يمممممممممم هل الاكلة لذيذة كتييييييير إن شاء الله تحبيها حبيبتي منى أنت و كل الأخوات بالموقع

تقريباً كيلو فول أخضر
كيلو سلق
3/4 كاسة زيت بلدي
ملح
ثوم
كزبرة مفرومة





·          نضع الزيت والفول فوراً قبل أن يحمى الزيت و نقلب الزيت حتى ينضج تقريباً .

·          نكون فرمنا السلق (الأعواد والأوراق قطع صغيرة) , نضع السلق فوق الفول ونضع الملح (يجب عدم وضع الملح فوق الفول فوراً أو قبل النضح حتى ما يحمر الفول ويضل أخضر بلونه)

·          أخيراً نضع الكزبرة و الثوم و تقدم مع الخبز العربي . 

تعليقات (23)

1  الكاتب منى, on 05-01-2009 10:11 ممم , طعمتها على طرف لساني , اكيد طيبة كتير    اليوم عندي سلق رح شيل شوي منه لحتى جرب هل الوصفة بكرة ان شاء الله

2  الكاتب منى, on 23-01-2009 12:40 جربتها و كانت طيبة كتير و مع الليمون الحامض بتفرط الريق   سلم دياتك دمدومة

5  الكاتب ميساء, on 30-01-2009 00:07 مرحبا ست منى والله كتير فرحت بعودة الموقع لأن مر يومين كان عم يطلع بداله شي تاني انشاء الله ماننحرم منك ولا من هالموقع الغالي على قلبي هو و صاحبتوو تسلم ايدك أختي دمشقية على هالأكلة جربتها وطلعت طيبة كتير كتير بس بقدر أعرف اذا كان لازم نقشر الفول متل مو ظاهر بالصورة ولا الفول اللي عندك بيجوز قشرتو قاسية وفي كمان أكلة بالفول منعملها بالشام قريبة جدا لهالوصفة اسمها فولية نفس الطريقة بس منقلي الفول أول بالسمنة بعدين نكون سالقين لحمة غنم شقف نضعها مع المرقة فوق الفول ونتركها تغلي على نار هادية وقريب ماتستوي نضع السلق المفروم والتوم عالبارد ونتركها تتسبك شوي ويقدم الى جانبها رز بشعيرية يمي شو طيبة

7  الكاتب منى, on 31-01-2009 07:47 هلا ميوسة   الله يخليلي ياكي و ربي يديم المحبة و المعروف دايما .    الصراحة ما بعرف شو اصولها لهل الاكلة و هلا بعد سؤالك انتبهت ان ما في فول مقشر في الوصفة ان شاء الله تشوف دمدومة الوصفة و تجاوب عن اسئلتنا     هي الفولية الي ذكرتيها كتيررر طيبة , و تغير عن الفولية الي نعملها بحلب ان شاء الله وقت الفول ببقى بنزلهم هنن التنتين

8  الكاتب منى, on 31-01-2009 18:32 هلا ميادة   الله يسلمك اختي و يحفظك بحفظه يا حق , القيمق طريقته ما بعرفه تمام , بس ممكن القشطة الي بتتحضر بالبيت , مو متل القيمق اكيد بس بتسد للكنافة و القطايف و غيره و هي وصفتها

9  الكاتب الدمشقية, on 02-02-2009 08:42 حبيبتي منى ألف صحة وهنا على قلبك وقلب عيلتك يا رب  فرحت كتير إنها عجبتك  حبيبتي بالنسبة للفول والله نحن بنعمله من دون تقشير يمكن لأن بيكون طري والقشرة طرية يعني ما بتأثر بالأكل أبداً.

10  الكاتب الدمشقية, on 02-02-2009 08:42 أختي غيث إن شاء الله بتجربيها وبتعجبك بغذن الله

11  الكاتب الدمشقية, on 02-02-2009 08:43 أختي muna فرحت إنها عجبتك وإن شاء الله بتعجبك طعمتها

12  الكاتب الدمشقية, on 02-02-2009 08:44 أما حبيبتي منى عن الفولية فبعرفها بس ما بنطبخها بالبيت لأننا كلنا ما منحبها

13  الكاتب منى, on 02-02-2009 12:08 هن بينادوا يا حيف على حق اللحمة يا فول مع ان انا كتيررر بحبها     معناها غلطت بالتطبيق , ان شاء الله بوقت الفول برجع بسويها و تكون على اصولها

15  الكاتب منى, on 12-02-2009 09:47 خليلي عينك دمدومة , ان شاء الله رح اعملها أكيد سلم دياتك حبيبتي

16  الكاتب ام عمر, on 25-03-2009 00:06 اختي منى تسلم ايدك يا رب   ممكن تعكيني طريقة سلطة السلق الله يكرمك يا رب   عندي سلق وحابة جرب هالسلطة كتير قالوا لي عنها انها طيبة وقالولي ياها بس نسيتها بس رجعت لهون ههههههههههههههههه   مستنيتك

17  الكاتب منى, on 26-03-2009 12:19 هلا ام عمر   بالسلق ممكن تعملي سلطتين , اما باللبن أو الطحينة , المهم بتسلق السلق و بتخليه ليضفى منيح . بعدها بتبليه اما بلبن مع توم و نعناع و ملعقة طحينة أو بطحينة و ليمون و ثوم و كمان نعناع , و ممكن تبليها بس بالليمون و فليلفة حمراء و زيت و نعناع يا ترى ايا سلطة انت بتقصديها

19  الكاتب منى, on 26-03-2009 20:22 ان شاء الله تجربيهم و يعجبوكي و الف هنا و عافية مقدما

20  الكاتب ام عمر, on 12-04-2009 13:02 اخت منى بدي اسالك ليش الفول بيحمر معي بالطبخ قصدي الفول مقلى

21  الكاتب منى, on 16-04-2009 19:01 هلا ام عمر   متل ما ذكرت دمشقية , اضافة الملخح باول الطبخ هو الي رح يغير لون الفول , لا تزعلي مني و الله مشغولة كتير و ما بقيت فاضية متل الأول و حاسة حالي مقصرة كومايات

22  الكاتب ام عمر, on 18-04-2009 16:27 انت لا تاخذيني بصلتي دائما محروقةةةةةةة   بس كنت بدي اطبخو وقال زةجي لو طلع احمر ما رح اكلو   منشان هيك طوشت رايك باسئلتي   المهم تسلم ايدك يا رب والله يبارك لك بوقتك وتفضيلنا متل اول

23  الكاتب منى, on 18-04-2009 20:41 خليلي عينك يا ام عمر , الله يسلمي ياكي على هل الدعوات الغالية و ان شاء الله بيطلع لون الفولات على زووء الباشا

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved