L2ma.com | لقمة طيبة | L2ma.com | لقمة طيبة | مناقيش على الطواية | الطواية, عجينة, على, العشر, عندك | L2ma.com

القائمة الرئيسية

الأكثر تصفحاً

مناقيش على الطواية

الكاتب/ منى

11/11/2008

فطاير على الطاير
مناقيش على الطواية

أو متل ما سموها أولادي فطاير على الطاير لأن بثواني بتجهز فطايرك و بتاكليها سخنة و حراقة و يممي ..

أنا استعملت عجينة العشر دقايق و انت فيك تستعمليها أو تستعملي أي عجينة معتمدة عندك

بالصحة و الهنا

عجينة العشر دقائق
زيت زيتون
زعتر
direction

· ترق العجينة لدوائر رقيقة نوعا ما حسب حجم الطواية عندك, تمد اول رقاقة عجين على الطواية و تدهن بزيت الزيتون ثم يرش فوقها الزعتر , و يمكن أن تدهن بحشوة الفليلفة .

· توضع الطواية على نار متوسطة إلى قوية و تترك لبضع دقائق حتى تنضج ثم تقدم المنقوشة فوراً .

أضافة إلى المفضلة (0) |

أقتباس | مشاهدات : 6133

تعليقات (30)

1 الكاتب سلاف, on 11-11-2008 07:38
يسلمو هالايدين منى 00 مافي اطيب من المناقيش انا كمان بعمل البيتزا احيانا متل المناقيش برق العجينه كتير وبحطها بمقلي يكون صفح او كبير شوي على نارهادئه وبعد مايستوي الطرف الاول بقلب العجينه عالطرف التاني وفورا بضيف معلقتين من خلطة البيتزا والجبنه وبتركهادقيقه لتتحمر العجينه من الطرف التاني وعنجد بتطلع بتجنن00 وأحيانا اذا كنت مستعجله بعمل المناقيش على الصامولي مدري شو بسموها بسورياالمهم بفتحه نصين بالطول بحط الخلطه سواء زعتر او فليفله او خلطة بيتزا فوقها الجبنه وبصفهن بالصينيه وبدخلهن الفرن شيئ يتحمروو يعني هي عالسريع اذا مو جاي عبالي لا عجينه ولا شيئ ،،،كمان بيطلعو طيبين شهتيني على مناقيش الزعتر رح قوم ساوي لأولادي عالسريع يفطروووو
شكرا الك منى

2 الكاتب قهوه مُره, on 11-11-2008 11:06
جزاك الله خير...بدي إسألك الطوايه هيي المئلايه..طيب وبئدر إعمل بنفس الطريئه بالجبنه..إنصحيني أية أطيب أنواع الجبنه وشو بضيف إلها..وبالنسبه للزعتر بخلطه مع الزيت ولا أفضل كل واحد لحاله .أفيديني أفادك الله..شكرا لك عزيزتي..بالمناسبه مبروك خطبة أخوكي

3 الكاتب منى, on 11-11-2008 11:28
هلا سلاف

ممم , عملتي البيتزا بنفس الطريقة , يا عيني ليك
رح جربها ما أسهلها البيتزا هيك
الطريقة بالصمون اسمها البيتزا الفرنسية
يلا هنا و عافية على الفطاير و على هل الفطور الطيب , لا تنسي جنبهن كاسة شاي و كمان لا تنسي تحسبي حسابي :zzz

4 الكاتب منى, on 11-11-2008 11:37
هلا أختي قهوة

الله يبراك بعمرك و بدنك و بصحتك

الطواية هي المئلاية بس انا استعمل لهل الوصفة طواية غير لاصقة.
انا ماجربتها بالجبنة بس اتوقع انها بتصير
انا بستعمل جبنة بيضاء عادية و ممكن مزيج من جبنة بيضاء مع حلوة أو جبنة بيضاء مع موتزاريلا
ممكن تضيفي أي شي بيعجبك للجبنة متل نعناع ناشف مع فليلفة أو نعناع أخضر أو بقدونس انت و زووءك
الزعتر انا شفت ان أدهن الفطاير بالزيت و بعدها رشها بالزعتر أسهل بكتير و لا بيزيد عندي من خلطة الزعتر و الزيت

5 الكاتب سلاف, on 11-11-2008 14:17
حسبت حسابك بمنقوشه بس انتي تاخرتي قامو اكلوها الأولاد يامنى :zzz

والله انا ما بعرف شو اسمها البيتزا اللي بتنعمل عالصمون بس دقتها مره وعجبتني الفكره وصرت ساويها 00 بتعرفي اليوم الصبح اتذكر شو بنسمي الصامولي بسوريا وانه اسمه صمون ما بقى اتذكر أبدا والله الغربه نستني شغلات كتييييييييييير
وشكرا على معلومة كبة الارز عراقيه مع اني اكلتها عند وحده لبنانيه وماسألتها شون جنسية هالاكله وناطره مقاديرها منك
اناشاطره بس اكل واذا عجبتني الأكله باخدطريقتها ومابسأل من اي بلد المهم طيبه وبس

شكرا منى

6 الكاتب منى, on 11-11-2008 17:07
ان شاء الله بترجعي سالمة و غانمة من الغربة , ان شاء الله تكوني مبسوطة ..

يلا اذا كانوا الاولاد هنا و الف افية على قلبهن
اي اكيد المهم تكون الاكلة طيبة , بس انا عكسك , بحب انكش الوصفة و اصلها و فصلها

ان شاء الله بنزل الك الوصفة هل الاسبوع اذا الله راد , و عافية مرة تانية على الفطاير

7 الكاتب ام نور, on 12-11-2008 15:40
سبحان الله يا منى هل مناقيش كنت اعملا لما كان فرني خربان كون مشتهية عليا فاعملا بالطواية بس حسا ما بتطلع متل ما تكون مخبوزة بالفرن

8 الكاتب منى, on 13-11-2008 06:47
بتطلع طيبة و الاهم سريعة :zzz

9 الكاتب بدور, on 14-11-2008 12:24
يم يم يم اكتر وصفات بحبها يلي بتكون سهلة وسريعة ومضمونة ان شاء الله بما إني مبتدئة

والمناقيش يا سلام ما اطيبها بكافة انواعها

الله يسلم دياتك الحلوين يا رب كتير حبيت هالوصفة

10 الكاتب منى, on 18-11-2008 11:54
هلا بدورة

الله يسلمك حبيبتي , سهلة ان شاء الله تجربيها و تكون متل ما بتحبي

11 الكاتب الدمشقية, on 24-12-2008 09:35
المناقيش طيبة كتير خصوصاً أني اليوم أنا ورفقاتي بالشغل طلبنا فطاير وشو اجت فطاير

من كتر ما ضحكنا عليها :grin

لأنه بصراحة كان لازم يكتب عليها الله وكيلك كل وحدة لقمة وكل نوع سعره أغلى من التاني :grin

ومثل ما بيقول المثل شر البلية ما يضحك :grin

والله لما بساويها بالبيت بطير عقلهن اهلي بتطلع ظريفة بس شو بدنا نساوي قال اشتهينا بالشغل واشترينها ويمكن بطلنا نشتهي شي :cry

12 الكاتب منى, on 24-12-2008 11:51
و الله معك حق , على هل الغلى الي صاير كل شي عم يصغر و يرق و بعد شوي رح ينمحق :roll

رح اسالك عن محل فطاير طيب بالشام , لان كل ما بشتهي على فطاير و نحنا مسافريين على الشام و بجيب ما بتطلع طيبة متل فطاير حلب , فبقول لحالي باين علي غريبة :grin

13 الكاتب نوارة, on 21-08-2009 21:43
ميمو بس بدي اسألك انتي بتعملي العجينة (العشر دقائق) بنفس المقادير الاصلية ولا بتحطي بدل الماء زيت او حليب لانو حابة اجربها بس بدي اجربها بأطيب طريقة

14 الكاتب منى, on 22-08-2009 11:56
هلا نوار

انا بعملها متل المقادير تمام , احيانا بستبدل نص كاسة مي بنص كاسة لبن و احيانا بستبدل الزيت بالزبدة و سمسومة بتعملها بالحليب , المهم كيف ما عملتيها بتطلع يمم

15 الكاتب الدمشقية, on 07-10-2009 12:16
ربي يخليلي منى وأفكارها يا رب
بالفعل عملتها وطلعت بتاخد العقل
وبنا اختي وخصوصاً (منى) حبتها وطار عقلهم كلهم فيها صغار وكبار

16 الكاتب منى, on 07-10-2009 13:27
هنا و الف الف علة البك و الب القطط الصغيرة و كل الكبار يا رب بكل لقمة

كل سنة و انت و كل عيلتك بخير و سلاامي لمنى :grin

17 الكاتب الدمشقية, on 21-10-2009 13:42
ربي يسلمك ويخليكي
بتعرفي يوم الجمعة الماضية قالتلي مشان الله علميها هالطريقة لماما مشان تساويلنا ياها بالبيت
ربي يخليلي ياكي اختي منى ويكرمك ويعطيكي من عطاه يا رب وانتي وجميع الأخوات بهالموقع

18 الكاتب منى, on 23-10-2009 11:54
ابوس عيونك دمدومة على هل الدعوة الحلوة , ان شاء الله الك متلها و اغلى يا حق و الله يخليلك العيلة كلهم بخير

19 الكاتب رغد غسان علاء الدين, on 17-02-2011 21:32
مممممممممممم بموت عالمناقيش والفطاير وهالقصص بحسها بتجمع صفتين..الحداثة والتجديد وبنفس الوقت ما هيي شي شغل نقنقة..لا شي بيشبّع مية بالمية..يعطيك العافية ميمو..وكمان رح جربها انشالله

20 الكاتب رغد غسان علاء الدين, on 17-02-2011 21:50
عزيزتي منى..يعني منحط شوية زيت بأرض الطواية؟؟ ولا الزيت عالجينة بعد ما انحطت بالطواية ورح نحط الزعتر؟

21 الكاتب منى, on 17-02-2011 21:54
لا رغودة انا ما بدهنها , بس هي ضروري تكون تيفال و العجينة رقيقة شوي و النار متوسطة الى قوية

22 الكاتب رغد غسان علاء الدين, on 18-02-2011 20:43
أوك..عــُلــِم يا جميــل

23 الكاتب رهف, on 24-03-2011 19:20
مسا الخير أختي منى :

شكرا كتير الك بصراحة امبارحة أنقذتيني ماكنت محضرة شي للعشا وقبل مايوصل زوجي عالبيت بربع ساعة كنت فاتحة الموقع وصدفة شفت هالطريقة السهلة والسريعة والطيبة فما ترددت أبدا اني ساويها,كتير طيبة وخصوصا اني محرومة من الفطاير بهولندا تسلم ايديكي

24 الكاتب منى, on 24-03-2011 23:45
صحتين و عوافي رهوفة على البك و البه

صار الك فترة غاطة , ان شاء الله خير :zzz

25 الكاتب رهف, on 26-03-2011 20:26
أنا عبحاول ديما اني أكون موجودة بس عندي 3 أولاد صغار وأخدين كل وقتي
بس ردودك الرائعة بتخليني ديما أفتح الموقع وأقرأ كلماتك يلي بتخلي الواحد عنجد متفائل

26 الكاتب لوليتا, on 20-06-2011 22:42
السلام عليكم ، يعطيكي العافية اخت منى على الوصفات الرائعة، من زمان بتابعكم بس هلق حبيت انضم لكم، و من اولها عندي سؤال ، كيف منرق العجينة، و هل هي رخوة؟؟؟
ارجو افادتي لاني رايحة اجربها هلق.

27 الكاتب منى, on 21-06-2011 19:52
مية هلا فيك رهف

منورة الله يخليلك القطط و تشوفيهن باعلى المراتب يا رب

28 الكاتب منى, on 21-06-2011 20:02
و عليكم السلام و رحمة الله و بركاته , منورة اختي لوليتا

العجينة بتكون مو رخوة , لينة بس متماسكة و ن=ترق بسماكة ااقل من نصف سم

29 الكاتب لوليتا, on 26-06-2011 07:25
ما شاء الله ، جربتها و طلعت بتعقد، تسلم ايدك منى،اليوم اجاني ضيوف فجأة و عملتها و طلعت واو.

30 الكاتب منى, on 26-06-2011 10:22
صحة يا رب

منورة حبيبتي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 21/06/2011 )

< السابق		التالى >

[ عودة ]