L2ma.com | لقمة طيبة | L2ma.com | لقمة طيبة | كوسا بزيت | على, حبة, · , بزيت, يقلب | L2ma.com

القائمة الرئيسية

الأكثر تصفحاً

كوسا بزيت

الكاتب/ منى

19/09/2008

كوسا بزيت

المتابع للموقع بيعرف اني بموت على أكلات الزيت بكل أنواعها و أشكالها و دايما بحاول طبق فكرة الطبخ بزيت الزيتون على الخضار المختلفة .

اليوم دور الكوسا و لما شفت وصفة للأخت تغريد 2007 من منتدى لك للكوسا بزيت أو الكوسا حوس متل ما سمتها ما قاومت و على المطبخ مباشرة , طلعت بتجنن , الطعمة فيها شي بيشبه الكواج بس على خفيفة كتير .

بالصحة و الهنا

3 حبة كوسا ( نصف كيلو ) مقطع لأنصاف دوائر
حبة كبيرة بصل مفرومة ناعماً
حبة فلفل أخضر حرّة مفروم
4 – 5 ملعقة كبيرة زيت زيتون
4 حبة بندورة مقشرة و مفرومة ناعماً
ملح و رشة بهار مشكل
رشة فليلفة حمراء ناعمة
direction

·          يقلب البصل بالزيت حتى يطرى ثم يضاف الكوسا و يقلب على نار متوسطة لمدة 10 دقيقة .

·          يضاف الفلفل الحرّ و يقلب بلطف لبضع دقائق أخرى ثم تضاف البندورة و الملح و البهار و بعد أن يغلي تهدى النار و يترك حتى ينضج .

·          يرش الوجه بالفليفلة الحمراء و يقدم فاتراً أو بارداً مع المخلل و الخبز العربي .

أضافة إلى المفضلة (1) |

أقتباس | مشاهدات : 2734

تعليقات (12)

1 الكاتب قهوه مُره, on 21-09-2008 13:15
شكلها متل الفاصوليا بالزيت..بس هيك بنخليها من غير مرقه...شي تاني منى .ممكن تعلميني كيف إعمل البرك يلي بيعملوها بالمطاعم بالشام ..إذا تكرمتي..عم غلبك سامحيني

2 الكاتب منى, on 21-09-2008 13:39
له اختي من عيوني و هي ما في اسهل منهم , ان شاء الله بنزل الوصفة

و الوصفة هي ما بدها مرقة لان بتتاكل بالخبز , سهلة و ما بتاخد وقت

و طيبة

3 الكاتب ام دانية, on 21-09-2008 13:55
يعطيكي العافية هل الاكلة سهلة وخفيفة :grin

واكيد طيبة بس بدي اسئلك سؤال انت كاتبة طريقة تحضير القشطة نحن الحليب عنا بيجي مغلي وخالص محطوط بعلب كيف بقدر اعمل القشطة منو يعني ارجع اغلي واخد الوش الي عليه ولا كيف ؟

4 الكاتب أم علي, on 21-09-2008 14:24
يعطيك العافية ست منى اكلة خفيفة وطيبة تسلم ايدك

5 الكاتب منى, on 22-09-2008 07:12
هلا ام دانية

و الله اختي ما بعرف , اتوقع بيصر و لازم تغليه و تلمي القشطة الي بتطلع على وجهه و إذا كان مو قليل الدسم فالمفروض تطلع القشطة

6 الكاتب منى, on 22-09-2008 07:14
الله يسلمك اختي ام علي , ان شاء الله تجربيها و تعجبك

7 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 22-09-2008 18:05
ايوه كذا اختي منى كثري من طبخات الخضار اللذيذة عشان الناس تتعودتدخلهم في كل وجبة

8 الكاتب منى, on 22-09-2008 19:19
و الله ما في أطيب و أخف من طبخات الزيت , غرامي انا هل الاكلات

و اكيد اي وصفة جديدة تعجبني بجربها و بتكونوا انتتو اول من يعلم

9 الكاتب fatema birakdar, on 26-10-2011 12:30
طيبه كتير وخفيفه أنا بحط معها حمص حب .

10 الكاتب منى, on 26-10-2011 22:39
فكرة طيبة

بجربها ان شاء الله

11 الكاتب طباخ مبتدىء, on 17-12-2011 12:50
يعطيكي الف عافية ! كنت مو عارف شو راح أعمل بالكوسا ! و هي أكلة سهلة و خفيفة ! فورا الى المطبخ !
و دمتم

12 الكاتب منى, on 18-12-2011 12:25
ان شاء الله بتعجبك , يا هلا فيك اخي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 22/09/2008 )

< السابق		التالى >

[ عودة ]