L2ma.com | لقمة طيبة | L2ma.com | لقمة طيبة | تحضير رب البندورة | البندورة, · , حتى, تماماً, دبس | L2ma.com

القائمة الرئيسية

الأكثر تصفحاً

تحضير رب البندورة

الكاتب/ منى

03/09/2008

دبس البندورة , رب البندورة , معجون طماطم , صلصة طماطم , شو في كمان اسماء ؟؟
هادا الي اتذكرته هلأ اسماء لوصفة واحدة , حبيت أنزل طريقة تحضيرها لحتى تشوفي بنفسك أن الطريقة مو صعبة و أكيد النتيجة الي بتحصلي عليها أنظف و أطيب بكتير ..

بالصحة و الهنا

بندورة ناضجة
ملح صخري
direction

·          تنتقى حبات البندورة بحيث تكون ناضجة و حمراء ثم تغسل و تزال جميع الأجزاء المعطوبة منها إذا وجدت ثم تضرب بالخلاط حتى تصبح ناعمة تماماً .

·          تصفى البندورة من القشور و البذور بواسطة مصفاة ناعمة , و قديماً كان يحفظ البذر و القشر و يستعمل كوقود في الشتاء .

·          تصب البندورة المعصورة في أطباق مسطحة بحيث لا يتجاوز سمكها 1 – 2 سنتيمتر و كانت الجدات تستعمل أوعية نحاسية , توضع تحت أشعة الشمس حتى تجف تماماً مع التحريك اليومي لها و يفضل أن يغطى الوعاء بشاش أبيض منعاً لوصول الغبار اليه , استغرقت البندورة معي ثلاثة أيام تقريباً لأن الشمس لم تكن حدّة بأول يوميين , بالعادة تحتاج لوقت أقل .
عصير البندورة في اليوم الأول و اليوم التالني

عصير البندورة في اليوم الأول و اليوم التالني

· بعد أن تصل البندورة للسماكة المطلوبة و يجف مائها تماماً تكون دبس البندورة أصبحت جاهزة , يضاف الملح الصخري و تحرك حتى تشعري بطعم الملح ظاهر نوعاً ما عند تذوق الدبس .
دبس البندورة جاهز تقريباً , يحتاج لبضع ساعات أخرى تحت الشمس

دبس البندورة جاهز تقريباً , يحتاج لبضع ساعات أخرى تحت الشمس

· يعبأ دبس البندورة في مراطبين بلورية و يحفظ في الفريزر حتى وقت الحاجة .

أضافة إلى المفضلة (0) |

أقتباس | مشاهدات : 307

تعليقات (6)

1 الكاتب ام نور, on 03-09-2008 09:30
ماشالله عنك يا منى ست بيت بكل معنى الكلمة

الله يخليكي يا رب عفكرة بهل ايام كتير قلال الستات الي بيحضروا هيك وصفات يمكن لسبب ضيق الوقت او توفرها وبسعر قليل انا شخصيا كتير بحب جرب بس المشكلة الطقس بفرنسا ما بيسمح المهم الف شكر عم تذكرينا بوصفات ناسينا او لا نعرفها

2 الكاتب منى, on 03-09-2008 10:46
متل ما قلتي هلأ ما بقى حدى يعملها في البيت بس الا ما يكون في أخوات حابات يعرفوا الطريقة لهيك نزلتها

مية هلا حبيبة قلبي ام نور

3 الكاتب غيث, on 03-09-2008 22:30
الله يمسيكم بالخير منى وام نور مبارك عليكم الشهراختي بالنسبة لي اقول ان ست البيت لازم تعرف تحضر كل شيء ولو متوفر بالاسواق وبسعر مقبول هي هيه مواصفات ست البيت الشاطرة هلق معظم الاكلات بالموقع موجودة جاهزة وعالمرتاح بس بالبيت انظف وابرك واطيب وخاصة باضافة لمسات معينة من اختراع الواحد الشخصي بتصير غير السوق وغير الجاهز وعند العائلة بيكون لها طابع خاص وانا كتير بحب تحضير دبس البندورة من صغري بس للاسف اجلبها الان من عند ماما لاننا هنا لا يوجد عندنا بلكونات لتجفيفها بالشمس و السطح عنا بالبناية فيه ناس اجانب لذلك لا اؤمن على نظافة الطبق بعد تعبي وخاصة انهم عندهم اطفال وكمان بحب اشكرك منى على الشوربات التاليةههه(كريم الفطر وكريم البطاطا والبصل الفرنسية )عملتهم كانوا ناجحات ولذيذات وكل يوم رح اعمل شوربة من شورباتك ان شاء الله طبق صغيرما طيبين الاطازة وكمان عملت البقلاوةبس الحشوة كانت قشطة مع فستق وحطيت عليها قطر ويا عيني عليك يا قلبي على هالنغم وبالمناسبة سلمي على اختك واشكريها وعايدي عليها وعلى والدتك بالشهر الكريم وشكرا لكم جميعا وتحياتي الك ام نور سبحان الله لك معزة بقلبي ما بعرف شو السر

4 الكاتب منى, on 04-09-2008 20:47
هلا غيوثة

باين مشغولة عنا برمضان , ان شاء الله الله يتقبل منك و منا يا حق ..

كلامك مظبوط , و انا بحب اتعلم كل شي , ما بتعرفي ممكن الواحدة فينا بيوم تحتاج لشي و يكون مو متوفر

هنا و عوافي يا حق على الشوربات الي جربتيهم , كتير انبسطت انهم عجبوك , و أهم الشي انك جربتي البقلاوة , ان شاء الله عجبت الباشا

سلامك وصل ان شاء الله و الك متل هل الدعوات و أكتر من قلب أخت لأختها بظهر الغيب

5 الكاتب لارا مينا, on 06-09-2008 20:04
ألف ألف شكر عزيزتي على هالوصفةالأصيلة..بس حبيت إسألك وين ممكن حط الصلصة في وقت الليل لأني أخاف عليها من الحشرات أو أي شيء مضر ممكن يوقع فيهاوما كون منتبهة وكمان عنا شوية غبار وإن شاء الله راح إعملها أول مايوصل ردك ولك خالص تحياتي على مجهودك وتحملك أسئلتنا .

6 الكاتب منى, on 06-09-2008 20:50
أختي أن بغطيه الصواني بشاش أبيض لحتى ما يدخل فيها شي , ممكن تنزلي الصواني على أي مكان بارد عندك متل شي بلكونة أو هيك بس رح يصير صعب عليك و خصوصاً إذا عاملة كمية..

برايي تغطيتها بشاش أبيض بيكفي

اذا جربتيها اتمنى تخبريني

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 27/09/2008 )

< السابق		التالى >

[ عودة ]