مسقعة البقطين

كمان تابع لمهرجان اليقطين , وصفة سهلة و طيبة و كتير مشهورة بحلب , كل ما أسأل واحدة من رفقاتي عن وصفة باليقطين تعلمني هل الوصفة . يمكن الكل بيحبها لأن فيها شي بيشبه شيخ المحشي بكر , من حشوة لحمة و بقدونس .

ملاحظة صغيرة ان الستات الكبارية لما تحضر هل الوصفة , و غير وصفات كمان , بتقلي اليقطين بالدهنة , و مع انها فكرة صارت هلأ مستهجنة ,أقصد استعمال الدهن بالأكل , بس لو فكرنا فيها شوي يمكن يطلع أن الدهن أفضل من السمنة بشي واحد : أنها مواد طبيعية ما في الها إضافات و مواد حافظة . بس هي بس فكرة لأن أنا لو رح موت مو ممكن أستعمل دهن بالأكل .

بالصحة و الهنا

باقة صغيرة بقدونس مفروم
ملعقة كبيرة سمنة
ملح

تعليقات (13)

2  الكاتب منى, on 24-11-2008 11:31 من عيوني التنتين حبيبتي رح ساوي مربى و قبل ما حضره ببقى بصورلك اليقطينة

4  الكاتب منى, on 24-11-2008 13:25 ما شء الله الله يديم عليه الصحة و العافية أختي   نحنا بيت اهلي بحياتي ما كنا نعمله , بس لما سمعت انه مذكور بالسنة صرنا ناكله .  ان شاء الله تجربي الوصفات و تعجبك و لا تنسي تخبريني

5  الكاتب سلاف, on 24-11-2008 14:38 يسلم ايديكي منى باين من الصوره انها طيبه كتير على قولة المتل العين بتاكل   اليوم اكلنا قرع00  بعد يومين ان شاء الله بجربها بس ناطره تعملي المربى بدي اسألك منشان جهز حالي للمربى اذا كنتي بتنقعي القرع بالكلس بصير الكلس المطحون أولاء ؟؟؟؟؟ لأن هون مافي غير مطحون اذا مابصير منشان خلي ماما تبعتلي من سوريا كتير مشتهييه عليه هو من الذ انواع المربيات عندي  بتعرفي منى اهلي كانو هون ومن 3 سنين تقريبا توفى بابا الله يرحمه وسافور سوريا نهائي بقى كنت مدلله شو مااشتهي فورا عند ماما وخصوصا الاكلات الصعبه بس هلا صرلي سنتين الا شوي زوجي هالكني بالمطبخ يعني 5 سنين تقريبا زواج بدك تقولي صرلي سنتين الا شوي بشتغل كل شيئ صعب وسهل بس للأسف شفت موقعك متاخره كنت كل مابدي وصفه فورا اتصل عسوريا واسأل ماما شلوون بتنطبخ  الله يخليلي ياكي منى كتير ساعدتيني بأكلاتك ومطبخك عنجد كلمة شكرا قليله كتير عليكي 00 الله يجزاكي الجنه يارب ويسعدك دنيا واخره

7  الكاتب منى, on 25-11-2008 17:59 هلا سلاف   الله يسلمك حبيبتي هادا بس من زووءك   هنا و عافية على القرع الي اكلتوه اليوم   المربى ما بيصير تستعملي الكلس البودرة , نوو   خلي ماما تبعتلك شوي احسن ,     لا متاخرة و لا شي المهم نورتي الموقع حبيبتي , و كتير انبسطت انك عم تستفيدي منه   هي الدعوات الغالية بتسوى عندي الدنيا و ما فيها و الله , خليلي عينك ادعيلي كمان و ان شاء الله الك كمان بالمثل     يلا هل الاسبوع رح نزل الوصفة بالتفصيل و رح حضرها انا و حماتي لان هي اشطر مني اكيد

8  الكاتب منى, on 25-11-2008 18:07 هلا سمسومة   في وصفات كتير عندي بس الصراحة انا مو مجربة منها شي , هلا اكتر الشي حابة جرب الكستنا على الطريقة التركية بيعملوه حلو و طيب ..   ان شاء الله رح جرب وصفات لخاطر عيونك و اكيد ببقى بنزلها

9  الكاتب أم ساطور, on 27-11-2008 07:55 تسلم ايدك ياست منى انا هالاكلة اكلتها مرة وحدة بحياتي عند بيت عمي وعجبتني كتير ومن فترا اتذكرتا وطلبتا من جوزي لانه هلق عنا بالمانيا موسم الهلوين الي بيستعملو فيو اليقتين للزينة وعمل اشكال منها لذلك لازم استغل الفرصة باقرب وقت واعملها

10  الكاتب منى, on 27-11-2008 12:31 هلا ام ساطور   ان شاء الله تجربيها و تطلع متل الي دقتيها عند بيت احماك أو أطيب و لا تنسي تخبريني رايك

12  الكاتب Lost spoon, on 06-11-2011 22:23 Salam Mona and kel sene w ente salmeh,  I was checking this recipe because I have a big pumpkin that was used for Hallowwen and I hated to throw it aweay, soooooooooooo I came up with my own recipe and it was really really good. I did it as we do the egglplant "msaqa3a" but used pumkin instead, with onions, galric, tomatos, and bell peppers with some red pepper paste, it is just great. I'll send you a photo when I serve it for eid dinner tonight

13  الكاتب منى, on 06-11-2011 23:16 مممم يا سلام , عندي شوية ببامكنات , رح جرب وصفتك بس يخلص العيد       شكرا كتير للفكرة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved