L2ma.com | لقمة طيبة | L2ma.com | لقمة طيبة | سلطة الفواكة | · , اللوز, الفواكة, ماء, الزهر | L2ma.com

القائمة الرئيسية

سلطة الفواكة

الكاتب/ منى

06/10/2008

سلطة الفواكة

اشتقت الكم كتير و اشتقت كمان لتنزل الوصفات , تعرفوا العيد و عجقته و كمان الهاكر الي صار على الموقع سد نفسي خالص , الحمد لله هلأ مشي الحال و إن شاء الله ما بقى تنعاد ..

الوصفة اليوم سهلة و شو ما اكل منها ما أشبع , ما الها مقادير محددة و ممكن تستعملي فيها أي نوع من أنواع الفواكة المتوفرة عندك , بس أهم الشي الموز و التفاح و كمان الصوص الي بينحط مع السلطة ..

سلطتي شوي مختلفة عن أي سلطة فواكهة بتعمليها و فيها لمسة شرقية لأن نحنا نحب نكهة ماء الزهر في الحلويات و أكيد الكرم العربي في اللوز و الصنوبر على الوجه , يمممي و اضافة الصنوبر و اللوز اتعلمتها من اخت زوجي هلا و كنت دوق عندها أطيب سلطة فواكة من تحت ديات حماتها الله يرحمها .

بالصحة و الهنا

تفاح
موز
أجاص
دراق
عنب
كيوي
برتقال أو يوسفي أفندي
أناناس معلب
رمان حب مفروط

الصلصة :

عصير أناناس أو عصير برتقال
سكر حسب الرغبة
بضع قطرات من ماء الزهر

للوجه :

صنوبر و لوز مقشر
direction

·          تقطع الفواكة لقطع متوسطة , تزال بذور العنب و البرتقال و يقطع لمكعبات .

·          ينقع اللوز و الصنوبر في الماء البارد حتى يصبح لونهم أبيضاً .

·          يمزج عصير الاناناس أو البرتقال مع السكر و القليل من ماء الزهر .

·          تخلط الفواكة في طبق عميق و يضاف الشراب المحضر ثم يوضع الطبق في البراد حتى وقت التقديم .

·          تسكب السلطة الباردة في أطباق صغيرة .و يزين الوجه بالصنوبر و اللوز و يمكن الاستغناء عنهم حسب الرغبة .

أضافة إلى المفضلة (0) |

أقتباس | مشاهدات : 1691

تعليقات (27)

1 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 06-10-2008 22:17
والله اختي منى احنا بحاجة ماسه لكذا وصفات منعشة ولذيذة ومغذية بعد حلويات العيدالملغمةبالدهون والسكريات قضيت العيد عند اهلي في منطقة ثانيةوسمنت في خمسة ايام اثنين كيلو خاصة ان عائلتناالمحبة عندها هي الاكل وكلهم فنانات طبخ من العيار الثقيل ما وقف فمي عن المضغ دقيقة

2 الكاتب منى, on 07-10-2008 05:39
:grin

ذكرتني بعمتي رغيدة الله يخليلي ياها , هي كنت كل ما روح لعندها ما أأقدر اهرب من الاكل لو شو ما عملت , يلا يا ستي هلا معناها بدي الريجيم و الله يعينك و يعنا , جربي هل الوصفة و رح تعجبك ان شاء الله كتير

3 الكاتب غيث, on 07-10-2008 09:18
ستي الحمد لله على سلامتك وسلامة الموقع الغالي على قلوبنا بس لواحد بحاجة للتجديد وخاصة مع الاهل وجمعتهم بالعيد وكمان الله يعطيك العافية مالك مقصرة دوما تعبانة على الموقع وباخلاص حقك ترتاحي شوية منشان ترجعي تبدعي لنا الله يلبسك العافيةوشو هالطبق الشهي يلي عايدتينا فيه والله انا بحضره متل طريقتك تمام بس احيانا بدعمه اكتر من اللوز والصنوبر باشياء تقيلة ما رح ا>كرها منشان ما ينقال عنانحن الحلبيات بنحب بطنا بس كمان بنعرف طعمة تمنا ههه يا ستي ممكن تضيف لها قيمق على الوجه كتير طيبة مع قرفة او عسل بس انا بحب القيمق ه>ا تعلمته من اطيب محل بالشام لسلطة الفواكه اظن عرفتيه ما رح ا>كر اسمه حتى ما يحسب احد انها دعاية للمحل بس السلطة رائعة عنده ودسمة قيمق وكريما وعسل وشوكولا و مكسرات بس طيبة كتير وشكرا لطبقك المهضوم متلك واللي مرتب وبيشهي واسفة على كتر الحكي بس اشتقت لكم وتحملوني بقى

4 الكاتب رندوش, on 07-10-2008 15:16
مشكوره منى عزيزتي سلطه شهيه
كل شي من تحت دياتك بيشهي تسلمي

5 الكاتب ام دانية, on 07-10-2008 15:52
:zzz

مممممممممممممممم تسلم ايدك والله اكيد طيبة بس خير ان انشاءالله الك زمان مانزلتي شي جديد عودتينا على الاكلات الطيبة فلا تنسينا

6 الكاتب أم علي, on 07-10-2008 22:26
لسلام عليكم كيفك ست منى والله طولتي علينا الغيبة :zzz

وكل عام وانت بخير :grin

كيف كان العيد معك ان شاء الله تمام

صلطة الفواكة طيبة كتير واكيد من ايدك اطيب

وانا كمان بساوي صلطة الفواكة اكلة شهية والله وتسلم ايدك وانا بانتظار دائما اكلاتك الطيبة :grin

7 الحمد الله على السلامة يا جاي من حلب
الكاتب لارا مينا, on 07-10-2008 22:39
مساء الخير للعزيزة منى ولجميع الأعضاء وللموقع كمان...للأمانة طول ماكان الموقع غايب كنت في قمة النرفزة والعصبية لدرجة أني كرهت أجلس على النت بالمرة وكرهت أطبخ كمان لأني إتعودت أشوف أهلي كل يوم والموقع صار من أفراد العيلة فلازم أشوفه أكثر من مرة في اليوم,وسلطة الفواكه أفضل رد بعد هذا الغياب لأن منظرهاعيشنا فعلا بأجواء العيد و الفرح والسرور ويذكرنا بالبنوتات الصغارالحلوين لما يكونوا مجتمعين ولابسين فساتين العيدالزاهية والمختلفةالألوان,وإن شاء الله هالقصة تنذكر ومابتنعادوكل عام وعيدكم مبارك .

8 الكاتب تورتاية بالكريز, on 07-10-2008 23:52
يسلموا ايدكي حبيبتي سلطة رائعة واضافة المكسرات بتخليها غنية وغير شكل ماشاء الله
دخلت الموقع يوم العيد الصبح وجدت الهاكر مصدقتش نفسي دخلت عدة مرات والله جه ف نفسي اكيد الاخت منى زعلانة وعندها مشكلة حسبي الله ونعم الوكيل الله يفرج عليها يارب ومعليش حبيبتي ان شاء الله مابتنعاد وتنعاد عليكي الايام وانت بالخير والصحة والسعادة والتالق باروع الوصفات رغما عن انف الهاكر

9 www.12ma.com
الكاتب ام عبداله, on 08-10-2008 00:10
تسلم يدك علي هذه السلطة والله يحيمي الموقع من الهاكر وحمدلله علي سلامة الموقع الجميل

10 الكاتب منى, on 08-10-2008 10:30
هلا غيوثة

ردودك كالعادة بتطلع من القلب و بتوصل للقلب , و يا ستي يحكوا شو ما يحكوا عنا نحنا الحلبيات , بيكفي اذا الواحد اكل عندنا شي مرة بيبقى بيذكرها لولد ولده :grin

..

ممم قيمق و قشطة و عسل , فكرة طيبة و دسمة , بس مستاهلة على التجريب القريب ان شاء الله , و كل سنة و انت و كل عيلتك بالف الف خير

11 الكاتب منى, on 08-10-2008 13:53
هلا رندوشة

هادا بس من زووءك حبيبتي , مية هلا فيك دوماً

12 الكاتب منى, on 08-10-2008 13:56
هلا ام دانية

و الله معك حق بس هلا ان شاء الله برجع بنزل وصفات متل قبل و أحسن

13 الكاتب منى, on 08-10-2008 14:03
هلا ام علي

و عليكم أفضل السلام و اتم التسليم الحمد لله كان العيد تمام التمام لولا هل الهاكر , الله يسلمك و يحفظك دايما أختي

14 الكاتب منى, on 08-10-2008 14:11
مية هلا لارا

و انت و الله من أهل البيت و الاعضاء المؤسسة في الموقع

.

ممم بتعرفي بعد ردك رجعت اطلعت في الوصفة , شو حلو التشبيه الي قلتيه , ان شاء الله ايامك كلها فرح و عيد , اامين اختي و ان شاء الله انت و كل احبابك بخير و عافية

15 الكاتب منى, on 08-10-2008 14:14
هلا باختي الغالية ام ياسمين

الله يحفظك حبيتي , ان شاء الله تجربيها و تعجبك , و متل ما قلتي احسن الشي , حسبي الله و نعم الوكيل :roll

.

ان شاء الله منورتينا دوما يا عسل و الك متل هل الدعوات ىو اغلى

16 الكاتب منى, on 09-10-2008 14:00
مية هلا ام عبد اله

الله يحفظك و يخليك اختي كلك زووء يا عسل

17 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 16-10-2008 13:55
يسلموا ايديكي يا منى وصفاتك كلها احللى من بعضها
كمان السلطة عملتها امبارح وقدمتها لضيوفي
شكرا كثير بس ممكن طلب ها ممكن اشارك بوصفاتي وكيف

18 الكاتب منى, on 16-10-2008 14:37
مية هلا سمورة , صحتين و الف هنا على قلبك و قلب ضيوفك

بكون كتير مبسوطة بالوصفات و فيك تبعتيهم باي رد عادي و ان رح ضيفهم باسمك

بانتظار الوصفات اختي

19 الكاتب نادين, on 21-10-2008 19:09
يسلم ايديكي
الوصفة ظريفة وانا هيك بعملها بس بدل السكر عسل يا عسل
مشكورة

20 الكاتب منى, on 21-10-2008 19:37
مم اكيد بالعسل أطيب , فكرة لذيذة سلم دياتك نادين للاضافة

21 الكاتب basma, on 08-11-2008 05:28
اليوم رح أعمل هالسلطة
تسلم إيديكي

22 الكاتب منى, on 09-11-2008 06:14
ان شاء الله تعمليها و تعجبك

23 الكاتب بدور, on 09-11-2008 22:44
يا سلام على هالذوق الحلو اكلة طيبة وخفيفة ومغذية و الصينية يلي بالصورة كتير حلوة كمان نشالله بالف هنا يا رب :grin

24 الكاتب منامينو, on 11-11-2008 13:20
يسلمو هالأيدين يا عسل. أحلى شي سلطة الفواكه والله. خفيفة ومنعشة وسهلة التحضير. وبفضلها أكثر من الكمبوت حتى لإنه الفواكه بتظل طازة ومحافظة على فايدتها أكثر. بس أنا على فكرة بعملها بعصير الأناناس بدون سكر. وبدون مكسرات كمان :roll

. بس بحط عالوجه شوية كريم شانتي وفوقه حبة وحدة كرز مثلا أو فراولة أو حسب المتوفر... شو رأيك؟؟ بس فكرة حلوة المكسرات والله، ما كانت خاطرة على بالي.. طب شو رأيك مع الآيس كريم؟؟ بس ساعتها تفتكري أي منهن اللي بنحط تحت وأي فوق؟؟

25 الكاتب منى, on 11-11-2008 16:58
مممم , كلهم طيبين , عندنا مطعم بحلب اسمه لا روز بيقدم البوظة على طريقة هاواي و هي بوظة فريز و موز و فانيليا و فوقها سلطة فواكه من مانغا و أناناس , طيبة .. بس انا بحب السلطة لحالها :zzz

هي اذواق اكيد
و الكريما الشانتيه بتخلي السلطة نغنوشة و منظرها مغري , مم .. قايمة اكل تفاح اشتهيت على الفواكة

26 الكاتب ام احمد الغالي, on 09-08-2009 20:49
اختي منى
الله يجزيكي الخير ويسلم دياتك والله يجعل تعبك معنا بميزان اعمالك الحسنه يارب
هلاء هي الوصفه كتير حلوة ازا عندي ضيوف بس عندي سؤال ازا فرمتا قبل ما يجو الضيوف بتضل بلبراد شقد من غير ما تتغير
لانو بحب جهز ضيافتي قبل بوقت
ويسلم دياتك يا عسل

27 الكاتب منى, on 10-08-2009 21:08
فيك تحضريها من الصبح بس ما عدا الموز اخر الشي و وقت التقديم لان بيسود

تسلميلي على الدعوات الحلوة و الله يخليلي ياكي و ان شاء الله الك متلها

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 07/10/2008 )

< السابق		التالى >

[ عودة ]