L2ma.com | لقمة طيبة | L2ma.com | لقمة طيبة | متبل البطاطا | ملعقة, حتى, كبيرة, · , الكمون | L2ma.com

القائمة الرئيسية

متبل البطاطا

الكاتب/ منى

13/09/2008

الطبق سهل و لذيذ جداً , مرة أم زوجي ذكرت طريقة تحضيره و امبارحة كانت معزومة عندنا على الفطور فحضرته إلها و شو طلع طيب , إن شاء الله بيعجبكم أكيد ..

بالصحة و الهنا

2 حبة بطاطا متوسطة
فص ثوم مهروس
3 ملعقة كبيرة ليمون
2 - 3 ملعقة كبيرة طحينة ( هردة )
ماء حسب الحاجة
نصف ملعقة صغيرة كمون
ملح
3 - 4 ملعقة كبيرة بقدونس

للتزيين :

زيت زيتون
كمون و فليلفة حمراء ناعمة
direction

·          تقشر البطاطا و تقطع و تغمر بالماء البارد و الملح و تترك حتى تغلي ثم تهدى النار و تترك لمدة 10 – 15 دقيقة أو حتى تطرى و تنضج .

·          تهرس البطاطا و هي لا تزال ساخنة حتى تصبح ناعمة ثم تتبل بالطحينة و عصير الليمون و الثوم و الملح و الكمون و يضاف القليل من الماء البارد حتى يصبح المتبل بسماكة الحمص .

·          يضاف البقدونس للمتبل ثم يذاق للتأكد من حمضه و يعدل الحمض و الطحينة حسب الرغبة ثم يوضع في طبق التقديم و يزين بزيت الزيتون و الكمون و الفليلفة الحمراء و يمكن أن يزيين ببضع أوراق نعناع طازج في حال توافره .

أضافة إلى المفضلة (1) |

أقتباس | مشاهدات : 5373

تعليقات (26)

1 الكاتب أم ساطور, on 13-09-2008 12:20
يسلم ايدك شو هالاكلات الطيبة انا عجبتني كتير انا عازمة اليوم اختي وزوجها عالافطار ورح جرب اكلتك هي اكيد رح تعجبون لانه احنا بالمانيامستفقدين هالاكلات الطيبة وجزاك الله كل خير

2 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 13-09-2008 13:57
يا حظ ام زوجك فيكي كنه معدله وفنانه اختي منى هذا مر طبق اكل هذي لوحه فنيه تسلمي

3 الكاتب منى, on 13-09-2008 14:22
مية هلا فيك اختي أم ساطور عوافي و هنا مقدما و باذن الله بترجعوا سالميين و غانمين , يا ريت تخبريني كيف طلعت معك

4 الكاتب منى, on 13-09-2008 14:21
هلا منونة

هادا بس من زووءك و أصلك الطيب يا جميل , اتفضلي حبيبتي باسم الله

5 الكاتب سارونات, on 13-09-2008 14:47
السلام عليكم و رحمة الله و بركاته
ما شاء الله تبارك الله عن جد اختي منى كل يوم عم تفاجئينال باشياء مميزة صحتين و هنا على قلوبكم و الله يخليكم لبعض انت و حماتك
ان شاء الله راح جربها
بالتوفيق
سلام

6 الكاتب ام نور, on 13-09-2008 16:23
فعلا شكل الصحن لا يقاوم شكلو بيفتح النفس رح جربو انشالله
لما شفت الوصفة اتذكرت اكلة اسما كبة البطاطا فيا برغل وبطاطا وشو كمان ما عندي فكرة لان كانت ستي تعملا وكنت حبا كتير وهلىء اتذكرت اسما ما بعرف اذا عندك فكرة عنا

7 الكاتب منى, on 13-09-2008 19:29
هلا سارونات

الله يخليك يا حق و ان شاء الله الك متل هل الدعوات الحلوة و أكتر , جربيها لان سهللة و طيبة

8 الكاتب منى, on 13-09-2008 19:44
هلا أم نور

ان شاء الله تجربيه و يعجبك , و هي الوصفة الي قلتيها بعرفها و هي من الوصفات اللبنانية القديمة , رح نزل طريقتها ان شاء الله قبل ما يخلص رمضان

9 الكاتب غيث, on 13-09-2008 20:41
الله يسلم هالايدين يا حق كمان انا كنت عاملة هالطبق في العزايم اللي عملتها من يومين لذيذ ومقبل ومتل طريقتك تقريبا بس ما حطيت معه بقدونس وبالمرة القادمة اجربه ان شاء الله بالبقدونس وبالنسبة للفريكة يا ريت اكون حدك واسكب لك او ادعوك اتمنى يالله ربنا كريم نعود للوطن وللحلوات بالوطن ستات البيوت الاصيلات امثالك يا منى وبنشوف بعض وكله بيمشي تمام اذا راد الله بدي خبرك اكلنا من خلية النحل ويا عيني على دياتك شو مبدعة شكرا لك بس البريوش لسع ما عملته لانني كنت مشغولة بالعزايم وعجقتهم وميت نوع وميت شكل والحمد تمت بخير وسلامة وعلى فكرة كل اللي عملته فيها اخذت افكاره من موقعك اللذيذ ولو كنت اعرف بعض الطبخات سابقا كنت ادخل الموقع وشوف لمساتك الفنية واضيفها والحمد لله الله يبيض وجهك نجحنا بكل شي حتى الشوربات الكل بدهم الطرق بالطبخ قلت لهم اسالو منى ههه فعلا تمزينا برمضان والك الفضل بعد شكر الله نشكرك واشكر ام عبادة اللي دلتني عالموقع الله يجزيكم الخير كلكم

10 الكاتب منى, on 15-09-2008 05:56
هلا غيوثة

هنا و عوافي يا حق و الله هل المعازيم اتهنوا بالفور من تحت ديات , هل المتبل فيك تحطي اله بقدونس أولأ بس أنا أظفته لحتى يعطي لون تغيير , و الفريكة وصلت ععلى بريد القلوب و المحبة ربي يديم المعروف , أميين ان شاء الله بترجعوا سالميين و غانميين , بس مو تقطعينا بس ما رجعت متل م عبادة , سلميلي عليها

ما دام خلية النحل عجبت رح يعجبك البريوش أكيد لان نفس العجينة , ان شاء الله عوافي يا رب و رمضان كريم و مبارك على الكل , انا اليوم العزيمة عندي على السحووور , ادعيلي :zzz

11 الكاتب سارونات, on 12-12-2008 14:08
السلام عليكم و رحمة الله و بركاته
ساويته امبارحه و طلع كتير طيب :zzz

جازاك الله خيرا اختي منى و ربنا يوفقك و يسهل دربك
سلام

12 الكاتب نور الأسلام, on 07-02-2009 13:24
:grin

13 الكاتب منى, on 07-02-2009 17:33

14 الكاتب نور الأسلام, on 15-02-2009 11:05
مرحبا اختي منى الله يسلم اديك على كل الاطباق اناعملت متبل البطاطا وطلع طيب كتير بس ما طلع لونه ابيض متل الصوره :roll

15 الكاتب منى, on 15-02-2009 11:32
مية هلا نور

ما دامها الطعمة طيبة فاللون مو كتير مشكلة , بيجوز انا طلع افتح لان استعملت عصير ليمون أكتر منك :zzz

هنا و الف عافية على المتبل و على كل شي تاني جربتيه و نورتي

16 الكاتب ام احمد الغالي, on 09-08-2009 22:33
منى جوعتيني كتير لما شفت هالطبق
ماما كانت تعمللنا اياه بس كانت تحط لبن وكنت كتييييييييييييييييييييير حبو :roll

يسلم دياتك
انا كنت اعملو وقت كنت حامل لانو متل ما كنت قول لزوجي طبخه ما فيا لحمه ومالها ريحه :grin

17 الكاتب ام احمد الغالي, on 09-08-2009 22:33
نسيت اسالك كيف زينتي هيك بلسكين ولا كيييف

18 الكاتب منى, on 10-08-2009 19:36
هلا ام احمد , خسى الجوع و الله يا باتل :zzz

عجبتي فكرة اللبن بيطلع كمان يممي , و انا مزينته بهل الطريقة بالمعلقة الكبيرة اول الشي مسدت الوج , و بعدها ميلت المعلقة و صرت اعمل متل حزوز على الوج :zzz

يمم كان طيب هل الصحن بزمناته

19 الكاتب ليان 2009, on 05-01-2010 19:34
يسلموا ايديكي وعنيكي يا منى على هالمتبل اللي بجنن اليوم عملتوا كتيييير زاكي حتى زوجي اللي ما بحبوا اكل منو عنجد تسلم ايديكي والله يخليلنا اياكي طريقتك روووووعة

20 الكاتب منى, on 06-01-2010 07:12
الف هنا ليان يا رب , هدا متبل بيشهي و سهل , كتير انبسطت انه عجب العيلة , ريتو الف عافية على البكن :zzz

21 الكاتب محبةالمصطفى ملك, on 13-05-2010 17:48
تسلم ايدك أنا كمان بعمل هالطبق بس بغير اسم:بطاطا بيوريه أو بطاطا مهروسة...
بس فكرة حلوة نسميه متبل البطاطا على وزن متبل الباذنجان..بس أنا ما بحط بقدونس بس رح جرب أحطه المرة الجاية لأنه مفيد و لونه حلو

22 الكاتب محبةالمصطفى ملك, on 13-05-2010 17:50
منوووش نسيت أسألك شلون عاملة زينة الصحن بهالطريقة؟
يعني انا بزين المتبل و الحمص بس ما بعرف كيف رح يصير هالشعاع...اممم بالمعلقة عاملة حدود و أنفاق

؟؟؟؟؟؟؟؟؟؟؟؟؟

23 الكاتب محبةالمصطفى ملك, on 13-05-2010 20:35
هههههههههههههههههههههههههههاي زينت بنفس الطريقة هلأ

طلعت سهلة بس بدها زوووووووء :roll

شفتي شلون طلعت تلميذة شطوووووورة

24 الكاتب أم المنذر, on 17-12-2010 00:12
يا سلام على هالاكلة الخفيفة والطيبةوان شاء الله بكرة رح جربهالانو صايمين أنا بعمل شبيهة فيا بسلق البطاطا وبعدين بقشرا وبفرما مكعبات وبفرملا جناح بصلة صغير وبحطلا توابل ملح ونعنع وكمون وفليفلةحمرا ناعمة وملعقة كبيرةعصير ليمون وبالآخرشوية زيت زيتون واديه بتطلع طيبة يسلموايديكي منى

25 الكاتب شفاء, on 15-09-2011 09:07
كتيييييييير لزيز
يسلمو ايديكي

26 الكاتب منى, on 15-09-2011 22:00
هلا ملك

لا البطاطا بيورييه غير شي تمام , بطريقة التحضير و المقادير

الزينة مسدت الوج و بعدها عملت انفاق بالسكينة و الي ساعدني انو المتبل مو سايل كتير و ممكن انحته :zzz

صحتين و الف عافية , احلى تلميذة يا مزوءة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 06/01/2010 )

< السابق		التالى >

[ عودة ]