L2ma.com | لقمة طيبة | L2ma.com | لقمة طيبة | البندورة المجففة بأشعة الشمس | البندورة, حبات, · , أيام, الشمس | L2ma.com

القائمة الرئيسية

الأكثر تصفحاً

البندورة المجففة بأشعة الشمس

الكاتب/ منى

10/04/2007

بندورة مجففة بالشمس

تحضر هذه البندورة في أحر أيام الصيف في شهر أب , يجب استخدام أفضل حبات البندورة الطازجة , اذا لم تكن البندورة طازجة قد يؤدي ذلك إلى تعفنها خلال عملية التجفيف , يمكن استخدام البندورة المجففة في اعداد بعض السلطات أو السندويشات , أو يمكن تناولها مع الخبز في أيام الشتاء.

بالصحة و الهنا

بندورة طازجة
ملح صخري
زيت زيتون

طريقة التحضير

·          تقطع حبات البندورة إلى نصفين ثم ترش بكمية كبيرة من الملح الصخري .

·          تصف حبات البندورة على سطح واسع أو على مشبك سلك تحت أشعة الشمس , و تترك عدة ايام لتجف تحت اشعة الشمس و ستصبح جاهزة عندما تصبح مجعدة و قاسية .

·          توضع حبات البندورة المجففة في الماء الساخن لمدة دقائق فقط  للتخلص من الملح الزائد ثم ترفع من الماء و تعاد حبات البندورة تحت الشمس لفترة وجيزة فقط للتأكد من أن شرائح البندورة قد جفت تماماً من الماء .

·          ترتب قطع البندورة في مرطبانات ثم تغمر بزيت الزيتون و تترك بضعة ايام قبل استخدامها . يمكن حفظها في الفريز و عند الرغبة تخرج من الفريزر و تغمر بالزيت و تترك لبضعة أيام قبل تقديمها

·          يمكن اضافة أي نوع من أنواع الأعشاب العطرية مع البندورة لإضفاء نكهة إليها مثل الريحان أو الزعتر الأخضر .

أضافة إلى المفضلة (1) |

أقتباس | مشاهدات : 783

تعليقات (4)

1 الكاتب ام نور, on 17-11-2008 21:16
هالبندورة كتير مشتهية جربا بس الصيف بهل بلاد عدم يوم شمس ويوم شتي بس ناوية لما انزل علبنان يالصيف اعملا انشالله يا ريت تذكريلنا كيف فينا نستفاد منا مع الاكلات

2 الكاتب منى, on 18-11-2008 05:54
في كتير وصفات , بس هلا بالموقع في بس وصفة الخبز الايطالي مستخدمة فيها هل البندورة , حتى طيبة لحالها مع خبز

3 الكاتب dado, on 22-11-2008 13:17
مرحبا منى..
هي البندورة طيبة كتير وبتستخدم بالمطبخ الايطالي ومتل ما حكيتي طيبة لحالها.. بس زوجي بيضحك عليّ لما باكلها مع خبز بدون شي تاني معها :sigh

أختي أم نور.. كمان فيكي تعمليها سندويش مسخن مع جبنة شيدر |أو موزوريلا "أي جبنة بتسيخ عالتسخين" مع دهنة بيستو.. إممممم ولا أطيب.. أو فيكي تحطيها مع فطر وجبنة وكم ورقة سبانخ وفوتيها عالفرن أو سخانة السندويش.
عندي سؤال منى.. كم يوم لازم تبقى بالزيت قبل ما تتاكل؟
لأنو آخر مرة حطيتها بالزيت شي أسبوع "بس بالبراد كانت" ولما طالعتها كانت مجلمدة وقاسية كتير.
وشكرا كتير على وصفاتك الشهية كتير
الله يعطيكي العافية يا رب

4 الكاتب منى, on 23-11-2008 14:17
هلا دالو

انا كمان بحبها لحالها و هي كتير افكار منك , الله يعطيكي الف عافية على هل الاضافات اللذيذة
تقريباً بتاخد 4 ايام بالزيت و احيانا اكتر بس ممكن تحفظيها بالزيت قد ما بدك , ما عرفت قصة انها طلعت قاسية , يمكن لان كانت بالبراد ؟
الشكر ليك انت على ردك و تواجدك أختي
مية هلا

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 19/11/2008 )

< السابق		التالى >

[ عودة ]