L2ma.com | لقمة طيبة | L2ma.com | لقمة طيبة | متبل اليقطين بالطحينة | · , اليقطين, جيدا , عصير, متبل | L2ma.com

القائمة الرئيسية

متبل اليقطين بالطحينة

الكاتب/ souha

27/11/2008

متبل اليقطين بالطحينة

متبل لذيذ و خفيف و سهل التحضير ,تغيير شكل عن متبل الباذنجان و الكوسا . إن شاء الله ينال إعجابكم و ألف صحة و هنا

1 كيلو يقطين أصفر
نصف كوب عصير ليمون
4 فصوص ثوم
نصف ملعقة طعام ملح أو أقل
نصف كوب طحينة
بقدونس للتزيين
ØÑíÞÉ ÇáÊÍÖíÑ

·          يقشر اليقطين و ينظف قلبه من البذور و يقطع قطعا صغيرة .

·          يسلق على النار مدة 40 دقيقة أو حتى يستوي .

·          يصفى اليقطين جيدا و يترك يبرد ثم يضغط عليه باليد لتصفى مائه.

·          يهرس بطاحونة الخضار و تضاف إليه الطحينة و يحرك جيدا .

·          يدق الثوم مع الملح و يضاف إليهما عصير الحامض و تخلط المواد جيدا .

·          يضاف الخليط إلى اليقطين و يحرك .

·          يوضع في طبق و يزين بالبقدونس و الفليفلة الحمراء و الكمون .

أضافة إلى المفضلة (0) |

أقتباس | مشاهدات : 2811

تعليقات (19)

1 الكاتب منامينو, on 29-11-2008 06:10
هلا souha

يسلمو إيديكي على هالمتبل الغير شكل. وصفة حلوة وفكرة جديدة عن جد.

بس شو رأيكو بدل ما نسلق اليقطين، نشويه؟؟ عشان يظل محتفظ بفوائده. خصوصا إنه اليقطين إله فوايد كتيرة حرام تروح بالماء عالفاضي. شو رأيكو؟

ممكن؟؟

2 الكاتب منى, on 29-11-2008 10:44
سلم دياك سهى , هل المتبل و طريقة تزينك اله رح يخليني انزل في الصحن و ما ااقوم من ادامه لحت قشطه :grin

سلم دياتك و على التجربة القريبة باذن الله

3 الكاتب souha, on 29-11-2008 21:04
هلا منامينو

تسلمي حبيبتي هادا بس من زوءك و من بعض ما عندكم هلأ بيخطرلي فينا نشوي خاصة إنو اليقطين لما بتسلقي بيشرب ماء كتير و لازم تعصري كتير منيح حتى ما تزيد كمية الماء في الوصفة و إنشاء الله صحة و هنا على قلب الكل

4 الكاتب souha, on 29-11-2008 21:08
هلا منونة :zzz

يا ستي حق معك لأنو لما عملت هل المتبل خلص بنفس اليوم على إيدين أخوي طبعا صحة و هنا و الأحلى من هيك لما كنت عم أكتب و صفة الكاتو باليقطين يمزح معي و يقلي حاج تكذبي ع الناس و تاني يوم سألني وين الكاتو خلص ؟! أنا ما دقتو :grin

5 الكاتب منى, on 30-11-2008 06:23
:grin

كان أخوكي بيشبه ناس بعرفهن كتير

هنا و عوافي على قلب الكل و هي على راس الوصفات الي رح جربها اذا الله راد

6 الكاتب الدمشقية, on 30-11-2008 08:37
بالفعل طيب

يمكن لأني بحب اليقطين وهذا المبتبل بنعمله كتير
سلم ايديكي يا حلوة

7 الكاتب souha, on 30-11-2008 12:33
هلا أختي الدمشقية

أنا كمان بتشكرك كتير على الكلمات الحلوة و الألوان الجذابة و خاصة الوردات أنا كتير بحب الورد

و انت شفتي الوصفة حلوة لأنو عيونك حلوة

8 الكاتب سلاف, on 01-12-2008 12:01
يسلموووو سهى فكره حلوه وبعد تجربتي لمتبل البطاطا والكوسا اكتشفت انه كل المتبلات رح تكون طيبه شو ماكان نوع الخضار وباليقطين شيئ بشهي رح جربه ان شاء الله شكله بيفتح النفس يسلم ايديكي يارب

9 الكاتب souha, on 01-12-2008 12:30
هلا سلاف

الله يسلمك حبيبتي أنا كمان بشوف كل المتبلات طيبة يمكن لأنو فيهن ثوم و طحينة هالمكونات بتعطي طعمة طيبة كتير ياريت تجربي و تقوليلي رأيك بعد التجربة و إنشاء الله صحة و هنا

10 الكاتب ام نور, on 01-12-2008 17:30
سلم هالديات اخت سهى كتير فكرة حلوة وتزين الصحن ملفت لا النظر وعجبتني فكرة منامينو بالشوي اذا بينشوا يا ريت تقوليلنا كيف لان بيكون مفيد اكتر الله يبارك فيكي

11 هلا أم نور
الكاتب souha, on 02-12-2008 12:01
السلام عليكم

تسلمي أختي أم نور كلك زوء بتمنى إنك تجربي هالطبق و كمان كفتة اليقطين و إنشاء بيعجبك
بصراحة أنا ما جربت أشوي اليقطين بس انتبهت إنو الأخت لارامينا باعته أكلة قطع اليقطين المشوية و كاتبة إنو بتحطيها بصينية مدهونة زبدة و بتحطيها بالفرن لحتى تستوي و بتهرسيها فيكي تفوتي ع الوصفة و تشوفيها كمان وصفة باينتها طيبة كتير الله يعطيها العافية

12 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 03-12-2008 19:19
هلا اخت سهى او اذا بتحبي بناديك سوسو كان لي رفيقة قريبة كثير منى وبحبها كثير اسمها سهى مثل اسمك

تسلم ايديك على هالوصفة انا بحبها وبعملها كمان كانت الوالدة تعملها لنا وانا تعلمتها منها شكرا الك

13 الكاتب souha, on 04-12-2008 20:26
هلا أخت هيا

كيفك
أكيد بحب تناديني سوسو ع فكرة العيلة كله و القرايبين بينادوني سوسو إلا أمي صارت تناديني سها يمكن شافتني كبرت شوي و عبت مركزي :grin

و إنت كمان إسمك حلو أنا بحب الأسماء إلي من 3 أحرف
ياستي صخة و هنا و الله يخليلك و الدتك و أنا كمان بتشكرك ع الكلمات الحلوة كلك زوء

14 الكاتب سارونات, on 05-12-2008 19:37
السلام عليكم و رحمة الله و بركاته
وصفة كتير حلوة و الصورة عم تحكي و الالوان بتجنن و اضافة شرائح الليمون كتير مميزة
بدي اسأل هل لازم يقطين اصفر يعني انا شفتو بينباع برتقالي فهل ينفع او لا
بالتوفيق
سلام

15 الكاتب souha, on 06-12-2008 21:18
هلا أخت سارونات

بتعرفي إنو و لامرة حكينا مع بعض لكن بدي إلك (إني أحبك في الله )كل ما بكون عم أتصفح وصفات من الموقع و بشوف تعليق إليك بقرا و بحس تعليقاتك ظريفة كتير و بقول لحالي قبل ما إسأل منى بشوف أسإلتك

يا ستي نحنا بسورية ما عنا إلا نوع واحد لليقطين هو اليقطين الأصفر و بيكون إما عدي أو سقي و الإتنين بيزبطو أما القرع البرتقالي ما عنا منو أنا ما بعرف بأي دولة إنت عايشة لكن حسب ما فهمت من الأخت أم نور إنو في نوع بيسموه قرع عسلي و هدا النوع بيدوب بسرعة يعني ما بيزبط معنا فحاولي تجيبي أي نوع يقطين يكون ما بيدوب في السلق إنشاء الله أكون حسنت فيدك
سلام :zzz

16 الكاتب سارونات, on 09-12-2008 15:13
السلام عليكم و رحمة الله و بركاته
الله يخليل ياكي اختي سهالو بتعرفي قديش فرحني ردك في فترة كنت زعلانة فيها بس بعد ما قريت اللي كتبتيه انت و كمان اختي لارا مينا بعد ما كانت الدمعة عالخد انمسحت و صارت الابتسامة فيها شبرين من كتر الفرحة :grin

و انا كمان احبكم في الله و الله يخليلي ياكم و ما يحرمني منكم ابدا
بالتوفيق
سلام

17 الكاتب kuwaiti_girl, on 15-12-2008 06:16
تسلم ايدك هالطبق عجبني كثير
وجابه اجربه ان شاء الله
وصوت لك ونسيت اصوت لطبقي ههههه
بس تستاهلين

18 الكاتب ام عمر, on 20-02-2009 21:32
تسلم ايدك بس مافي صور؟؟؟؟

19 الكاتب منى, on 21-02-2009 12:38
ضهرت الصورة عندك اختي أو ارجع حملها ؟

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 21/02/2009 )

< السابق		التالى >

[ عودة ]