من شورباتي المفضلة بطعمها الكريمي اللذيذ , بقدمها مع خبز توست عليه جبنة مبشورة و مدوبة أو مع خبز السبانخ و الفيتا , بتاخد العقل ..

الكراث في بين أوراقه كثير من التراب و  الرمل , لهيك لازم ننظفه منيح كتير ,  نتخلص من الورق القاسي و بعدها نقسم كل حبة بالنصف و نغسله تحت المي الباردة لحتى ينظف كتير منيح 

بالصحة و الهنا  .

تعليقات (14)

2  الكاتب منى, on 10-06-2007 20:10 هلا و الله و مية سهلا   انا الي الشرف انك تزوريني كل يوم و تزيني الوصفات بردودك الحلوة و تعليقك ..  الله يعافي قلبك ليندا     ممممممم    جاي على بالي اعمل لك وصفة خصوصي الك   شو بتحبي ؟؟

3  الكاتب linda, on 10-06-2007 21:22 هلا اختي منى   يعني بما انك سألتي   ايه بتمنى تعلميني اكلة كتير بحبا   و هي اسما محمرة   ما بعرف ازا بتعرفيا   هي متل المناقيش بس حرة و انا بحبا كتير و لاني مغتربة ما فيني اشتريها جاهزة   فياريت لو بتعمليلي ياها بكون ممنونة     على فكرة هلاء من شوي ساويت السمبوسة و طلعت مقرمشة وبتجنن

4  الكاتب منى, on 10-06-2007 22:44 أكيد بعرفها   ما هي اختصاص حلب ..    بس يا ترى انت عم تقصدي فطاير الفليفلة و إلا المحمرة     لأن المحمرة هي عبارة عن مقبلات الها نفس قوام الحمص بس محضرة من الفليفلة المجففة , أما فطاير الفليفلة فهي بتشبه المناقيش ؟؟      ما بتعرفي قديه انبسطت لان جربتي السمبوسك و عجبوك , ان شاء الله مجاري الهنا و الصحة

5  الكاتب linda, on 11-06-2007 10:21 صباح الخير اختي منى     ايه انا اصدي فطاير الفليفلة اعتقد فيها فليفلة حمراوبصل وسمسم   يمكن بندورة و يمكن لاء ما بعرف   و صاحب المحل ألي انو اسما محمرة   و بعدها ببالي       انا كتير مبسوطة لانك بتعرفيها   اصلا انا مبسوطة بكل الموقع ما بعرف ليش   يمكن لانو صاحبتو سورية   ان شاء الله بكره كمان بيصير موقع كبير و مشهور       يمكن نزعتلك الصفحة بكترة الردود   لا تواخزيني

6  الكاتب منى, on 11-06-2007 10:48 صباح الفل و الياسمين و الورد   خليلي عينك على الكلام الحلو   إن شاء الله رح يصير طالما في ناس حلوين متلك   هلأ فطاير الفليفلة أهم الشي بدها دبس فليفلة , ما بعرف إذا متوفرة عندك ..  بإذن الله الإسبوع الجاي إذا الله راد رح نزل لك طريقتة الفطاير   و طريقة الدبس فليلفة موجودة في قسم أساسيات     بالعكس أختي انتي بتواجدك و ردودك عم تشجعيني     منورة ليندا

7  الكاتب DOUHA, on 07-05-2009 21:52 شكلا طيب  سؤال من فضلك من وين بتجيبي خبر السبانخ مع الفيتا؟؟ من عند جوسي؟؟    علبتك معي

8  الكاتب منى, on 08-05-2009 09:42 هلا ضحى     له يا بااطل شو جوسي و ما جوسي , انا بعمله على ايدي و يعدهاوين الغلبة , ان شاء الله رح نزل طريقته قبل ما يخلص السبانخ من السوق

9  الكاتب dado, on 05-06-2009 06:12 السلام عليكم  وانا عم بتصفح الموقع بالصدفة اكتشفت اني ارتكبت خطأ شنيع بحق هالشوربة إني لسة ما تغزلت فيها ولا مرة   يا ستي من أطيب وألذ الشوربات وصارت من قائمة الأكلات يلي بعملها بشكل دائم.. وهي خياري المفضل لما بكون جوعانة وجاي عبالي شي يدفيني ويشبعني عالعشا بدون ما تقل. وحضرتها كم مرة بعزايم وكل يلي داقوها حبوها كمان.

10  الكاتب منى, on 07-06-2009 19:57 هلا دالو حبيبة قلبي   و اخيرا حدا جربها و انضم لحزب مشجعي هل الشوربة لان انا متلك , كتيررر بحبها و بتلاقيني بالشتوية دايما محضرة منها   الف صحة و هنا على قلبك و قلب كل الي داقها و علوا تبحبشيلي هون و هون ليكون في شي تاني نسيانتيه

12  الكاتب منى, on 02-08-2009 07:01 يا عين يا عين , الف صحة و هنا على قلبك حبيبتي ام الهدى , كتير انبسطت انها عجبتك و وصفك في محله

14  الكاتب منى, on 09-09-2009 16:13 ريتو الف صحة و هنا و عافية ام سيمى , على قلب كل واحدبعيلتك , فردا فردا .  ان شاء الله الك متل الدعوات الي دعيتيها و احلى باذن الله

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved