سبانخ بالزيت


         وصفة : منى                 2008/12/15                 16 تعليقات
سبانخ بالزيت
كيلو سبانخ
5 ملعقة كبيرة زيت زيتون
حبة كبيرة بصل مفروم ناعماً
نصف كوب عصير رمان أو عصير ليمون حسب المتوفر
ملح و رشة بهار مشكل
جوز مفروم

للتزيين :

حبات من فرط الرمان ( اختياري )





• ينظف السبانخ من الأوراق الصفراء و يفرم ناعماً و تغسل .

• يقلب البصل بالزيت حتى يطرى ثم يضاف السبانخ و يقلب على نار متوسطة لمدة 10 دقائق .

• يضاف عصير الرمان أو الليمون مع الملح و البهار مع القليل من الماء و يترك السبانخ حتى ينضج و يجف كل الماء لمدة ربع ساعة تقريباً . يمكن أيضاً استعمال القليل من دبس الرمان المذوب بالماء .

• يضاف الجوز و يقلب حتى يمتزج مع السبانخ ثم يسكب في طبق التقديم و يزين بالرمان و يقدم بارداً أو ساخناً مع الخبز العربي و الزيتون الأخضر أو مع المخلل .




  • وصفات تانية ممكن تعجبك


التعليقات

  1. الدمشقية 15 December 2008

    لذذذذذذذذذذذذذذذذيذة جداً وأنا بحبها كتييييييير بس ما بحط الليمون أو حمص الرمان عند الطبخ بحطه فوق الصحن وقت الأكل :zzz والجوز والومان للزي وقت التقديم:zzz وبالأخير لما بتستوي بنحط ثوم:upset
    وما أظرفها إذا عملتيها سندويش بالسخانة أو على الصوبا يمممممممممم :eek
    تسم ايدك يا أحلى منى

  2. muna.g.7 15 December 2008

    معاكي حق اختي منى بعدالعيد ولحمة العيد وحلويات العيد السعيد نحتاج اكلات خفيفة لذيذة وانتي ابدعتي بمهرجان الالوان الحلوةوالطعم اللي يسيل الريق

  3. kuwaiti_girl 16 December 2008

    منمن عزيزتي الغاااليه

    تسلم ايدك على هالطبق .. صورته بتطير العقل
    ان شاء الله بعد ما بخلص شغلي بمر اشتري سبانخ طازج ورمان واعملها اليوم

    يا اختي الغاليه ما شاء الله عليك دائما مبدعه

    بس سؤال استفساري.. شنو القباوات ؟ :upset

  4. abeer 16 December 2008

    رائعة بالشكل والطعم الله يعطيك العافية على هالطبق

  5. سلاف 16 December 2008

    منى وين غاطه صرلك كم يوم؟؟؟ ان شاء الله المانع خير يارب
    منظر صحن السبانخ بشهي00 وانا عندي السبانخ من أوائل الاكلات اللي بموت فيهايسلم ايديكي منى انا بحط رمان بس ولا مره خطرلي جوز مع السبانخ
    رح جربه ان شاء الله
    على سيرة القباوات ايمت رح تنزلي وصفتهن انا ولا مره جربتهن بس بدك الحقيقه هنن طيبات عندي بنت سلفتي ماشاء الله عليها شاطره فيهن كل سنه لازم تعزمنا عليهن هنن مابيتاكلو من تحت أي ايد منشان هيك
    ناطرين الوصفه من تحت اديكي منى :zzz
    والله اشتقت لوجدودك بالموقع لاتغطي كتيــــــــر :?

  6. BaSmAa 16 December 2008

    ماشاء الله تسلم الايادي أختنا وغاليتنا منى
    طبق سبانخ بشهي ولذيذ جدا
    شكرا لك :)

  7. منى 16 December 2008

    هلا دمدومة :)
    مم , اكيد كمان بتطلع طيبة بطريقتك , متل ما بيقولوا كل الطرق تؤدي للسبانخ الحامض :zzz

    بس هي السندويشات اول مرة أعرفها و شو قصدك بالصويا 8)

  8. منى 16 December 2008

    هلا منونة :)
    هادا بس من زووءك يا قمر , ان شاء الله تجربيها و تكون متل ما بتحبي

  9. منى 16 December 2008

    هلا كوكو :)
    ان شاء الله تجربيها و تحبيها أختي , انا بحبهااا كتير

    القباوات هنن الفوارغ المحشية بالرز و اللحمة و الحمص و البهار و بعدها تربط بخيط لحتى تصير قطع قطع و تربط بالخيط بين كل قطعة و قطعة و بالخير تطبخ بالماء و بس ما تستوي تقلى بالسمنة لحتى تقرمش , طبق طيب كتير للي بياكل من الفوارغ ;) ان شاء الله نزله لما بيصحلي

  10. منى 16 December 2008

    هلا عبورة :)
    الله يعافيكي و يخليك , كلك زووء

  11. haya 16 December 2008

    مرحبا منى تسلم ايدك على الطبق الشهي مثل ما قلت بعدالعيد الواحد بدو اكلات بعيدة عن اللحوم والدجاج وانا عملت هذه السبانخ بنفس الطريقة ما عدا الرمان وعصير الرمان انا بحط الليمون وقت الاكل بيطلع كثييير طيب وعن جد اكله
    كلها فوائد ومغذية

  12. الدمشقية 17 December 2008

    حبيبتي قصدي على المدفئة :grin يعني عم تتعشي وبتلفي السندويش وفوراً بستخنيها على المدفئة وبتاكلي تازة :zzz وممكن كمان تسخنيها على السخانة ;) ونفس الشي مع الخبيزة ;)

  13. منى 17 December 2008

    هلا بسومة حبيبتي :)
    هادا بس من زووءك يا قمر, الشكر الك لتواجدك و ردودك في الموقع ;)

  14. منى 17 December 2008

    هلا سلوفة :)
    و الله مو غاطة , بس لسا مسترخية بعد العيد و ما عم أدخل للمطبخ متل العادة :zzz
    تكرم عيونك على وصفة القباوات , خليلي عينك سلوفة , الحقيني هلا على وصفة مربى القرعة الي واعدتك فيها من ألف سنة :grin

  15. منى 17 December 2008

    هلا هيا :)
    الله يسلمك يا قمر
    ممم , صار لازم جربها بهل الطريقة , قصدي ان ضيف عليها الحمض وقت الأكل .
    ممممممم فرط ريقي :zzz

  16. منى 17 December 2008

    هلا دمدومة :)
    و الله فكرت شي اله علاقة بالصويا صوص :grin
    أكيد بتججن على الصوبا , ما أحلى لمة العيلة بهل الشتوية ;)

تقييم الوصفة
عاديةقد أحضرهاجيدةممتازةأكثر من رائعة (No Ratings Yet)