ليالي لبنان أكلة سهلة التحضير و لذيذة الطعم حبيت أشارك فيها و إنشاء الله تعحبكم و بالصحة و الهنا

5 كوب حليب
3 ملاعق كبيرة سكر
علبة كريما دانيا
ثلاثة أرباع كوب ماء بارد لخفق الكريما
علبة قشطة نسلة أو (قشطة محضرة في المنزل)
قطر حوالي كوب
موز للتزيين

تعليقات (22)

1  الكاتب dado, on 19-11-2008 14:27 مرحبا منى وكل الصبايا يلي أكيد ما رح يقاوموا الصورة ورح يفوتوا ليشوفوا التفاصيل   كنت مالة كتير بالشغل وجوعانة كتير لأنو صرلي 8 ساعات هون.. قلت أحسن شي أعمل طلة عالموقع "مع إني شفته الصبح " لحتى أخد دفعة معنوية... فتت... وشفت هالشوفة   منظرها كتير بيشهي وأنا بحب الموز كتير وقال يا بعدي عاملة ريجيم   بس خلص... قررت بس إرجع من النادي وخلص رياضة اعملها اليوم المسا...   مع إنو فقس ريجيمي... بس عنجد وصفاتك بيستاهلو  يسلم إيديك

3  الكاتب منى, on 19-11-2008 16:07 سلم دياتك سهى , وصفتي كتير قريبة منها بس باستبدال المي بحليب , و كتير طيبة و منعشة     ألف شكر ليك على الوصفة الطيبة و الصورة الشهية و بانتظار وصفات تانية منك

4  الكاتب souha, on 19-11-2008 20:42 هلا سلاف صحة و هنا مسبقاً و انشاء الله بتعجبك أنا كتير بحس الموز طيب مع القطر و الكريما

5  الكاتب souha, on 19-11-2008 20:50 هلا منى  مشكورة على تنزيل الوصفة طبعا بصير نستبدل المي بحليب ما إنتي أم الطبخ الطيب و فنو   هلأ عندي و صفتين لليقطين بدي جربون مشان المسابقة بس كل يوم برجع من الوظيفة تعبانة بقول بركي بكرا على كل حال الله يمد الجميع بالعافية

6  الكاتب منامينو, on 20-11-2008 07:16 مرحباsouha. يسلمو إيديكي على هالحلو اللي عن جد حلو كتير. بس المشكلة إنه الموز عالوجه بعد شوي راح يتغير لونه. فشو بتقترحي عشان هالشغلة؟؟    حبيبتي منى بدي أنبه لشغلة. الرابط تبع المعكرونة بصلصة البيتزا اللي بالصفحة الرئيسية عمبيوصل بالغلط على غير وصفة!! عمياخدك على وصفة صلصة التوفي كريم . قلت خليني أخبرك عشان التصحيح، خصوصا إنه عجبتني الصورة والإسم بس تفاجأت إنه الوصفة غير .. تسلميلي ما هو كتر الشغل بيخلي الواحد يصير هيك . معلش الله يقويكي..

7  الكاتب منى, on 20-11-2008 07:42 هلا سهى   امين و الله يعطيكي العافية على الوصفة الطيبة و بانتظار وصفات اليقطين

8  الكاتب منى, on 20-11-2008 07:45 هلا منامينو عن جد , هلا رايحة صلح الغلط و الف شكر ليك للتنبيه

9  الكاتب منامينو, on 20-11-2008 09:05 يعطيكي ألف عافية حبيبتي منى. هي المعكرونة بصلصة البيتزا لو دخلتي لها من قسم المعكرونة بتلاقي الوصفة المزبوطة. بس إذا دخلتي لها من الرابط اللي بالصفحة الرئيسية بتلاقي حالك بوصفة صلصة التوفي كريم!! يعني المشكلة بس بالرابط اللي بالصفحة الرئيسية..

10  الكاتب منى, on 20-11-2008 13:46 كنت رح زبط الرابط اام انقطعت الكهرباء و بعدها انشغلت    ان شاء الله هلا بيكون مشي الحال , شكرا حبيبتي

11  الكاتب souha, on 20-11-2008 15:41 هلا منامينو تسلمي حبيبتي على الكلمات الحلوة   مشان الموز بالعادة بعمل الوصفة و قبل التقديم مباشرة بحط الموز هدا إذا كان عندي ضيوف أما غذا كانت الوصفة للعائلة بعيفعا بالبراد بعد ما غطيها بدون موز و بعدين كل واحد بيسكب و بيزين صحنو

15  الكاتب منى, on 25-11-2008 06:17 هلا دالو   الف هنا و عافية على قلبك على الوصفة , و الحمد لله انها زبطت معك و عجبتك , يمكن سهى ما تنتبه فورا على الرد , حبيت قلك هنا لوقت ما تشووف انك جربتيها

16  الكاتب souha, on 03-12-2008 13:12 مية السلاوة دالو   و لا يهمك حياتي أهم شي أنو الطبق عجبك و صحة و هنا على قلبك إنت و عيلتك   أنا أسفة أنو تأخرت بالرد اليوم لحتى شفتو   شو أخبار ريجيمك في نتائج لأنو أنا زايدة كم كيلو و مالي متخذة قرار بالريجيم صايرة شخصيتي ضيعفة قدام الأكل

17  الكاتب dado, on 05-12-2008 11:59 هلا سها..  والله ريجيمي فقس من زمااان.. كل مرة بس بلش .. برجع بضعف.. يعني شو بدي قلك.. قررت ارجع من اربع تيام.. ولما كنت عم اسرح وامرح بالموقع شفت وصفة الكاستردج بالشوكولا.. قمت تمردت على الريجيم وقلت بس هالمرة بعملها.. وبعدين برجع للريجيم "تماما متل ما صار لما شفت وصفتك"  بس المهم إنو الواحد مبسوط وبصحة وعافية .. باكل باكل بعد بروح عالجيم وبركد على أساس احرق.. برجع عالبيت وباكل من جديد

18  الكاتب منى, on 05-12-2008 14:23

19  الكاتب souha, on 06-12-2008 21:40 هلا دالو   يا ستي معك حق وصفات الموقع كلن طيبين و خاصة الحلويات أنا كتير بحب الحلويات   كل ما بنزل ع السوق بتلاقيني يا اشتريت قالب لصنع الكاتو يا سباتيول صايرلي ع قولة أهل حلب سيداوي بالمطبخ   مشان الرجيم بيجي على مهلو أهم شي الصحة و العافية الله يديمها ع الجميع

20  الكاتب الدمشقية, on 21-12-2008 08:41 سهى اكلتك هي كتير طيبة بالفعل وأنا مجربتها بس كمان بلا موز بس إن شاء الله المرة الجاية بدي حط موز بالتزيين سلم ايدك يارب ويقويك  وفعلاً حبيبتي كلنا بنرجع من هالوظيفة خالص كازنا   بس الحمد لله على كل حال

21  الكاتب souha, on 24-12-2008 16:37 هلا دمشقية ياستي جربيها مع الموز ورح تعجبك و تدعيلي   فعلا برجع من الوظيفة خالص كازي و خالص الشحن كمان بس شو بدنا نساوي الله بيعين   سلام

22  الكاتب منى, on 24-12-2008 18:08

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved