شيخ محشي مطبق

 و كمان ممكن تتسمى مسقعة الكوسا أو كوسا شيخ محشي بكر بس شو ما كان  الاسم الوصفة سهلة و طيبة كتير كتير و بتعطينا طعم تقريباً نفس شيخ المحشي بس بطريقة أسهل بكتير ..

ممكن تطبخي الصينية بالمرق و انا هيك بحبها أكتر و ممكن تطبخيها بعصير البندورة و كمان طيبة و تغيير .

بالصحة و الهنا

2 كيلو كوسا
ملعقة سمنة
نصف كيلو لجمة غنم مفرومة
نصف ملعقة صغيرة بهار مشكل
رشة قرفة
باقة بقدونس مفرومة ناعماً
ملح حسب الحاجة
مرق حسب الحاجة

تعليقات (34)

3  الكاتب أم الليث, on 07-11-2008 14:53 أنا كتير بحب هالطبخة    وشكرا على طريقتك السهلة لاني أنا بعملها بالعادة بحفر الكوسا لكن طريقتك سهلة وشهية وإنشالله راح أجربها    مشكورة

6  الكاتب منى, on 08-11-2008 05:35 هلا سمورة   الحمد لله انا باحسن حال و بفضل من الله , الله يسلمك و يخليك و ان شاء الله تجربيها و تكون على زووءك

7  الكاتب منى, on 08-11-2008 05:36 و عليكم افضل السلام و اتم التسليم سارونات   امين اختي , حسبي الله و نعم الوكيل عليهم  اختي المرق الياستعمله مرق سلق لحمة او دجاج , و باذن الله رح ضيف طريقة مرق الخضار   الصينية ما حمرتها , لون الكوسا طالع حلو من القلي , ان شاء الله تجربيها و تكون متل ما بتحبي

8  الكاتب منى, on 08-11-2008 05:37 هلا غيوثة   الله يسلمك و يخليك , و انا اشتقت الك كتير يا عسل , الله يخليلي ياكي يا احلى اخت   منور بوجود هل الخوات الغاليات , و ربي لا بقى يعيدها

9  الكاتب منى, on 08-11-2008 05:38 هلا سلاف   المرق الي استعمله مرق حقيقي من سلق الدجاج أو اللحمة , بعد ما أسلق اللحومات أقسم المرق على أوعية صغيرة و بغطيها منيح و بحخطها في الفريزر حتى وقت ما تلزمني , إذا ما عندي مرقة استخدم ماء و بس لان انا ما كتير بحب استخدام الماجي , ممكن احياناً استخدمها , بس بحالات قليلة كتير

10  الكاتب منامينو, on 08-11-2008 12:27 يسلمو إيديكي منى، كل أكلاتك حلوة وبتشهي، خصوصا لما تكون سهلة هيك .. وواضحة بالصور.. بس يا ترى تفتكري بقدر أضيف معجون طماطم للمرق؟ ولاّ بتطلع شي ثاني ما إله علاقة بهاي الطبخة؟ ... ويسلمو كتير حبيبتي لذوقك وطولة بالك، الله يسلّم هالإيدين يا رب

11  الكاتب منى, on 08-11-2008 13:41 هلا منامينو اكيد بيصير و خصوصا لما ما بيكون عندك عصير بندورة فرش و يتطلع طيبة ..    نورتي اختي

12  الكاتب أم جودي, on 08-11-2008 15:27 شيئ رائع الله يعطيكي ألف عافية ويحفظلك الموقع من الهاكرز جد كنت كتير زعلانه وأنا كل يوم بدخل بس مقصرة بالردود لأنو كنت مضيعة كلمة المرور وإن شاالله الهاكرز ما بيتكرر على الموقع   عندي طلب صغير بدي طريقة السفرجلية على أصولا بالحمة الشقف يمكن موجودة بالموقع وأنا ما شفتا ما بعرف   عل العموم ما بدي أدايئك على مهلك لأنو بدي ياها للعيد وشكراً أختي منى

13  الكاتب منى, on 08-11-2008 16:35 تكرم عيونك ام جودي   الوصفة الي موجودة بالموقع هي لسفرجلية مع اللحمة الكباب , رح نزل الك الكبة السفرجلية قبل العيد اذ الله راد

15  الكاتب منى, on 08-11-2008 19:49 مية هلا أختي   الي صار معك كان عم يصير مع الكل , لان كان في هكر على الموقع , بس هاكر من طراز رفيع متل الي شفتيه   حسبي الله و نعم الوكيل و ان شاء الله لا بقى تنعاد  أختي هل الوصفة تتقدم مع لبن مثوم و تطبخ بمرق عادي , جربيها سهلة و طيبة

16  الكاتب سارونات, on 08-11-2008 21:08 السلام عليكم و رحمة الله و بركاته  تسلميلي اختي منى و ناطرة مرقة الدجاج بالمستقبل ان شاء الله   اختي منى عندي سؤال عن المرقة انا صرت معتمدة طريقتك في سلق اللحم و الدجاج و ناجحة مئة بالمئة الحمد لله بالنسبة لمرق الدجاج عم عبيهابقوالب مكعبات الثلج او بعلب الزبادي الفارغة و فرزها و وقت بدي استعملها عطول بطالعها و كل شي تمام اما سلق اللحمة فالوصفة الوحيدة اللي بسلق فيها اللحمة هي المقلوبة و المرقة اللي بتطلع عقد الرز يعني ما بيظل منها شي و عم احتاج مرق لحمةمشان وصفات تانية بقى شو الحل هل فيني ساوي كمية مرق كبيرة من لحمة المقلوبة او راح تنتزع طعمة اللحمة لما كتر المي و كمان كنت كتير فرحانة عبالي بتنعمل مرقة من لحم الغنم و قلت بدي ساوي منها كتير بالعيد بس عرفت انو ما بتنعمل لان بتطلع طعمتها قوية كتير و ازا انعملت بتكون لاشياء معينة بدها هالطعمة القوية هل هالشي صحيح     بالتوفيق  سلام

17  الكاتب منى, on 09-11-2008 06:05 هلا اختي   لا هل الكلام مو صحيح , ما في اطيب من مرقة سلق اللحمة سواء غنم او بقر , و ممكن تنعمل مرقة طيبة كتير من العظام بس , ان شاء الله بتنزل الطرق كلها

19  الكاتب منى, on 09-11-2008 10:32 ان شاء الله تعجبك , المهم ويها ان ما تكون القطع سميكة , الف شكر ليك على ثقتك في منونة و نور الموقع باحلى اعضاء مرة تانية

20  الكاتب نادين, on 09-11-2008 13:29 السلام عليكم  امممممممممممم  شكلها لذيذة كتير كتير و خصوصا انو ببريطانيا مافي كوسا صغير للحشي وانا بعملها بطريقة مشابهة بس بكمرون بالطنجرة بس على كل الاحوال بدي جربها  يسلمو منى والحمد لله على سلامة الموقع لا تزعلي انشاء الله خير وهاد بياكدلك اديش اشتقنا للموقع و كلنا ناطرين طبخاتك  والله كول الليل مبارح عم اكتب الاكلات خوفا من الانقطاع

21  الكاتب سارونات, on 09-11-2008 15:43 السلام عليكم و رحمة الله و بركاته  هي انا بعد ما قريت ردك من كتر الفرحة الله يفرحك دايما اختي منى و يجازيك الجنة ما عم صدق انو بتنفع لكان راح ساوي كميات كبيييييييييييييرة ان شاء  الله من لحمة العيد و ناطرتك اختي منى تنزلي الطرق كلها و ازا ممكن قبل العيد بكون كتير ممنونة   اختي منى عندي طلب ازا بتقدري بس ازا ما بتقدري راح اتفهم لان عم كتر عليكي بدي ازا فيكي تحطيلنا وصفات للاستفادة من لحم العيد حيث يكون اللحم اساسيا فيها  و الكبدة كمان بدي شي طريقة مميزة ازا فيكي قبل العيد مو ضروري تصوريهم يعني حتى بلا صور و بالمستقبل لما بتساويهم بتحطي الصور ما بعرف ازا بينفع او لا   ناطرة ردك   بالتوفيق  سلام

22  الكاتب أحمد الله, on 11-11-2008 08:05 السلام عليكم ورحمةالله و بركاته    مبروك عودة الموقع اخت منى    تصدقي اني عملت نفس الطريقة لما كنت بسوريا بالمصيف... وصيت على كوسا لشيخ المحشي بس اجتني الحبات كبيرة ..     لكن انا قطعت الكوسا شرائح طولية..سبحان الله    الله يعطيكي الف عافية على افكارك المبتكرة

25  الكاتب منى, on 16-11-2008 18:27 هلا سارونات   ما بعرف و الله كيف راح ردي عليك , ان شاء الله ما تكوني زعلت     من عيوني التنتين أختي و لا يهمك , بنزل الوصفات

26  الكاتب منى, on 16-11-2008 18:31 هلا أختي مغتربة   هنا و الف الف عافية على قلبك و قلب كل العيلة , مية هلا

27  الكاتب بدور, on 16-11-2008 23:11 احم احم   هالوصفة انا كنت اعملها وئت كنت ادرس بالاردن بس بدل بالفرن كنت اطبخون بالطنجرة وانا كتير كتير بحبها بس انت حاطتيلها قرفة هي جديدة علي واكيد بتعطيها نكهة اطيب..  يسلمو كتير ميمو والله يعطيكي الف عافية يارب

28  الكاتب منى, on 19-11-2008 17:31 الله يسلمك يا قمر  فرطيني ضحك على احم احم , هنا و الف صحة على قلبك  و ان شاء الله تجربيهاهيك و تعجبك , رح تكون نفس الطعمة بس شكلها رح يكون أحلى

29  الكاتب سارونات, on 03-12-2008 12:48 السلام عليكم و رحمة الله و بركاته  جازاك الله خيرا اختي منى ساويتها مبارحة و شو طلعت طيبة بس بالاول قطعت الكوسا شرائح رقيقة كتير بس بعدين خليتها اسمك و اكلت الشرائح الرقيقةبالخبز   الكوسالما بتكون مقلية ريحتها كتير حلوة و بتطلعهالريحةكمان بالاخير لما ينضج الطبق  اما مرق الدجاج اللي حطيتو فكان كتيرلهيك بالاخير فرغتو بس اكيد ما انكب الحمد لله نحنا ما منكب شي لانهانعمة ربنا و انما اتغمس بالخبز عقد مانو طيب هالمرق اللي طلع من تمازج مرق الدجاج و الكوسا و اللحمة المفرومة ان شاء الله المرة الجاية بقلل شوي مرق  و كمان شي انا بعد ما قليت الكوسا و شفتها قديش بتتشرب زيت خفت لتطلع ثقيلة بس الحمد لله طلعت خفيفة كتير و كتير طيبة و بنصح الكل يجربوها  ربنا يوفقك و يسهل دربك اختي منى  سلام

30  الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 14-07-2009 19:40 شكلها طيبة بس المشكلة انا بخاف جرب شي جديد وطبق مو متعودين عليه ، رح جرب بكمية قليلة وان شاءالله بيطلع طيب

31  الكاتب منى, on 19-07-2009 12:12 هلا سارونات   عافية و الف الف صحة بكل لقمة , مقلي و مطبوخ و مغمس , كتير انبسطت انك جربتيها و كمان انها عجبتك و ان شاء الله كمان تجربي غير وصفات و تنول الرضا

32  الكاتب منى, on 19-07-2009 12:13 هلا حنان   ان شاء الله تجربيها و تحبيها , و مقاديرها متل مو شايفة كلها متعوديين عليها و متل زوءنا العربي لهيك لا تخافي ان شاء الله بتطلع تمام

34  الكاتب منى, on 29-10-2011 11:20 يمكن نفس الطعمة بس هي شكلها احلى   ان شاء الله تجربيها و تكون على زووءك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved