برغل بالبندورة ( Bulgur Pilavi )

 الاكلة هي انا جبيت شارك فيها لانو بحبها كتير بس ما كنت والدتي تطبخها من شان هيك كنت اكلها عند رفيقة ماما و الي هي ام زوجي حاليا و بتمنى من كل الاخوات يحبوها و هي البرغل بالبندورة  و هي من الاكلات السهلة و اللذيذة جدا .

و تقدم حسب معلوماتي مع المخلل و بتمنى تعجبك و تعجب الجميع و  تكون الوجبة ظريفة و تنال اعجابكون اختكون ب لقمة طيبة

1كأس برغل
2 بصلة
ملعقة صغيرة دبس بفليفلة (اانا بفضل الحار قليلا لانو بيعطي نكهة رهيبه و ممكن اضافتو حسب الرغبة)
قطع بندورة حمراء او بندورة مقطعة علب
ملح
بهار
قرفة
كأسين من الماء المغلي





·          نفرم البصل على شكل اجنحة نصف دائرية و نقليها مع الزيت حتى تذبل .

·          في اثناء ذلك نقوم بسلق البندورة بالماء الساخن ليسهل تقشيره و طبخها وعندما تجهز البندورة نضيفها و نضيف الملح و البهار و القرفة ودبس الفليفلة حتى تغلي قليلا نضيف الماء السخن و نتركه ريثما تتسبك .

·          نغسل البرغل و نضيفه للماء و البندورة .

·          نتركه يغلي لمدة 5دقائق ثم نضعه على نار خفيفة ريثما تنشف الماء و يتم طبخة كالارز و بعد الاستواء يتم تحريكه .


اضافات :

بعض الناس يضيفون على وجهه اللحم الناعمة او القطع بعد تحميرها مع المكسرات و ذلك حسب الرغبة 

تعليقات (15)

1  الكاتب منى, on 20-01-2009 12:02 يا ستي بالفعل أكلة معتبرة و بتجنن و مع انها أكلة تركية بس هون بحلب كتير بيعملوها و حتى بسوريا كلها على ما أظن, أنا كنت بعملها بس من دون قرفة , معها صارت بتجنن .    الأتراك بيقدموها مع العيران أو سلطة الخيار باللبن , بس انا بحسها لحالها أطيب     سلم دياتك ندوشة و الف شكر الك و موفقة هلا بامحاناتك , ان شاء الله تفضي و تزوري الموقع و تشوفي تطبيقي لوصفتك

2  الكاتب سلاف, on 20-01-2009 11:53 طيبه كتير كتير هالاكله وانا بحبها امممممم شهتيني عليها   هي الاكله سهله كتير ومفيده انا بعملها بزيت الزيتون ندوشه مو كاتبه اديه استخدمتي زيت ولا نوعه بس اكيد لازم يكون زيت زيتون       اذا سمحتيلي بحب ضيف شغله انا احيانا بحط معاها قطع باذنجان مقليه بتذكر ستي الله يخليلي ياها مره قالتلي كانو يسموها يهودي مسافر هالاكله مابعرف صحة هالشيئ وفيه ناس بالشام بضيفولها كوسا بدل الباذنجان وطيبتها تكون دبس الفليفله حاره متل ماذكرتي00 يسلم ايديكي يارب  حكيت كتير لاتواخذيني كاني موحمه   منى السؤال لالك مزبوط اسمها هالاكله يهودي مسافر(( الله لايرده))؟؟؟؟

3  الكاتب ام دانية, on 20-01-2009 14:00 يسلم دياتك يارب على هل الاكلة انا كتير كتير بحبها وخصوصا من ديات عمتي امون لانو بتعملها كتير طيبة والصورة فتحتلي نفسي رح جرب اعملها بس كنت حابة اسئل انو البرغل ناعم ولاخشن؟واحلى سلام للست منى ان شاءالله الصحة تمام على فكرة امس عملت كبة مقلية وشفتك حاطة الكبة المبرومة فحبيت جربها مممممممممممممممم شو طلعة طيبة يسلمو دياتك عليها زوجي كمان كتير حبها وخصوصا لما كترتلا الفستق قلي اني لا بقى اعمل الكبة غير مبرومة وعملت ترياكي كمان طيب وتغير شكل وعملت رز بحليب مع البالوظة مممممممممممم طولت عليكي بس كنت حابة خبرك شو عملت الله يعطيكي العافية ويجزكي كل خير

7  الكاتب منى, on 21-01-2009 11:11 هلا سلوفة   كلامك مزبوط مع البانجان المقلي و اللحمة و البصل و ممكن الفليلفة بيصير اسمها يهودي مسافر , و هي الاكلة بالاصل اسمها مسلم هربان بس لما صاروا المسلمين يعملوها ما هان عليهم يكون هيك اسمها فسموها يهودي مسافر , اما تبعة الكوسا فهي حج أبو شلهوب , و الله كلهم ما في اطيب منهم و البرغل أكلة طيبة و صحية

8  الكاتب منى, on 21-01-2009 11:13 هلا ام دانية   بما ان ندوشة هلا عندها فحص و بما اني جربت الاكلة رح جاوبك عنها لوقت ما ترجع و البرغل هو خشن  يا ستي عافية و صحة و الف هنا على الكبة المقلية و المبرومة و كمان ألف هنا على كل شي جربتيه

9  الكاتب منى, on 21-01-2009 11:15 هلا ميوسة   انا بحب كتير هل الشغلة بطبخاتنا , و بحسها بتخليها مميزة أكتر , الشكرالك اختي لتواجدك و لردودك الطيبة في الموقع

10  الكاتب منى, on 21-01-2009 11:18 غيوثة فرطيلي ريقي على زريقة الحصرم   يممي شو بحبها بس ما كنت اعرف ان اسمها زريقة ,   انا بحط لسا معها فليلفة حمراء ناعمة , يممي اشتهيت قوم اشربلي شوي

11  الكاتب منى, on 21-01-2009 11:20 هلا منونة   هي شكلها بيشهي كتير هل المفلقة , سبحان الله كله بيشبه بعضوا بس اضافات حسب المتوفر في المنطة

13  الكاتب نور الأسلام, on 19-02-2009 15:50 السلام عليكم طيبه كتير هالاكله الله يعطيكي العافيه انا بضيف معها الحمص الحب المسلوق بتطلع كمان طيبه

14  الكاتب منى, on 19-02-2009 21:21 ممم , فكرة طيبة كتير اضافة الحمص , يا عيني عليك نور سلم دياتك على الفكرة الطيبة

15  ممم طيبة وبتجنن الكاتب amoula, on 14-04-2011 12:03 هالاكلة بموت عليها كل اسبوعين لازم تنعمل كاستراحة من اكل اللحمة , انا بحط الها بصلة وفليفلة خضر , واحيانا بدل قرن فليفلة كامل اخضر بحط نص اخضر ونص احمر , بيطلع شكلهم بيجنن وطعمتهم بتجنن , وبعدها بضيف البندورة مع معلقة دبس بندورة وبدون قرفة ولا بهار وبعدها نفس طريقتكم   بدها خيار بلبن يا سلااااااام قايمة هلأ اعملها هي مناسبة كمان للريجيم عفكرة   عجبتني فكرة اضافة دبس الفليفلة ممم  احيانا بيسموها برغل بافرنجي يمكن ؟!

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved