وصفتك الحلوة هاي ذكرتيني بفطيرة عملتها من شي سنة بالعجينة "التركية" نفسها اللي عمتحكي عنها، واللي بيعملو فيها البغاشة. أنا أخدت العجينة وعلى رأيك، دخّلت عليها بعض التعديلات العربيةفطلعت النتيجة قريبة من وصفتك بس حشوتها كانت تمر، وهذا الشي اللي تفاجأؤ منه الأتراك عندي لإنه كانت جديدة عليهن من ناحية الشكل ومن ناحية الحشوة.. هون ما بيعرفو معجون التمر، وأساسا التمر هون نادر و بيتلاقى برمضان بس. أما عجبتهن كتير الحمد لله، وعجبت العيلة كمان.
هلأ يا ستي خليني أعطيكي الوصفتين: البغاشة التركية (حشوتها ممكن تكون جبنة بيضا مع بقدونس أو معجون الزيتون الأسود أو أي حشوة ثانية على ذوقك) و فطيرة التمر بالعجينة التركية نفسها على طريقتي. وللأمانة وصفة البغاشة أنا ماخديتها من موقع تركي.
وان شاء الله تعجبك هالوصفات زي ما عجبت الناس هون. وصحة وهنا على قلب الجميع..
مقادير العجينة :
5كوب طحين 1 كوب حليب فاتر 1 ملعقة كبيرة سكر (إذا كانت الحشوة تمر، نزيد السكر قليلا في العجين) 2 ملعقة صغيرة خميرة 1 كوب لبن فاتر 1 كوب زيت زيتون 100 جرام زبدة
للوجه :
صفار بيض
·تخلط الخميرة مع الحليب والسكر ونتركها حتى تتخمر.
·تضاف باقي المقادير و 3.5 كوب طحين فقط و نعجن جيدا. ثم نضيف باقي كمية الطحين بالتدريج مع العجن، و نغطيها و نتركها تتخمر .
·للبغاشة:نأخذ قطعة صغيرة من العجينة و نفردها قليلا براحة اليد ثم نضع مقدار ملعقة من الحشوة في الوسط و نلم العجينة ونكوّرها ونضع الكرات في صينية مدهونة أو على ورق زبدة مع ترك مسافات كافية بين الكرات حتى لا تلتصق معا. وندهن الوجه بصفار البيض.
·لفطيرة التمر: نقسم العجينة إلى قسمين. نفرد القسم الأول على صينية مدهونة، ثم نفردمعجون التمر ونغطي به العجينة بالسماكة المرغوبة، ثم نغطي التمر بالقسم الثاني منالعجينة. وندهن الوجه بصفار البيض.
·نسخن الفرن على حرارة 180 درجة و نخبز الصينية لمدة 25 - 30 دقيقة أو حتى تنضج .
·نخرج الصينية و نتركها حتى تفتر (و نقطع فطيرة التمر ) و نقدمها مع الشاي على الإفطار أو كضيافة .
تعليقات (14)
