى حتى يعقد و يتحول لونه للأرجواني الجميل , يضاف عصير الليمون في أخر خمس دقائق .
·بعد أن يبرد المربى يعبأ في مرطبانات بلورية و يحفظ في مكان بارد و أنا أحب تقديمه مع الجبنة الطرية أو الزبدة على شريحة من الرغيف التركي الساخن و كوب شاي .
تعليقات (5)
