L2ma.com | لقمة طيبة | L2ma.com | لقمة طيبة | كرات كباب مفاجآت | · , اللحمة, كرات, السمنة, الصوص | L2ma.com

القائمة الرئيسية

الأكثر تصفحاً

كرات كباب مفاجآت

الكاتب/ منى

24/09/2008

كرات كباب مفاجآت

وصفة لذيذة لا أشبع منها , شكلها جميل يرضي العين قبل الذوق . عند التقديم سيفاجأ ضيوفك بالجبنة السائحة اللذيذة التي ستسيل بمجرد فتح الكرة بالملعقة .

بالصحة و الهنا

نصف كيلو لحمة مفرومة مرتان ( لحمة كباب )
2 ملعقة كبيرة كعك مطحون ( بقسماط )
ملح و نصف ملعقة صغيرة بهار
جبنة قشقوان أو موتزاريلا مقطعة لمكعبات
ملعقة كبيرة سمنة
2 حبة كبيرة بصل
حبة فليلفة حمراء
حبة فليلفة خضراء
نصف كوب فطر
4 كوب عصير بندورة مصفى أو رب بندورة مع 4 كوب مرق
ملح و رشة بهار
direction

·          تدعك اللحمة مع الكعك و الملح و البهار جيداً ثم تقطع لكرات و يعمل تجويف في كل كرة و تحشى بالجبنة ثم تغلق و توضع جانباً .

·          يفرم البصل جوانح و تفرم الفليلفة لعيدان و تجهز البندورة في حال توافرها طازجة تعصر و تصفى .

·          تذوب السمنة على نار متوسطة ثم تضاف كرات اللحمة المحشية و تقلى حتى تنضج من جميع الجهات .

·          ترفع كرات اللحمة من السمنة و يقلى البصل بنفس السمنة حتى يطرى ثم تضاف الفليلفة و الفطر و يقلب الكل لبضع دقائق .

·          يضاف العصير أو مرق مذوب فيه رب البندورة و يتبل بالملح و رشة بهار و يترك الصوص حتى يغلي و يتسبك .

·          تضاف كرات اللحمة و تترك لتغلي مع الصوص لمدة 5 – 10 دقائق .

·          تقدم كرات اللحمة مع الصوص ساخنة مع الأرز بالشعيرية .

فكرة خفيفة :

يمكن وضع الكرات المحشية في الصوص المحضر مباشرة من دون قلي لنخفيف السمنة المستخدمة في الوصفة .

أضافة إلى المفضلة (2) |

أقتباس | مشاهدات : 4238

تعليقات (26)

1 الكاتب أم علي, on 24-09-2008 11:43
شو هالاكلات الغريبة يلي بتجيبين ست منى باينتا شهية

ساويت القطر من شوي بس مع الاسف ما نجح معي :cry

وساويت عجينة لقمة القاضي لحد الان ماشي الحال ادعيلي تنجح :zzz

امبارح اختي ام ساطور عزمتنا على كباب وخضار تحت العيش والله كتير طلعت طيبة وبتشهي وكلنا حبيناها تسلم ايدك على هالاكلات

2 الكاتب منى, on 24-09-2008 19:24
هلا ام علي

هنا و عوافي على تحت العيش و ريتو مطرح ما سرى مرى .
هلا القطر شو المشكلة الي صارت معك لحت ااقدر ساعدك ؟ ان شاء الله تنجح معك العوامات بس انتبهي على كمية المي لحتى ما يصير فيك متل ام دانية , بانتظار نتيجة العوامات

3 الكاتب ام دانية, on 24-09-2008 22:13
مساء الخير يا احلى منى

انا اليوم ما علقت الصبح لانو قررت اعمل الطبخة بالاول وبصراحة طلعت كتير طيبة يسلمو هل الايدين :zzz

انا وزوجي كتير حبيناها وخصوصا فكرة الكبابة مع الجبنة

ريحتيني الله يريحك لانو كنت محتارة شو بدي اطبخ الله يجزيك الخير قولووووووو امييننننننننننننننننننن

4 الكاتب سارونات, on 25-09-2008 01:33
السلام عليكم و رحمة الله و بركاته
:eek

بسم الله ما شاء الله شو هالوصفة المميزة اختي منى و تنفع خصوصا بالشتاء و فكرة الجبنة كتير مميزة اكيد راح جربا مع ان ما بعتقد راح ساويها برمضان بس ازا قدرت اكيد بساويها اما بعد العيد فاكيد راح ساويها و خبرك بالنتيجة بس عندي شوية اسئلة هل فينا نستبدل السمنة بالزيت و ما مدى اهمية الفطر يعني هل يمكن الاتستغناء عنه و تظل الوصفة طيبة و ازا بدي استعمل بس فليفلة خضرا فهل بستعمل 2 او بس 1 مع ان اكيد الفليفلة الحمرا راح تعطي لون مميز و شو المقصود بعصر البندورة هل المقصود استعمال المبشرة او كيف منعصرها و هل تصفيتها ضرورية ام لا
بالتوفيق
سلام

5 الكاتب منى, on 25-09-2008 07:27
خليلي عينك ام دانية على الدعوات الحلوة , أميين يا رب العالمين و هنا و عوافي على كل لقمة أكلتوها

6 الكاتب منى, on 25-09-2008 07:28
هلا سارونات

أكيد فيك تستبدلي السمنة بالزيت , بس بالسمنة أطيب و الفطر فيك تستغني عنه , الاهم الفليلفة و البصل و بيمشي الحال بلا الفليلفة الحمرا استعملي 2 من الخضراء , البندورة بتغلسيها و بتقسميها بالنص و تحطيها في خلاط العصير و بتخفقيها لحتى تصير بيورييه , بعدها بتصفيها لحتى تتخلصي من القشر و البذر و تصفايتها ضرورية لحتى يصير الصوص أطيب :zzz

7 الكاتب ام ناصر, on 25-09-2008 13:04
الله يجزاكي الخير على هلاكلات الطيبةاخت منى قد ارسلت لك وصفة للكيك مابعرف اذا وصلت لو لا؟

8 الكاتب منى, on 25-09-2008 14:48
مية هلا فيك ام ناصر

الشكر ليك على الرد و التواجد دائما ..

اختي للأسف ما وصلني شي لان ميزة اتصل بنا كانت معطلة , هلا فيك ترجعي تبعتيها أو تبعتيها بأي رد , ممنونة الك كتير مشاركتك و بانتظار وصفة الكيك

9 الكاتب سارونات, on 25-09-2008 15:58
السلام عليكم و رحمةالله و بركاته
جازاك الله خيرا اختي منى اخر سؤال ان شاء الله هلأ لازم الموتزاريلا او القشقوان ما بينفع جبنة مثلثات عادية بعرف انو الغرض انو الجبنة تدوب و تسيح بس هل كل الفترة اللي راح تقضيها الجبنة البيضة العادية مثلثات بالطبخة ما راح تخليها تسيح

الله يوفقك و يسهل دربك
سلام

10 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 25-09-2008 18:48
اختي منى تسلم ايدك على هالوصفه الغنية وفي نفس الوقت سهلةتصلح اكله عائليه وللضيوف لمل يقضمونها وتطلعلهم المفاجاة السارة طبعا

11 الكاتب منى, on 25-09-2008 22:26
هلا سارونات

مشكلةالجيبنة المثلثات انها رح تسيح زيادة عن اللزوم و ما رح تبقى بقلب الكرة و رح تطلع لبرة :roll

ما انصحك تجربيها فيها ..

12 الكاتب منى, on 25-09-2008 22:27
هلا منونة

الله يسلمك منونة و أكيد مفاجأة سارة :grin

و هي سهلة و ما كتير بتاخد شغل , نورتي يا قمر

13 الكاتب تورتاية بالكريز, on 27-09-2008 16:11
تسلم اييدكي حبيبة قلبي وصفة رائعة وغنية وكل مكوناتها عندي والحمد لله ومنظرها مشهي كتير ماشاء الله
عندي فكرة بسيطةاكيداختي الغالية تعرفيها لكرات اللحم بعملها لما بعمل الاسباجيتي بكرات اللحم اني بدهن صنية بالزيت واكبب الكفتة لكرات وبدخلها الفرن بتكون خفيفية ومتماسكة ومشربتش دهون كتير
وان شاء الله بجربها واقولك لانها جديدة واكيد شهية

14 الكاتب منى, on 27-09-2008 21:21
هلا بالغالية ام ياسمين

ان شاء الله تجربيها و تعجبك , والله اختي فكرة جديدة علي و اتوقع اسهل و اخف بكتير من القلي , رح جرب فكرتك مرة تانية و بخبرك اكيد , و ان شاء الله اذا جربتيها تعجبك :zzz

15 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 16-10-2008 13:39
مرحبايا منى
الله يسلم ايديكي عالطبخة الطيبة امبارح جربتها وعنجد زاكية ولذيذة وعجبت زوجي وكمان ابن عمي ومرته وفدمت معها البرغل بالشعرية كمان مرة تسلم ايديك

16 الكاتب منى, on 16-10-2008 14:33
مية هلا سمر

صحة و هنا على قلبك و قلب زوجك و ضيوفك و ان شاء الله وجهك ابيض على طول

بتنوري دايما اختي

17 الكاتب منامينو, on 09-11-2008 13:02
اللـــــــــه، ما شاء الله عليكي يا منى، وبرافو عليكي كمان، بحب الأشياء الغريبة اللي مثل هيك

تسلم هالأيادي يا رب

18 الكاتب منى, on 09-11-2008 13:16
هلا منامينو

الله يحفظك أختي و يسلم هل الديات الي عم تكتب الرد , رح تعجبك كتير , طيبة و تغير :zzz

19 الكاتب بدور, on 09-11-2008 22:36
والله هالاكلة كمان تغيير شكل و مبينتها كتير طيبة..

على اساس انا تعشيت و دخلت عالموقع بس الظاهر العشا يلي اكلتو نحرق بس من الصور والوصفات يلي عمشوفا و رجعت عصافير بطني تلحن من جديد :grin

كلما بدخل على وصفة جديدة بشتهي عليها وبتخيل طعمتها كمان و يا سلاااام

الله لا يضيعلك تعب يا رب والله اكلاتك كتير مميزة ولمساتك واضحة فيون..

20 الكاتب منى, on 10-11-2008 05:37
هلا بدورة

يلا اتفضلي اتعشي معنا و العشا على زووءك بيكون
الله يخليلي يالكي يا احلى عسل و ان شاء الله تجربيها و تحبيها

21 شكرا جزيلا
الكاتب جوعان, on 12-01-2009 15:38
شكرا جزيلا اخت منى عل هذه الطبخة
بصراحة شخص مثلي عايش بل غربة هذه الطبخة مثالية و سريعة التحضير اتمني ان تقدمي لنا وجبات سريعة التحضير.......
مع كل احترامي و تمنياتي لكم بل توفيق و شكرا

22 الكاتب منى, on 12-01-2009 16:36
هلا فيك اخي و الشكر ليك و لتواجدك في الموقع , ان شاء الله اخي ساقوم باضافة المزيد من الوصفات السهلة و السريعة , الاف شكر للدعوات و الك متلها ان شاء الله .

23 الكاتب أم ساطور, on 01-02-2009 19:48
السلام عليكم والله معك حق با اخ جوعان الواحد بيحب هيك وصفات سهلة بس ان شاءالله ماتكون جوعان بالغربة بس فيني انصحك بمحلات التركية وخصوصي الشاورما بتعبي الكرش تمام واهم الشي انها لذيدة :grin

وتسلم ايدك اخت منى :roll

24 الكاتب منى, on 01-02-2009 20:16
هلا ام ساطور

الله يسلمك و يا ستي كلامك مظبوط ما في اطيب من التركي :zzz

25 الكاتب شفاء, on 15-09-2011 09:47
كتير حلوة فكرة الجبنة
كتير انبسطوا عليها الاولاد
يسلمو ايديكي يارب

26 الكاتب منى, on 15-09-2011 19:33
الله يسلمك و يخليلك القطاط الحلوة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 24/09/2008 )

< السابق		التالى >

[ عودة ]