L2ma.com | لقمة طيبة | L2ma.com | لقمة طيبة | بسمشكات ( شرحات ملفوفة ) | · , حتى, المرق, البسمشكات, ملعقة | L2ma.com

القائمة الرئيسية

الأكثر تصفحاً

بسمشكات ( شرحات ملفوفة )

الكاتب/ منى

31/03/2007

كيلو شرحات بقر أو عجل
فنجان صغير خل
2 – 3 ملعقة كبيرة سمنة
500 غ لحمة مفرومة مرتان
ملعقة صغيرة بهارات مشكلة
صنوبر محمص
6 كوب مرق
3 – 4 ملعقة كبيرة رب البندورة ( اختياري )
خيوط قطنية
جزرة صغيرة مفرومة ناعماً
حبة بصل
القليل من الفطر المفروم ناعماً
direction

·          توضع الشرحات بين ورقتان نايلون سميكتان ثم تدق بالمطرقة الخاصة باللحوم بشكل لطيف أو يطلب من اللحام القيام بهذه الخطوة ثم تنقع الشرحات بالخل لمدة ساعتان تقريباً .

·          تقلي البصلة و الجزرة و الفطر بالسمنة و تقلب حتى تطرى ثم يبعد القدر عن النار و تترك حتى تبرد بعدها تضاف اللحمة و الصنوبر المحمص و تتبل بالملح و البهار و تدعك الحشوة جيدا بعدها أصبحت الحشوة جاهزة .

·         تفرد شرحة من شرائح اللحم و توضع ملعقة من الحشوة على أحد أطرافها ثم يطبق طرفاها للحصول على جيب صغير ثم يخاط طرفا الجيب , تكرر العملية حتى تنتهي لديك كل كمية الشرحات.

·          تذوب السمنة على نار قوية في وعاء كبير ثم تضاف نصف شرحات اللحمة المخاطة و تقلب حتى تتلون بشكل جميل من الطرفين و يجف المرق الذي خرج منها ثم ترفع و يضاف القسم الثاني و يقلى بنفس الطريقة .

·          يضاف رب البندورة لنفس القدر الذي حمرت فيه البسمشكات في حال استعماله و تقلب لمدة دقيقة أو دقيقتين بالسمنة ثم يضاف المرق و الملح و رشة بهار و تترك الصلصة حتى تغلي .

·          بعد أن يغلي المرق تضاف قطع اللحمة و تترك على النار لمدة ساعة تقريباً أو حتى تنضج البسمشكات و تتسبك الصلصة , يضاف المزيد من الماء الساخن إذا دعت الحاجة .

·          ترفع قطع البسمشكات من المرق ثم يسحب طرف الخيط لإزالته .
تسكب البسمشكات في طبق التقديم و تقدم ساخنة مع المرق و الأرز الأبيض أو الأرز بالشعيرية أو مع البطاطا البيوريه .

أفكار سريعة :

·          لاختصار الوقت , يمكن طبخ البسمشكات في طنجرة الضغط .

·          يمكن استبدال الصنوبر بالفستق الحلبي .

أضافة إلى المفضلة (3) |

أقتباس | مشاهدات : 6793

تعليقات (13)

1 الكاتب منامينو, on 13-11-2008 11:42
الله يا منى، تسلمي تسلمي، من زمان والله بسمع بالبسمشكات وما بعرف شو هي. وأخيرا.. أما طلعت شي حلو كتير ومحرزة إنه الواحد يجربها. يعني شي مفتخر عن جد ومش تقليدي.. تسلم هالأيادي يا رب، ومنكم نستفيد يا حلو

2 الكاتب منى, on 13-11-2008 14:38
يا ستي كلامك صح , هي الوصفةلو ااقعد أكل منها ما بشبع :zzz

الله يخليك و يسلمك يا قمر و ان شاء الله تجربيها و تعجبك

3 الكاتب سارونات, on 04-12-2008 19:37
السلام عليكم و رحمة الله و بركاته
عن جد وصفة مختلفة كتير و مميزة
بدي اسأل اذا فينا نستغني نهائيا عن الصنوبر يعني بتضلها طيبة او لا
و عندي طلب اذا ممكن ان شاء الله بس تساويها لهالوصفة تحطي صور توضيحية مشان تصير اسهل
عيدك مبارك و كل عام و انت بخير مقدما و الله يعيده عليك و على الامة الاسلاميةجمعاء باليمن و البركات
بالتوفيق
سلام

4 الكاتب منى, on 05-12-2008 08:30
هلا سارونات

و انت ان شاء الله و كل عيلتك و حبايبك

ممكن تستغني عن الصنوبر و بتبقى طيبة اكيد و ان شاء الله اكيد هل الوصفة لازملها صور بالتفصيل

5 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 10-01-2009 23:38
مرحبا اخت منى
انا عايشة باميركا و عجبتني وصفاتك للاكل و ذكرتني باكلات بحبها و ما كنت بعرف ساويها

سؤالي: انت ذكرت ان بطبخة البسمشكات نخيط شرحة اللحمة من طرفيها للحصول على جيب صغير. اذا خيطناها من طرفين فقط فالحشوة بتطلع من الطرف الثالث كيف هيك؟؟
و كم طول الشرحة تبع اللحمة. و شكرا الك

6 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 11-01-2009 18:30
مرحبا اختي منى.انا بعرف انو عندك شغل غير الرد على اسئلتي بس اكلك الطيب بيخليني اسأل.سؤالي انو شرحه البسمشكات بتكون طويله ياترى نقسمها بالنص ونحشيها.وكمان نحشيها بالطول ام بالعرض.وشكرا الك لانك عم تذكرينا باكلاتنا.والله يحميكي

7 الكاتب منى, on 12-01-2009 09:48
هلا فيك اختي و نورتي و نور الموقع بأخت جديدة و غالية

الله يسامحك يا اختي و الله متل ما قلتي , هلا الاولاد امتحانات و مشغولة شوية و أسئلتك على العين قبل الراس

معك حق هي الخطوة لازمها تصوير , اتخيلي انك عم تطوي الشرحة على الحشوة و بعدها بتخيطي و بتسدي كل الاطراف حواليها , الحجم مختلف ممكن يكون في قطع كبيرة و تانية وسط و كله بيزبط , بس اكيد لو بتكون الاحجام كلها قريبة لبعض بيكون أحلى

الشرحة تحطيها بالطول و تصفي الحشوة عليها على جانب واحد و بعدهاتردي الطرف التاني فوق الحشوة و تخيطي طل الاطراف لتسديها

اي سؤال تاني انا تحت الامر أختي

8 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 12-01-2009 16:53
مرحبا اخت منى .الله يقويكي وتشوفي اولادك متل مابتتمني
.شكرا على شرحك وطوله بالك

9 وصفة غير شكل فعلا
الكاتب روح الجمان, on 05-05-2009 17:31
راااااااااااائعة جدا لكن فعلا أضم صوتي للأخوات المطالبات بالصور خاصة وأنني لم أرى الطبق من قبل في حياتي للأسف :cry

ومع قولك أنك لا تشبعين منه اشتهيته أكثر وأكثر :zzz

نعلم أننا نثقل عليك لكن اللي يدخل هون لابد يتعلم الطمع ونحنا طمااااااااااااعين كتيير حبوبتنا :grin

10 الكاتب منى, on 05-05-2009 18:26
هلا جمان

تكرم عيونك و عيون الأخوات ان شاء الله أحضررها قريب لحتى تكون كل الخطوات واضحة و يا ستي اذا هيك الطمع بيكون ما اطيبه :grin

قصدي يااا محلاه

11 شكلها طيبة
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 25-09-2010 05:59
السلام عليكم ورحمة الله

منى هي مو بتشبه الكويسات ؟

بس كأن الكويسات بيحطولها رز ؟

بزمانو من كم سنة لسه لما كنت ببيت أهلي تذكرت رفقاتي بحلب كانوا يحكولي عن الكويسات واشتهيت بالعيد اعملها :zzz

دورت بكتب الطبخ العربية يلي عندي وبالنيت ما لقيت :grin

بعد ما تقريبا يئست لقيت كتاب الطبخ الحلبي كان واقع ورا الخزانة ... وبعدها صرت دايما اعملو لأهلي واخواتي بالعيد لنتذكر شوي الجو بسوريا

.
بس بحب شوف طريقتك فيها لو سمحتي.

والسلام عليكم

12 الكاتب منى, on 25-09-2010 09:54
ما كتير بتشبهها , بس التنتين طيبيين و فخميين

الكويسات بيحطولها رز بس انا ما بحب حطلها . لان مو منقدمها مع رز و ما بحب حط بقلبها رز كمان .

ان شاء الله بحط طريقتي بالكويسات

13 الكاتب hajar, on 26-11-2010 15:05
هالاكلة كانت من اوائل الوصفات الي جربتها بالموقع حضرتا لبابا بعزيمة لرفقاتو وكانت كتير طيبة صار حضرتها اكتر من 6 مرات وكل مرة اطيب من الي قبلها بس انا كل مرة بعملها بصوص مختلف اما بصوص خضار بندورة وبصل ورب بندورة ومرق او متل ما اخر مرة حضرتها ضفت للشرحات مرق ومنكهات وخليتهم لحتى نضجو وبالاخير انا عندي جريفي صوص جاهز معلب على شكل معجون ضفتو الهن وتركتهم لحتى يغلو شوي ويسمك الصوص وبالاخير قدمتهم مع خضار سوتيه وبطاطا بيوريه ورز مفلفل صاروا بيشبهو الروستو بس بشرحات ملفوفة طولت بالحكي كتير بس حبيت قلك انو رائعة واشكرك سلام

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 19/04/2008 )

< السابق		التالى >

[ عودة ]