L2ma.com | لقمة طيبة | L2ma.com | لقمة طيبة | رز بحليب | الرز, بحليب, حتى, الحليب, يترك | L2ma.com

القائمة الرئيسية

رز بحليب

الكاتب/ منى

31/08/2008

رز بحليب

تختلف طريقة تحضير الرز بحليب في حلب عن باقي الوصفات التي قرأتها أو تعلمتها من صديقاتي من مصر أو السعودية أو دول الخليج .في حلب لا ينقع الرز بالماء أو يطبخ مسبقاً بالماء ثم يضاف للحليب كما في وصفات أخرى , نحن نطبخ الرز حتى ينضج بالحليب .و مع أن وصفة الرز بحليب سهلة و لا تحتاج لأي مهارة تقريباً لكن الرز بحليب الذي تعده جدتي يبقى له طعماً مميزاَ لم أذق مثله في حياتي , حتى في الرز بحليب الذي أعده !

حتى يكون الرز بحليب لذيذ يجب استخدام حليب "دسم" و طازج و الدليل على نجاح وصفتك هو أن يجعد وجه الرز بحليب كما ظاهر بالصورة ..

بالصحة و الهنا

2 ليتر حليب ( 8 كوب )
2 فنجان صغير رز مصري
2 فنجان صغير سكر
1 – 2 ملعقة كبيرة ماء زهر من نوعية فاخرة
direction

·          يوضع الحليب على النار و يترك حتى يغلي .

·          يغسل الرز و يصفى جيداً ثم يوضع فوق الحليب المغلي و لا يظاف قبل غليان الحليب ثم يحرك تحريكة بسيطة و يترك الرز بحليب على نار متوسطة لمدة 40 – 50 دقيقة تقريباً أو حتى تنضج حبات الرز و يسمك الحليب قليلاً بفعل نشاء الرز , يحرك كل عشر دقائق بلطف كي لا يعلق الرز بقاع الطنجرة .

·          يضاف السكر و يحرك الرز بحليب لبضع دقائق حتى يذوب السكر تماماً ثم يبعد القدر عن النار و يضاف ماء الزهر , أصبح الرز بحليب جاهزاً يسكب في صحون زبادي صغيرة ثم يترك حتى يبرد تماماً .

·          قبل التقديم يمكن أن تزين الأطباق بالفستق الحلبي المبشور أو تترك بدون زينة كما أحب لتذوق طعم الرز بحليب .

أضافة إلى المفضلة (2) |

أقتباس | مشاهدات : 11663

تعليقات (36)

1 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 01-09-2008 21:56
رز بحليب احسن من دوا الطبيب يحبه الصغار ويغرم به الكبار خفيف على المعدة ومبرد في الصيف تسلم ايدك يا منى

2 الكاتب larooo, on 01-09-2008 23:18
السلام عليكم جميعا
رمضان مبارك عليكم وعلينا
بس حبيت اسأل ممكن استبدل
ماء الزهر بماء الورد ؟؟
ولا بتتغير الطعمة كتير ؟؟
يسلموإيديك منى عالموقع الحلو كتييييييييييير

3 الكاتب larooo, on 01-09-2008 23:27
السلام عليكم ورحمة الله وبركاته
رمضان كريم عليكم وعلينا
بس كنت بدي اسأل لو ممكن استبدال ماء الزهر بماء الورد؟؟
ولا بتتغير الطعمة كتيييييييير :sigh

شكرا منى عالموقع الحلو
يعطيكي العافية

4 الكاتب Eman, on 02-09-2008 06:10
فعلا ميمي .هي طريقتنا الأصلية بالرز بحليب ، والسر في طيبتها ، أن الرز بيستوي بالحليب فبيتشرب منه ..
جارتنا شامية كانت تعمله بدقيق الرز ،بس مو متل الأصلي .
أنا ما بضيف ماء زهر ، بضيف مستكة وفانيلا ،وكمان بكون طيب.

5 الكاتب منى, on 02-09-2008 07:03
هلا منونة حبيبتي

الله يسلمك يا ست الردود المميزة , ان شاء الله تجربيه و يكون على زووءك

6 الكاتب منى, on 02-09-2008 07:04
هلا لاروو

مية هلا أختي نورتي فيك تستخدميه بس بشرط يكون من نوعية ممتازة , الصراحة انا ما كتير بحبه بماء الورد :roll

بس كمان هي شغلة أزوواء

7 الكاتب منى, on 02-09-2008 09:13
هلا أمولة

متل ما قلتي ممكن كمان اضافة المستكة , بس الفانيليا اول مرة بسمعها و اتوقعها لذيذة

رح جربها المرة التانية اذا الله راد

8 الكاتب ام نور, on 02-09-2008 22:54
الله يبارك فيكي يا احلى منى ويرزقك حسنات
اليوم جربت طريقتك وشو رز بحليب طلع معي ولا اطيب اول مرة بينجح معي

بس جعد شي بسيط يا ترى ليش

9 الكاتب منى, on 03-09-2008 07:53
معناه نجح معك كتير

لأن إذا جعد الوجه دليل ان الرز بحليب بياخد العقل من ناحية الحليب و من ناحية الوقت الكافي لطبخ الرز بالحليب و استواء الحبة ,, ممم اشتهيت على صحن :zzz

هنا و عوافي و ريتو صحة على قلبك و قلوب كل الحلويين

10 الكاتب ام نور, on 03-09-2008 09:36
منى بس انت بالصورة
طالع مجعد كتير انا جعد شي بسيط عا كل حال رح ارجع اعملوا لان كتير ولادي حبوا والا ما يطلع متلك

11 الكاتب منى, on 03-09-2008 10:43
اااه , هلا فهمت عليك , هي متل ما قلت الك الها علاقة بالحليب و طبخ الرز و كمان فيك تغطي الصحون و هنن لسا سخنين بيجعد وجهم أكتر

12 الكاتب حوراء, on 15-09-2008 15:44
أهلا

انا من زمان بدور وحدة شامية شاطرة بالطبخ وأخيرا لقيتك وطبخاتك بتجنن وجربت كثير طبخات وطلعت روعة وصار لي فترة ابغا اشارك بس ما يضبط معي واخيراً ضبط معي .

ولو سمحتي ابغى اعرف الفنجان الصغير كم بالغرام؟ يعني فنجان الرز الصغير كم بالغرام؟

13 الكاتب منى, on 16-09-2008 15:35
مية هلا حوراء

ريتو هنا و عافية يا رب على كل شي جربتي أو مفكرة تجربييه و هادا بس من زووءك و لطفك , و أسفة على المشكلات الي صارت معك :roll

الفنجان الصغير و أقصد فيه فنجان القهوة بيساوي 65 غ

أب سؤال تاني من عيوني

14 الكاتب سارونات, on 09-12-2008 20:22
السلام عليكم و رحمة الله و بركاته
اختي منى مبارحة ساويتها للوصفة بس ما ضبطت ما بعرف ليش

انا ساويت ربع الكمية يعني كوبين حليب و قسمت باقي المقادير بدقة معقول لان ساويت كمية صغيرة ما ضبطت ما بعتقد
كان الرز ما فيه نشاء بالمرة لانه الحليب ما صار سميك ابدا و ظل متل ما هو يا ترى شو السبب
حتى اني رجعتهم على النار مرة تانية و الحليب صار بدو يخلص بس ما اسمك
بالتوفيق
سلام

15 الكاتب منى, on 19-12-2008 11:24
السبب الوحيد الممكن هو الرز الي مستعملتيه
يا ترى نقعتيه قبل ما تحطيه مع الحليب , أو ممكن ما يكون رز مصري :roll

16 الكاتب سارونات, on 19-12-2008 15:23
السلام عليكم و رحمة الله و بركاته
انا كمان شكيت انو هاد هو السبب
انا اول مرة بساويه و ما نقعتو يعني لازم ننقعو مو هيك
ان شاء الله المرة الجاية بنقعو و بساويه
جازاك الله خيرا اختي منى
سلام

17 الكاتب منى, on 21-12-2008 16:33
لا أختي ما لازم ننقعه لحتى يبقى فيه النشاء

يا ترى شو نوع الرز الي استعملتيه ؟ :roll

18 الكاتب سارونات, on 23-12-2008 17:43
السلام عليكم و رحمة الله و بركاته
استعملت رز قصير الحبة يمكن تكون نوعيته مو كتير منيح راح غيره المرة الجاية قولتك نوعية الرز هي اللي خلتو ما يضبط
بالتوفيق
سلام

19 الكاتب منى, on 24-12-2008 05:27
ما في غير هل السبب , لان هل الوصفة اسهل من السهولة و مو معقولة ما تظبط معاك

20 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 07-04-2009 17:12
الاخت منى مرحبا
انني اصنع الرز والحليب بنفس الطريقه ولكنني ازينه بالقرفه او ببرش جوز الهند :zzz

21 الكاتب منى, on 07-04-2009 19:29
هلا فيك نجمة

نورتي اختي و نور الموقع باخت جيدة , اسمك حلو كتير و مميز

ممم فكرة لذيذة برش جوز الهند او القرفة , الف شكر اختي و نورتي مرة تانية

22 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 26-06-2009 14:50
ان شاء الله تسلم ايديك على هل وصفة بيضتي وشيي قدام جوزي :grin

لانو هي تاني مرة بساوي من وشت ما اتزوجنا من 5 شهور...اول مرة ما ضبط ابدا بس بهي الوصفة ...رهيبة
الله يعطيكي العافية

23 الكاتب منى, on 26-06-2009 15:51
هنا و عافية يا ربي على قلبك و قلب ابو الشباب و ان شاء الله وجهك ابيض دوما و منور بنور التقى و الايمان على طول

مية اهلا و سهلا فيك اختي و يا رب تبقي معنا على طول

24 الكاتب na3oom, on 15-12-2009 00:16
يسلمو هالديات أديش طلع طيب وحتى بنوتي اللي بعاني من أكلها حبيتو كتير وصار تاكل صحن بس ترجع من المدرسة
ماسمك كتير يمكن متل ما قلتي نوع الرز أنا باستخدم صنوايت الاسترالي وهو المشهور هون للرز المصري
على فكرة حطيت مستكة مع الماء زهر بالأخير عملت أكشن في الطعمة

25 الكاتب ام عون, on 06-01-2010 15:51
مرحبا حبيبتي منى .كيفك؟ اليوم انا اعملت الرز بحليب وكاتو الليمون متل طريقتك .ياه شوطلعوا طيبين وابني عنعون حب الارز بحليب كتير انا بتشكرك على وصفاتك الطيبه . :eek

26 الكاتب em layal, on 10-01-2010 17:05
انا اليوم ساويت الرز بحليب و حطيتله شويه مسكه مدقوقه كتيير طلع طيب و نجح معي بس انا بفضل انه المره الي جاي اقلل من كميه السكر شوي صغيره . الله بجزيكي الخير يا اخت منى و الله بفضلك ماعمبحتاج اني اسأل حدى عن اي وصفه دغري بفوت لهون و بلاقي الي بدي ياه احلى تحيات من هون من فنزويلا .

27 الكاتب منى, on 10-01-2010 17:58
هلا نعوم

الف هنا و صحة على البك و الب البرنسس الصغيرة , كتير انبسطت انه زبط معك .

هلا للسماكة ممكن تزيدي فترة غليانه على النار او ممكن تزيدي كمية السكر شوي

ممم , فكرة المستكة طيبة , انا جربتها من زمان و متل ما قلتي عطت طعمة مميزة و غير شكل

هنا مرة تانية نعومة :zzz

28 الكاتب karamela, on 19-05-2010 13:44
السلام عليكم اختي منى
انا جربت الرز بحليب بنص الكمية ونصصت كل المقادير بس مابعرف ليش طلع كتييييييير سميك ومافي حليب بالمرة
بتنصحيني قلل كمية الرز او بتنصحيني قلل وقت طبخه على النار
بالمناسبة انا استخدمت الحليب القناني ياترى فيه مشكلة
بس عن جد طعمته طيبة لولا هالمشكلة
انا بانتظار ردك وشكرا الك

29 الكاتب منى, on 19-05-2010 14:30
ممكن تقللي كمية الرز شوي لتشوفي كيف بيصير
و كمان يا ريت ما تزيدي عليه بالطبخ , بس لحتى تستوي الحبة

ما اتوقع ان المشكلة من الحليب ما دامه كامل الدسم

30 الكاتب أم المنذر, on 05-11-2010 19:49
يسلمو هاليدين منى متل ما بعملو تمام وبيطلع طيب كتيير وولادي دائما اطبخلن منو لانو بحبوه شكرا يا ذوء

31 الكاتب منى, on 09-11-2010 07:13
ان شاء الله صحتين و هنا على البهم , و عن جد هل الطريقة غير لان بتعطي للرز نكهة غير شكل

صحة و منورة :zzz

32 الكاتب omislam, on 23-11-2010 05:41
جزاك الله خير أخت منى جربت الوصفة وطلعت طيبة بس لونها ماكان ابيض وكمان الوجه ابدا ماجعد شو السبب ياترى؟؟
بس عموما الطعم طيب شكرا الك وكمان جربت مهلبية الرز بالقشطة وكمان طعمتها طيبة كتير

33 ...............
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 28-03-2011 15:43
يا الله يا منى شو بحبك :zzz

بتعرفي من وقت ما قرأت طريقتك بالرز بحليب لحد الآن كم مرة صرت عاملتو؟
كومايااااااااااااااااااااااااات
ما عم ينقطع من عندي الرز بحليب أكتر من كم يوم و برد بعملو مرة تانية :grin

أنا و زوجي كتير منحبو و هلأ عالحمل عم كتـّر منو لأني ما كتير بشرب حليب :sigh

و لما يجيني ضيوف بعملن رز بحليب مبطن كمان و الكل بنبسط عليه
يسلمو ايديكي يا منى
ما بتعرفي أديش أنا ممنونة عكل الوصفات الي اتعلمتا منك

الله يقويكي يا رب و ييسرلك كل أمورك و يخليلك ولادك و زوجك
انتي بتستاهلي كل خير

7ayah Dayyen

34 الكاتب منى, on 31-03-2011 18:56
صحتين و الف الف هنا حياة , ما بتعرفي شو انبسطت بردك و ان الوصفة عجبتك

صحتين و الف هنا بكل لقمة على البك و الب الكتكوت الصغنون

شكرا حبيبتي للدعوات الكريمة من اخت كريمة و الله يقومك بالسلامة و تبقي طمنيني عنك دوما

35 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 16-11-2011 07:34
مرحبا منى ، بدي اسألك هلأ ماما بتقلي كل لتر بدو كاسة رز وكاستين سكر (كاسة شاي يعني)
بيصير نحط بدال مية الزهر تنتوفة فانيليا يعني راس المعلقة مو اكتر ؟؟

36 للضحكة
الكاتب tamader, on 07-05-2012 03:30
يعني من 2008 وعم ينحكى على الرز بحليب ولحتى تطلع طعمتوا طيبة يلي بيضيف الفانيلا ويلي بيضيف ماء زهر أو ورد او حتى مستكة بس ماحدى حكى عن طعمتوا وهو محروق !!! طيبة مو؟؟؟

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 19/12/2008 )

< السابق		التالى >

[ عودة ]