L2ma.com | لقمة طيبة | L2ma.com | لقمة طيبة | قوارب الكوسا بالطحينية | الكوسا, حتى, · , الوصفة, ملعقة | L2ma.com

القائمة الرئيسية

الأكثر تصفحاً

قوارب الكوسا بالطحينية

الكاتب/ منى

26/08/2008

قوارب في بحر الطحينية

الوصفة اليوم لأختي تغريد2007 من منتدى لك , و الحقيقة أن طبخاتها بتعجبني كتير و صارت جربت إلها اكتر من وصفة و كلهم بيكونوا طيبين ..

الي عجبني بهل الوصفة هو استعمال الطحينة مع الكوسا و أنا من زمان اكتشفت أن الطحينة مع بعض الخضار عم تكون كتير طيبة , بس و لا مرة خطر لي جربها مع الكوسا , و كمان فكرة تفريغ قوارب الكوسا و استعمالهم مباشرة من دون سلق فكرة مميزة لأنها بتسهل الشغل و بتقصر الوقت اللازم لتحضير الوصفة و كمان بتخلي الفيتامينات كلها في الكوسا ..

شو كمان , الطبخة عجبت عيلتي كتير , و الشي الوحيد الي ممكن أغيره أو أضيفه عليها المرة التانية إن شاء الله هو استعمال حبات كوسا أصغر و إضافة القليل من البقدونس بالحشوة , و اكيدة إذا جربت ببقى بعدل الوصفة ..

بالصحة و الهنا

كيلو كوسا حجم وسط
نصف كيلو لحمة مفرومة خشنة
حبة بصل مفروم ناعم
عصير حبة ليمونة حامضة
4 ملعقة كبيرة طحينية
2 كوب مرق لحمه أو دجاج
ملح و فلفل اسود
نصف ملعقة صغيرة بهار مشكل
2 ملعقة زيت
direction

·          تغسل حبات الكوسا ثم تقسم من النصف بالطول و يفرغ لبها باستعمال ملعقة صغيرة ثم تصف في صينية للفرن .

·          يقلى البصل بالزيت حتى يطرى و يذبل ثم تضاف اللحمة و تقلب حتى تجف و تمتص مرقها , تتبل بالبهارات و الملح ثم تملئ قوارب الكوسا بالحشوة المحضرة .

·          تذوب الطحينية بالليمون و تقلب حتى تتجانس ثم يصب عليها المرق البارد و يقلب حتى يصبح الصوص ناعماً ثم تصب على الكوسا .

·          تلف الصينية بورق الألمنيوم و تخبز في فرن محمى على 180 درجة حتى تنضج حبات الكوسا لمدة نصف ساعة تقريباً .

·          تقدم القوارب حارّة مع الأرز المفلفل و الفجل و النعناع .

أضافة إلى المفضلة (1) |

أقتباس | مشاهدات : 2810

تعليقات (16)

1 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 27-08-2008 10:18
من وين اجيب الحين كوسا كل الكوسا اللي في الثلاجة عملت فيها كب كيك الكوسا وكوسا بالطحينة وبصراحة طلعوا روعة بس يجي السواق من مشوار حارسله على طول يجيب ثلاثة صناديق كوسى لان بصراحة شكلها مغري

2 الكاتب منى, on 27-08-2008 10:35
هنا و عوافي يا حق :grin

, ضحكتيني منونة , صار فيك متلي , كل يوم قبل ما يروح البواب بيقولي مدام بدك شي كوسا قبل ما أروح :grin

ان شاء الله تجربيهم و يعجبوك , نورتي منونة

3 الكاتب بدور, on 27-08-2008 16:00
كوسا و طحينة.. مبينتا فكرة حلوة كتير

صرلي فترة عاملة همة عالأكلات الجديدة و نشالله رح جربا قريبا و مع تعديلاتك يا ميمو العظيمة

ذوئك كتير بحبو و أفكارك أكيد لذيذة ان شاء الله

شكرا كتير منى الحلوة و الله يسلم ايديكي يا رب

4 الكاتب منى, on 27-08-2008 16:49
هلا بدورة

بعدزمان القمر ما بان , ان شاء الله تجربيها و تعجبكن , كلك زووء يا قمر و الله يسلملي هل الطلة .

على فكرة المسابقةى ما الها وقت تقريبا مرة بالاسبوع حسب التساهيل

5 الكاتب هذا البريد محمى من المتطفلين , تحتاج إلى تشغيل الجافا سكريبت لمشاهدته , on 28-08-2008 06:38
واخيرا عملتها خفيفة ولذيذة بس قوليلي ايش ارسل السواق بكرة ىجيب من سوق الخضار

6 الكاتب منى, on 28-08-2008 07:23
هنا و عوافي على قلبك و قلوب كل العيلة ..

ممممم , جيبي بطاطا و بازلاء و طحين يكون منيح

7 الكاتب منامينو, on 11-11-2008 18:31
الله الله، يسلمو إيدكي الحلوين اللي بيعملو أشياء حلوة كتير.. ما شاء الله.. أوكي، بكرة إذن ان شاء الله طبيخي راح يكون قوارب الكوسا بالطحينية، خصوصا إنه الكوسا موجودة وكان باقي أقرر شو هي الطبخة. وأحلى شي إنها وصفة سهلة وسريعة. ان شاء الله تزبط ويحبوها، ببقى بخبرك عن النتيجة..

8 الكاتب منامينو, on 14-11-2008 11:36
يسلمو أيديكي يا منى، جربتها وكتير طيبة طلعت، مثل الصورة

، حلوة كتير .خفيفة عالمعدة وما فيها دسم. بس أنا عملت صوص الطحينية كمية أكبر وشوي أسمك، هيك كانو يحبوها دايما مع القرنبيط أو السمك الفيليه.. يسلمو كتير يا عسل

9 الكاتب منى, on 17-11-2008 18:25
الف الف هنا و عافية منونة

اكيد فيك تتحكمي فيها متل ما بحبها عيلتك
الشكر ليك على ردودك الي بتبل القلب , بانتظار تجاربك دوما

10 الكاتب الدمشقية, on 01-12-2008 06:57
أنا مجربة هي الأكلة بس بغير طريقة حبيبتتي منى بحط بقلب الكوسا خضار مثل بازيلا وجزر وعلى الوجه بحط جبنة قشقوان طبقاً بتكون الخضرا مقلاية بالزيت بعدين بحطها بقلب الكوسا
وإن شاء الله شي يوم بجربها بإذن الله على طريقتك

11 الكاتب منى, on 01-12-2008 07:52
ممم بالخضار بتطلع اخف و منظرها احلى

الف شكر الك على الافكار الحلوة أختي و اذا جربتيها مع الطحينة ان شاء الله تعجبك :zzz

12 الكاتب سوسنة, on 24-03-2009 13:57
والله هلا عم جربها ولسه باالفرن ما بعرف كيف حتطلع

بس اكيد طيبة متل كل وصفاتك الي جربتهن

null

13 الكاتب سوسنة, on 25-03-2009 03:00
كتير طيبة طلعت روعة قليلة عليها

يسلموو هالايدين منى :zzz

14 الكاتب منى, on 26-03-2009 12:05
هلا سوسنة

الف الف عفية و صحة على الكوسا و على كل شي جربتيه من الموقع , هادا بس من زووءك يا عسل :zzz

15 الكاتب شفاء, on 15-09-2011 09:52
كتييييير طيبة طلعت
فاقس كيفي عالطحينة هاالايام وصرت ادخله مع كتير طبخات
واكيد رح اعيدها ان شاء الله

16 الكاتب منى, on 15-09-2011 19:32
هنا و الف الف عافية

يا ستي متل حكايتي , صار الي اسبوع عم اكل فتات و غمس بالطحينة , نمممم

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 26/03/2009 )

< السابق		التالى >

[ عودة ]