شوربة العدس الأحمر التركية (Kirmizi Mercimek Corbasi)

بعد الاستفتاء الي عملناه بين المنيو التركي و مهرجان السلطات , طلعوا السلطات لبرة و انهزموا شر هزيمة , لهيك هلأ رح ابدأ بإذن الله المنيو التركي و رح تكون وصفات كلها جديدة و يمكن أول مرة بتسمعي فيها . بسم الله بدأنا بهل الشوربة و هي كتير طيبة و تغير عن الشوربة العادية و طلعي من كتر ما كنت مبسوطة فيها و بريحتها شوفي شو طلع على وحه الشوربة لما زينتها بتقلاية الزبدة و الفليلفة , شايفين هل القلب الأحمر الحلو كيف طلع لحاله , يعني لو قعدت 3 ساعات و أنا عم حاول زبطوا ما كان زبط , بس لعيونك ارتسم لحاله  .



بالصحة و الهنا

كوب عدس أحمر
حبة بصل
حبة صغيرة جزر
حبة كبيرة بندورة
3 – 4  كوب مرق دجاج أو لحم
رشة صغيرة بهار مشكل

للتزيين :

ملعقة كبيرة زبدة
ملعقة صغيرة فليلفة حمراء ناعمة ( حرّة أو حلوة حسب الرغبة )

تعليقات (25)

1  الكاتب سلاف, on 20-01-2009 12:00 يسلم ايديكي ياأحلى منى بالدنيا شيئ بشهي والله شفت القلب من بره عالصفحه الرئيسه قلت منى بتضلها فنانه بس لمين هالصحن كان ياترى ؟؟؟     انا بعملها الشوربه نفس طريقتك تقريبا بس بضيفلها بطاطا صغيره كمان بتطلع طيبه بس فيه شغله ولا مره جربت حط على وجهها زبده عطول بحط زيت زيتون مع الفليله بتطلع كمان طيبه بس يمكن بالزبده اطيب رح جربها ان شاء الله على طريقتك التركيه الاصليه   thanks Muna

2  الكاتب سارونات, on 20-01-2009 14:08 السلام عليكم و رحمة الله و بركاته  و الله ما نتبهت على القلب سبحان الله عقد ما قلبك كبير و بيساع الكل طلع هالقلب بالشوربة  منيح اللي نبهتيني لان و انا عم شوف الوصفة كنت عم بضحك لحالي و فرحانة لنجاح الروستو الحمد لله  اختي منى عجبتني فكرة الشوربة خصوصا بايام الشتاء بس ما فينا نساويها بعدس اسمر يعني لازم عدس احمر   ان شاء الله بهاليومين راح ساوي مكرونة بالبيشاميل و كاب كيك البرتقال بالصوص الابيض بس اناراح ساويه ككيكة كاملة بما انك قلتي انو بينفع   بالتوفيق  سلام

3  السلام عليكم ورحمة الله وبركاته الكاتب omtasneem, on 20-01-2009 14:26 السلام عليكم ورحمة الله وبركاته. الله يعطيك العافية ويقويك اكتر واكتر بتشكرك عزيزتي منى رح جربها وقلك إن شاء الله وعلى فكرة نسيت قلك اني جربت اكتر من نوع كاتو البرتقال وكاتو الاناناس والكراميل بس لاتواخذيني عملت بالفواكة المعلبة وطلع روعة واخيرا امبارح كاتو الكولا وطلع يمم مابعرف علقت على صفحة الكاتويات وكاني الحمل عندي اخد مغعولو تمام تسلم ايديك

7  الكاتب أم علي, on 20-01-2009 19:45 السلام عليكم جميعا وخاصة المبدعة ست منى والله بتشكرك كتير على الشوربة لمى فتحت النت وشفتا فرحت كتير لاني زوجي بيحبا وما بعرف اطبخا بس عندي سؤال ست منى بيصير بدال المرق استخدم مكعب ماجي والف تحية وشكر الك يا اشطر شيف

9  الكاتب أم الهدى, on 21-01-2009 09:06 تسلم إيديك الحلوة شي بشهي ،والقلب معناه إنو مكونات لاشوربة صحية نافعة للقلب وانعملت من كل قلبك وعم تقدميها بكل محبة بقلبك الكبير  نحن بانتظار باقي المنيو

10  الكاتب منى, on 21-01-2009 09:17 هلا سلاف   الصحن ما بعرف طلع من حصة مين لأن بس ما خلصت تصوير هجم الشعب كله , هنا و عافية و صحة و قوة على كل نقطة يا رب     مرة جربتها انا كمان بالزيت و كانت طيبة , و بتبقى أصح بس بالزبدة أصولها     الشكر الك و لردوك سلوفة

11  الكاتب منى, on 21-01-2009 09:19 هلا سارونات   هي الشوربة لازملها عدس أحمر و في شوربة تانية طيبة كتيررر بالعدس الاسود و كمان تركية بس بيحطو على وجهها ثوم مع خل , ان شاء الله رح تكون ضمن وصفات المنيو التركي الجديد , ذكرتيني فيها   عم استنى رايك علىالوصفات الي رح تجربيها و هنا و عافية مقدما

12  الكاتب منى, on 21-01-2009 09:20 هلا ام تسنيم   الله يقومك بالسلامة و تكوني انت والبي بي بصحة و عافية و تشوفيه مالي العين و البصر يا رب     الف الف هنا على كل كاتو جربتيه و عجبك و كمان شكرا لان عم تخبريني شو جربتي و ظبط معك

13  الكاتب منى, on 21-01-2009 10:50 لاااا رينو هون , أيه و الله و الله لازن افرشلك الارض ورد و فل و ياسمين , بعد زمان هل القمر الحلوو ما بان     ان شاء الله شادة الهمة و ما رح اتاخر بإذن الله انت تامر جميل   ان شاء الله تجربيها و تعجبك , انا حسيتها تغير عن الشوربة الي نعملها بمزة الحموضة البسيطة من البندورة , يممي شو طيبة     لا بقى طولي الغيبة وردي علي و لو بكلمة يا قمر

14  الكاتب منى, on 21-01-2009 10:50 هلا ميوسة   الشكر الك و لردك و ان شاء الله تعجبك باقي الوصفات كمان

15  الكاتب منى, on 21-01-2009 10:51 هلا غيوثة حبيبتي   شو ضحكت على يوم العدس العالمي , ذكرتيني بيوم اليقطين العالمي لما كنت عم حضر وصفات من اليقطين , مر علينا اسبوع كامل و نحنا عم ناكل ما لذ و طاب من اليقطين من الشوربة وصولا للكيك   ان شاء الله تجربيها و تعجبك

16  الكاتب منى, on 21-01-2009 10:52 هلا ام علي   ان شاء الله تساويها و تعجب الباشا , و بتصير اكيد بمكعبات المرق بس انا ما بحب استعملها ابذا غير اذا كنت مضطرة   الشكر الك أختي و لا تنسي تخبريني اذا جربتيها

17  الكاتب منى, on 21-01-2009 10:54 هلا منونة   يا ستي اسمك بيعجبني كتير , الصراحة اهلك مزوئين كتير   ان شاء الله تجربيها و تعجبك و بأمرك انا يا عسل .  لا تنسي تخبريني اذا عجبتك او نو

18  الكاتب منى, on 21-01-2009 10:55 هلا ام الهدى   و الله كلامك مزبوط , لما الواحدة بتكون مبسوطة و هي عم تطبخ بتكون طعمة الاكل غير   ان شاء الله يعجبك باقي المنيو

19  الكاتب ام محمد, on 22-01-2009 07:15 الله يسلم دباتك ومهما حكيت بعجز عن شكرك   بصراحةبعد ماعرفت هل الموقع ماعدت ادخل ولاموقع  لانومكفي وموفي وكله لذيذوشهي الله يعطيكي الصحةوالعافية وفرحت لفوزالمنيوالتركي

20  الكاتب منى, on 22-01-2009 11:52 هلا فيك ام محمد   الف شكر الك للرد الطيب , عن جد هل الردود الحلوة كتير بتشجعني و انا ما بدي شكر الي بتمناه هو انك تدعيلي دعوة من قلبك يا عسل     ان شاء الله تعجبك كمان باقي الوصفات

21  الكاتب مزهرة, on 12-02-2010 15:01 يسلموا هالايدين ياست منى والله يخليكي ولايحرمنا هالموقع

22  الكاتب منى, on 12-02-2010 23:49 و الله لا يحرمني هل الطلة الحلوة و الغالية

24  الكاتب منى, on 13-08-2010 14:29 لا الي بالبيت و مرق السلق فيك تحفظيه بالفريزر بمكعبات التلج

25  الكاتب محبةالمصطفى ملك, on 14-08-2010 03:23   و أخيرا رديتي في كتير أسئلة مبعثرة هنا وهناك وبدون أجوبة بس يلا معلش ...و يسلمو كتير على الرد    بس ما بصير أحفظ المرق بأكياس بدل المكعبات؟ و كم مدة الحفظ؟؟؟

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved