لوز أو صنوبر
نصف ملعقة كبيرة سمنة بلدية

·          تثقب حبات الباذنجان بالشوكة أو السكينة ثم تشوى على الفحم أو في الفرن حتى يحترق جزء من القشر و تطرى الحبات و تنضج .


·          تقسم كل حبة الباذنجان لنصفين و يفرغ اللب بالسكين أو بملعقة و يرمى القشر ثم يفرم لب الباذنجان ناعماً أو يدق بالهاون .


·          يخلط لب الباذنجان مع اللبن و الطحينة و الثوم و الملح ثم يسكب في طبق مسطح كبير و يمسد بحيث يغطي كل الطبق .

·          تقلب اللحمة مع السمنة و البهار حتى تنضج و يجف ثم توزع فوق الباذنجان المحضر .

·          تحمى السمنة على نار متوسطة و يحمص اللوز أو الصنوبر فيها حتى يشقر ثم يصب السمن و اللوز فوق الباطرش و تقدم فوراً .

تعليقات (14)

2  الكاتب منى, on 02-09-2008 15:49 له يا منونة , بيطلع أطيب أكيد هنا مقدماً على قلبك و قلوب كل العيلة .. اتفضلي يا قمر

3  الكاتب ام نور, on 03-09-2008 09:43 ياالله شكل هاللحمة بيشهي ذكرتني بالفتة يا ريت يا منى اذا عندك وصفة لاي نوع فتة بجاج او بلحمة ,,,, اي نوع تنزلي والف شكر مسبقا

4  الكاتب منى, on 03-09-2008 10:43 و الله حقك علي , من ايمتى واعدتك بهل الوصفة خلص بركي برمضان بنزل الي كم وصفة فتة , من عيوني

6  الكاتب منى, on 03-09-2008 14:30 هلا ام ناصر البانجان نوعيين , نوع طويل و لونه أسود و النوع الثاني اله شكل نوعا ما بيشبه شكل الاجاصة و لونه فتح و أرجواني , هذا هو المطلوب و هو الي نستعمله للبانجان المشوي

7  الكاتب ام دانية, on 05-09-2008 18:29 اولا يسلم ايدك على هل الكل بصراحة انا من حلب بس ما بعرف هل الاكلة بس اكيد رح جربا لانو عجبتني كتير شكلها طيب

8  الكاتب منى, on 05-09-2008 18:39 هلا ام دانية حبيبتي نور الموقع بأحلى حلبية هي مو كتير معروفة , انا سميتها هيك لميزها عن باطرش حماة , هي وصفة يممي , ان شاء الله اذا جربتيها تبقى تخبريني

11  الكاتب ام احمد الغالي, on 25-07-2010 07:02 يسلموايديكي منى بيشهيي

12  الكاتب منى, on 25-07-2010 10:34 هلا ام احمد   الله يسلمك حبيبتي , من زووءك

13  الكاتب رغد غسان علاء الدين, on 27-02-2011 12:56 يا سلاااااام شو هالأكلة كلها فخامة يا باشااااا يا ستي طيبة وتغيير شكل عن المحاشي والكبب..وأهم الشي خبي الهون النحاس عن عيون المرة اللي بتجيني كل ما إجت بتقللي عيني بالهون اللي عندك   إلا ما أشتريلها واحد وأخلص من نقهاااا

14  الكاتب منى, on 27-02-2011 18:29   انا امي كل ما بتجي و بتشوفه بتقلي الا ما اكبلك هل الهون النحاس , و بعد تنهيدة بتقلي , بنتي الناس وصلت للقمر و انت عم تدقي التوم لسا   ابوس روحها و الله يخليها فوق راسي ست الحبايب     ان شاء الله تجربيها و تعجبك هي اختصاص ماما و خالتي بتلاقي كتير بيحضروها بالعزايم

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved