حلى المارس

3 علبة بسكويت سادة
حليب حسب الحاجة

طبقة الكريما :

علبة كريمة بيضاء
نصف كوب حليب بارد جداً
علبة قشطة
2 ملعقة كبيرة جيلي أناناس أو موز
ربع كوب ماء

طبقة المارس :

6 إصبع مارس ( بوزن 50 غرام للإصبع )
ربع باكيت زبدة
نصف كوب سكر
علبة قشطة

تعليقات (33)

1  الكاتب أم علي, on 17-09-2008 07:48 تسلم ايدك ياست منى الله يعطيكي العافية والله باينتا اكلة طيبة وانا رح جربا وان شاءالله تطلع معي طيبةعندي سوال الكريمامع القشطةوبعدين بنضفلا الجيليه بعدين بنحطن فوق البسكويت مو هيك صح   وا تضاف الشوكولا و الزبدة و يقلب الكل على نار هادئة جداً لبضع دقائق حتى تذوب كل الشوكولا لسؤال التاني يعني بنجيب شوكولا ولا قصدك حلا المارس ياريت اتجاوبيني واسفة لاني طولت عليكومرة تانية بقلك تسلم ايدك على هالحلو

3  الكاتب أم ساطور, on 17-09-2008 09:58 السلام عليكم ورحمة الله وبركاته , شو هالاكلة الطيبة يا اخت منى ذكرتني بالتراميزو بتشبها كتير واكيد رح تكون طيبة . ان شاءالله رح جربها بالايام القادمة .يا اخت منى ممكن تنزلي طريقة تحضير اللقم لانه انا بحبه كتير بس مابينجح معي ابدا وشو منستخدم طحين ولا سميد والك جزيل الشكر

4  الكاتب منى, on 17-09-2008 10:04 مية هلا ام علي تمام الكريما بالول منخفقها مع الحليب و بعدها القشطة و الجيلي المذوب البارد و الشوكولا الي ااقصدها هي المارس مية هلا و ان شاء الله تجربيه و يعجبك , و بكرة إن شاء حلى من أسهل ما يكون كرمالك أختي

5  الكاتب منى, on 17-09-2008 10:07 هلا رنددوشة حبيبتي كلك زووء يا قمر و ان شاء الله تجربيه و يعجبك و يعجب العيلة

6  الكاتب منى, on 17-09-2008 10:09 هلا ام ساطور ان شاء الله تجربيه و تحبييه و من عيوني طريقة اللقم منستخدم طحين و سميد مع بعض

8  الكاتب أم علي, on 18-09-2008 04:51 الله يكرمك ست منى وكل شي من ايديك لذيذ

9  الكاتب منى, on 18-09-2008 05:39 مية هلا منونة , وصفك للطبخة بيجوعني خليلي هل الطلة الحلوة و الف شكر ليك على الردود اللذيذة

11  الكاتب قهوه مُره, on 18-09-2008 12:35 السلام عليكم ....كيفكم كلكم ياأخوات...أختي منى ممكن نستخدم كريما الدريم ويب البودره...جزاك الله خير

12  الكاتب منى, on 18-09-2008 13:05 هلا أختي أكيد فينا أنا مستخدمة الكريما البودرة و خفقتها مع الحليب لحتى نفشت , مية هلا أختي

13  الكاتب ام نور, on 18-09-2008 15:29 يم يم شو بيشهي بس كمان في جيلي

14  الكاتب منى, on 18-09-2008 18:36 هلا ام نور و الله مستاهل تجربيه و فيك تستخدمي ورق الجيلي الي من دون نكهة و لا لون , أظن أن هادا ممكن يتوفر حلال     إذا لا , ضيفيه لقائمة الوصفات الي رح اعملك اياها لما تزوريني

16  الكاتب منى, on 19-09-2008 10:48 ان شاء الله

18  الكاتب منى, on 24-09-2008 08:31 هلا حوراء اختي بتستعملي الكيسين مع ثلاث أرباع كوب حليب بارد , الكريما الصراحة اختي ما عندي فكرة محددة , أتوقع كوب كريما بس مش متاكدة , مية هلا فيك و أي سؤال تاني من عيوني

20  الكاتب منى, on 06-10-2008 08:01 هلا نوراةحبيبة قلبي بتذكري حفلة تخرجي الحلو الي نسيناه هادا هو .    هنا و مية الف صحة على قلبك و قلب ضيوفك و الله لا يحرمني هل الرفيقة الحلوة

21  الكاتب نوارة, on 07-10-2008 17:22 ياي جد هادا هو الحلو اللي صرت ادور على الكل وبايدي معلقة واقلهن بسرعة بدي اكل منو   تذكرت هديك الايام

22  الكاتب منى, on 08-10-2008 10:23 هادا هو بجبناته و مارساته , الله يرحم هديك الايام , اللحظة الحلوة الي بتروح ما بقى تتعوض أبدا , اااااايه

23  الكاتب بدور, on 09-11-2008 22:55 اكلة جديدة لذيذة وسهلة يممممممممممممممي     اذا الله راد بكرة رح جربها ولو ما كان هلأ الوئت تأخر بالليل كنت جربتو هلأ على أد ما تحمست     الله يسلم دياتك الحلوين و يجعل ايامك كلها لحظات حلوة تضلي تتذكريها و تتنغمي فيها كمان

24  الكاتب souha, on 26-11-2008 20:40 هلا منونة كيفك   اليوم كان عندي ضيوف و عماتلون هالحلى و كتير لاقى استحسان بس بدي أسألك إذا استبدلنا المارس بالمولز أو رالاس كم إصبع بدنا نستعمل و يا ترى طبقة المارس بعد ما تبرد بتكون سميكة شوي ولا بتبقى سايحة   أكيد هالفترة مشغولة بمذاكرات الأولاد ولا عم تحضريلنا و صفات يممي على العيد

25  الكاتب منى, on 28-11-2008 08:05 هلا ام السوس ان تمام الحمد لله رب العالمين بالنسبة للمولز استعمل 6 أما الرالاس ما بقى اذكر على المزبوط اذا استعملت 6 أو اكتر بس انت طلعي على الوزن لازم يكون الوزن الكلي 300 غ تقريبا اذا اكتر شوي او ااقل شوي مو مشكلة   طبقة الشوكولا لا رح تكون سايحة بالمرة و لا جامدة هيك متل صوص سميك نوعا ما     هنا و الف الف عافية على قلبك و قلب ضيوفك و هلا متل ما قلتي مشغولة شوي بمذاكرا الاولاد و الوصفات الي عم نزلها محضرة من 10 ايام تقريبا , اما العيد فانا ما بعمل تحضيرات خاصة اله لان على اعتبارنا انا و زوجي من الصغار في العيلة يا دوب نلحق نعيد الكبارية و ناااادرا ما يجيني دور بالعيد

26  كل عام و انت بخير الكاتب souha, on 28-11-2008 13:23 منونة حبيت أكون أول وحدة بتعيدك بشهر ذي الحجة و العيد إنشاء الله بينعاد ع الجميع بالصحة و العافية   نحنا كمان ما عنا تحضيرات قوية للعيد يعني ع الخفيف و أنا رح استغل فترة العيد إنشاء الله حتى صحح أوراق المذاكرات للطلاب   أنا بعتللك وصفة كاتو اليقطين يا ترى وصلت   أنا نسيانة أذكر امتى منضيف اليقطين ممكن لو سمحتي تحطي العبارة التالية في الخطوة الخامسة بعد كلمت نضيف البيض و نخفق قليلاُ  ( ثم نضيف اليقطين المهروس و نخفق قليلاً.)  سلامات

27  الكاتب منى, on 29-11-2008 10:10 و انت بالف الف خير و ينعاد عليك و على كل عيلتك بالخير و البركة   مممم , هلا انت عم تدرسي , الله يوفقك بشغلك . ديري بالك على الطلاب حراااام هنن و اهاليهم     الوصفة وصلت , عن جد بتشهي , رح يف هل الخطوة , و كنت رح اسالك عن الكريما , يلا خلي السؤال بالوصفة نفسها , سلام حبيبتي

29  الكاتب منى, on 18-02-2009 09:22 هلا أختي     ممكن تستعملي هي الكريما لتغطية الكيكات بس من دون جيلو     و اكيد فيك تستبدلي جيلو الموز او الاناناس باي جيلي متوفر , بس تبقى النكهة على مسؤوليتك , قصدي استعملي طعمة تكون طيبة مع الشوكولا

30  الكاتب نجمة, on 08-01-2011 12:30 السلا م عليكم جربت هالحلى وطلع بجنن يسلمو ايديك أختي منى بس بدي ائلك عندي أكلة حلى كتيير طيبة كيف فيني أبعتلك ياها

31  الكاتب منى, on 09-01-2011 07:52 الف الف صحة و هنا و عافية حبيبتي     فيك تبعتيه عن طريف=ق اتصل بنا و انا بنزله باسمك ان شاء الله

32  يسلم هالديات الذهبية الكاتب lulu, on 19-06-2011 16:31 يسلم ايديكي اخت منى على هالحلا اللذيذ وكتير ظريف بهالشوبات جربته مبارح وفعلا طبقة الشوكولا بتجنننننننن طعمتها لا توصف يم يممم وانا اكلها واتغزل فيها ؛))...  وعندي استفسار مابعرف اذا هالمرة رح تجاوبيني ولا لأ   الكريمة الفريش لما عم اخفقها ماعم تزبط معي وتنتفخ وتتكاثف ...ياترى شو السبب نفسي كتييير اتعلم كيف ؟؟؟؟ مع اني حطيت الكريمة بابريق الخلاط ومعها سكر بوردة وبالفريزر لمدة تلت ساعة وبعدين خفقتها وماانتفخت .....؟؟؟!!!   ومشكورة كتيييير سلفا

33  الكاتب منى, on 21-06-2011 20:09 يسلم ايديكي الي ردت و تبقي بخير لعيلتك يا رب   صحتين و الف عافية على الوصفة     فيكي تقوليلي ايا نوع عم تستعملي ؟  في انواع خاصة للحلويات و هل الانواع ممكن يكون فيها سكر , المهم الطريقة المزبوطة انك تخفقي النوع المخصص للحلويات , و الي بتكوني مبردتيه متل ما عملتي , بتخفقيه لحتى ينفخ و بعدها بتضيفي السكر .  من ابسط ما يكون بس اتاكدي من الكريما الي جايبتيها

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved