L2ma.com | لقمة طيبة | L2ma.com | لقمة طيبة | بطاطا مقلية خفيفة السعرات الحرارية | البطاطا, · , الماء, واحدة, جيداً | L2ma.com

القائمة الرئيسية

الأكثر تصفحاً

بطاطا مقلية خفيفة السعرات الحرارية

الكاتب/ نور

28/08/2008

صباح الخير بالنسبة للبطاطا المقلية في طريقة كتير سهلة ورائعة للي حابب يقلل نسبة الزيت بالأكل وبالبيت دايما بأعملها..

كيلو بطاطا
ملعقة زيت ذرة واحدة
4 ملعقة كبيرة ماء
direction

·          تقطع البطاطا لحلقات أو أصابع عريضة نوعاً ما و تغسل جيداً و لا تنشف .

·          توضع في صينية تيفال و يضاف زيت القلي و الماء ( لا تستغربوا ) .

·          تخلط البطاطا جيداً بالزيت و الماء ثم تدخل الفرن على درجة 180 لمدة ربع ساعة أو حتى تستوي .

·          عندما تنضج سوف تكون بنفس طعم البطاطا المقلية العادية .

سر الطبخة :

أهم 3 أمور الأول إضافة الماء لكي لا تنشف البطاطا أثناء وضعها بالفرن و الثاني تقطيع البطاطا لأصابع سميكة حتى لا تحترق الأمر الثالث يجب أن نضع طبقة واحدة من البطاطا في كل مرة لا نضع البطاطا أكوام فوق بعضها البعض أرجو إني أكون أفدتكم بشي .. وعذرا على الإطالة .

أضافة إلى المفضلة (1) |

أقتباس | مشاهدات : 5468

تعليقات (26)

1 الكاتب منى, on 28-08-2008 11:01
بالعكس نور , وصفة مميزة كتير , على التجربة بكرة ان شاء الله , سلم دياتك يا قمر و بانتظار وصفات تانية منك .

2 الكاتب غيث, on 28-08-2008 18:34
السلام عليكم اخت نور كيف الصحة الله يعطيك العافية فكرتك سهلة وخفيفة بس بدي اسالك هل تكون البطاطا مقرمشة ولا لينة بهذه الطريقة منشان اعرف النتائج قبل التطبيق لان العائلة عندي بيحبوها سوبر مقرمشة متل طريقة منى الله يعطيها العافية كانت رائعة واذا طريقتك مقرمشة بيكون اسهل من القلي واخف على المعدة والهضم والحريرات كمان متل ما تفضلت حضرتك وسميتيها قليلة الحريرات وجهودك مشكورة اختي

3 الكاتب نور, on 28-08-2008 19:58
هلا فيك أختي غيث .. إذا بدك تصير تقرمش تضيفي ملعقة دقيق ذرة ( كورن فلاور ) بالإضافة للزيت والماء وتحرك جيدا وأي استفسار آخر أنا بالخدمة

4 الكاتب منى, on 30-08-2008 16:06
مسا الخيرات نور

اليوم جربتهم و طلعت متل مل قلتي , طعمتها كتير كتير قريبة على البطاطا المقلية و ملعقة الزيت الي أضفتها يمكن بيقيت بالصينية , يعني تقريبا من دون و لا دهون ..

بعد ما طالغتها رشيتها بالملح و بهارات بطاطا و طلعت بتجنن , رح نزل صور لتطبيقي , بس وصلة الكاميرا متعطلة عندي :roll

بس ظبطتها

سلم دياتك نور على هيك وصفة مميزة

5 الكاتب WAFAA, on 31-08-2008 13:20
بصراحة كلمة مميزة قليل على هيك وصفة .

يعطيك الف عافية اخت نور ورمضان كريم الك ولعيلتك

6 الكاتب نور, on 02-09-2008 00:05
أول مرة بنزل شي على النت .. عن جد كتير فرحانة إنها نالت رضاكl .. لي كل الشرف إنها أعجبتكم وهذه شهادة أعتز فيها..

7 الكاتب منى, on 02-09-2008 06:59
الصراحة عجبتني كلمة قليلة , هي نزلت صورة لتطبيقي و ان شاء الله يعجبك

8 الكاتب سارونات, on 02-09-2008 15:06
السلام عليكم و رحمة الله و بركاته
جازاك الله خيرا على الوصفة ازا بتتطلع متل البطاطا المقلية اكيد بيكون احسن ازا ساويناها بهالطريقة مشان الدهون و ان شاء الله بجربها و بخبرك بالنتيجة
و صورة تطبيق اختي منى كتير حلوة
اختي منى شو هي يهارات البطاطااللي ضفتيها
رمضان كريم و تقبل الله صيامكم و قيامكم
بالتوفيق
سلام

9 الكاتب لارا مينا, on 13-09-2008 21:34
مساء الخير000شكرا أخت نور فعلا وصفة مميزة أنا أول مرة بعملها في هذا الشهر الكريم وصارت الطريقة المفضلةعندنا بالبيت لتناول البطاطا
المقلية وماأظن إني راح أستخدم القلي بالزيت مرة ثانية... لكي كل التحيات.

10 الكاتب نور, on 10-10-2008 11:14
ألف صحة وهنا على قلبك حبيبتي لارا ..

دعواتك

11 الكاتب قهوه مُره, on 27-06-2009 17:02
يعطيكي العافيه عزيزتي...في شغله مافهمتا..الماء أديش بتكون كميتها..يعني أغمر البطاطا بالماء ولا كيف...وهل بنتظر لحتى تنشف الماء..أفيديني أفادك الله...وجزاك الله خير

12 الكاتب منى, on 27-06-2009 17:35
المي كميتها 4 ملاعق و بس و بستني لتنشف المي و يرجع يلع الزيت و بتحسي ان البطاطا بديت تقرمش و تصير ذهبية .
اختي هل الوصفة صار جربتها من دون مبالغة اكتر من عشرين مرة , رائعة بكل معنى الكلمة

13 الكاتب قهوه مُره, on 28-06-2009 12:57
إعذريني مافهمت شو يعني ...يلع الزيت...مع الشكر

14 الكاتب منى, on 28-06-2009 14:06
:roll

يطلع , بقصد فيها هي خطا مطبعي بسبب السرعة

15 الكاتب semo, on 01-07-2009 18:43
ايه شو هالطريقة الطيبة اليوم جربتا بتجنن
الله يعطيكي العافية

16 الكاتب منى, on 08-07-2009 18:04
هنا و الف عافية سيمو

انا صارت معتمدة عندي , الله يعطيكي العافية نور

17 يسلموووووو
الكاتب لميا, on 11-07-2009 07:49
مرحبا
الله يعطيكي العافيه والله اليوم ناويه جربه وميرسي كتير

18 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 15-07-2009 13:00
من شوي انا عملتها بس في شغله انو البطاطا ما تحمرت من جميع الجوانب بس من جوا استوت على الاخر وطعمها كتير زاكي وكنت حطها بالفرن مرة من فوق ومرة من تحت لتحمرت ، يسلمو هالايدين

19 الكاتب منى, on 15-07-2009 13:28
هلا لميا

مية اهلا و سهلا فيك و اتمنى تجربيها و تكون طيبة و على زووءك

20 الكاتب منى, on 15-07-2009 13:36
هلا حنان

يعني المهم بالخير اتحمرت منيح و هادا المطلوب ..

الف عافية وصحة و هنا يا رب على البطاطا , و على فكرة الوصفات الي عم تردي عليها كلها من وصفاتي المفضلة , كان حسيت النا زوء مشترك بالاكل

21 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 15-07-2009 14:20
تسلميلي يا منى ، يؤبروني اهل الشام انا والله حبيتكم وحبيت جمعتكم في هالموقع من كل قلبي والله ما يحرمنا منكم يا حق على قولتكم :zzz

22 الكاتب منى, on 19-07-2009 12:15
الله يسلمك و يحفظك , ااامين اختي و ان شاء الله ربي يديم المحبة و المعروف دوما :grin

23 طيبة !
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 05-01-2011 14:03
السلام عليكم ورحمة الله وبركاته

أول الشي نرنورة يسلمو عالوصفة. اليوم جربتها.
بس انا بحب البطاطا اعملها مو مستطيلات سميكة، بعملها بالـ Borner Slicer
وبيطلع شكلها هيك :

لهيك هي ما كتير "سميكة" ... ونفذت بالحرف متل ما كتبتي، لكن بعد 20 دقيقة لسه كانوا مو جاهزين ، حطيتها كمان 8 دقايق آم طلعت شوي مقرمشة زيادة :grin

فالوجبة التانية حطيتها أقل بكم دقيقة.

ممممممم من وقت ما جبت الفرن "خاصية بالمايكرويف تبعي" عم بتسائل ليه ناس وناس بتختلف عندون فترة الطبخ مع أن الحرارة نفسها والوصفة نفسها ؟

بس بتعرفي، من أول ما قريت الوصفة قلت: ليش صينية تيفال ؟؟؟ وحطيت بالصينية العادية اللي جاية مع مايكرويف، آم لزق نصو :grin

بس طلع طيب كتير.

يسلمو مرة تانية الله يجزيك الخير

بطلت إقلي المقالي بالزيت الغزير أبداً.

منوش شو رأيك انتي معلمتنا ؟

والسلام عليكم ورحمة الله

24 الكاتب منى, on 06-01-2011 19:25
يا ستي انا هل الوصفة معجبة فيها اعجابا شديدا و من وقت ما اتعلمتها صرت ما اقلي البطاطا الا نوادر , الحمد لله الذي علمنيه من غير حول مني و لا قوة

ممكن تخلي البطاطا تقرمش على اول وج و بعدها تديريها للطرف التاني , مع ان هل الحكي نظري لان انا ما بعرف ابدا على الشوي بالمايكروييف :roll

25 المايكرويف حاجة رهيبة !
الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 06-01-2011 20:48
السلام عليكم

ايه معلمتنا

لاحظت بالعزايم تبعك دايما هالوصفة .. الله يجزيها الخير لنرنورة.

بالمايكروييف ما قصدي الشواية Grill ، وإنما الفرن الهوائي Convention واللي مبدئو تماماً متل الفرن العادي.

أما شو وصفات وشغلات بتطلع بهالفرن لما بينجمع مع خاصية المايكرويف !!!!!!!!! هي قصيدة لحالها.
لأن الفرن بيشتغل بالأكلة من الأطراف أما خاصية موجات المايكروييف فبتجهزها من جوا

لهيك إلون وصفات لحال وبرامج مكمبنة (تعريب كلمة: Combination) ، وكتب طهي خاصة فيها.

والسلام عليكم

26 الكاتب منى, on 06-01-2011 21:46
ممممم , كمان شي جديد علي , هلا انا بعرف الفرن الهوائي , قصدس سمعانة فيه و شايفته بس ما فيني هلا احلم اني جيبو على انعبار فرني جديد و ما صارله الا حوالي 15 سنة , بقى لسا حرام :zzz

سمعت ان المعجنات عم تطلع فيه شغلة , اما ان يكون معه خاصية الوايفز , فياسلامم على التكنولوجي :zzz

بالف هنا حبيبتي , و صحتين على كل شي عم تجربيه فيه

PC:
أنا مو معلمة و لا شي , كلنا هون عم نتعلم من بعض و الي عنده شي يممي بيحطه على السفرة و هل الوصفة الذ دليل

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 19/05/2009 )

< السابق		التالى >

[ عودة ]