وصفة من منطقة بروفانس من فرنسا و ببيعتبروها طبق مرافق لفخدة الخاروف أو للدجاج المشوي للي بيحب يزيد خضرة على طبقه و طيابته انو فيكي تاكليه سخن أو حتى بارد متل وصفات زيت الزيتون ..

 الطريقة اليوم قريبة كتير على طريقة Julia child من كتابها Mastering the art of French cooking . الكتاب و الشيف اتعرفت عليهن من  فيلم Julie & Julia , الي كتير منكم نصحوني اني شوفه و كان من الافلام اللذيذة اللطيفة الي حكى قصة بتشبه قصتي انا و الموقع و انتو , انو صبية اسمها جولي قررت تحضر كل وصفات كتاب شيف قديم اسمها جوليا , و عملت موقع صارت تحكي فيه يومياتها . الفلم ماشي بخطيين , قصة جوليا و كيف اتعلمت الطبخ و كيف عملت مدرسة و بعدها كيف نشرت كتاب و الخط التاني قصة الصبية الي عم تعيد طبخات جوليا و قصص الاحباط و النجح الي مر عليها بهل السنة .. 

لهيك كنت كتير مبسوطة لما جابتلي سيما مجموعة كتب منوعة و كان من بينها كتاب Julia child كتير كنت متحمسة و بالفعل الكتاب رائع  , و طريقته ما بتشبه الكتب الي معوديين عليها و هل الكتاب انطبع اكتر من 65 مرة على مر عشرات السنين و لهلا انا شايفته مفيد و شامل و must  لكل مين حابب يتعلم الطبخ الفرنسي .

بطريقة جوليا تشايلد بتوزع بقدونس مفروم بين طبقات البتنجان و الكوسا و البندوة , انا ما حبيت الطعمة الي ضافها البقدونس و عواضه ضفت رشة من بهارات البروفانس و مرة استعملت بهارات ايطالية و كمان مرة استعملت رشة من الريحان مع رشة زعتر أخضر و رشة صغيرة اكليل الجبل , كلهن عطوا طعمة يممممم


بالصحة و الهنا

كمية تكفي 3 – 4  شخص

1 حبة كبيرة باذنجان , 250 غ
2 حبة متوسطة كوسا , 250 غ
4 ملعقة زيت زيتون
1 حبة كبيرة بصل , مقطع جوانح رقيقة
1 حبة صغيرة فليفلة حمراء أو خضراء
2 فص كبير ثوم , مهروس
ملح و فلفل أسود
2 حبة كبيرة بندورة , 500 غ , مقشرة و مفرومة
نصف ملعقة صغيرة بهارات بروفانس أو بهارات ايطالية او مزيج من  الريحان و الزعتر الاخضر و اكليل الجبل

تعليقات (9)

2  الكاتب منى, on 22-08-2008 21:24 أكيدة غيوثة , انا زوجي لما بيكون الغدا ما فيه نوع من اللحوم بيبقى جوعان و على العشا بعمله قراص نعناع أو مرتديلا     هنا و عوافي على قلبك على الكباب بالبانجان , طيب بالفرن بس مو متل الفحم .. خلص ما بقى في مشاااوي و لا يهمك     الله يخليكي يا رب على الدعوات الحلوة , و الله وصلت و خصوصاً اليوم الله نجاني من مصيبة على قرب أقل من جزء من ثانية و الله أعلم من دعوات الاخوات الي بالغيب رح احكيلك عليها ان شاء الله , دعوووواتك كمان غيوثة

3  الكاتب duduwa, on 08-12-2008 10:00 هاااي هذي اول مشاركه لي  مادري مانقدر انضيف من كيفنا لحم او دياي :   و ترى الويووه اتينن

4  الكاتب منى, on 09-12-2008 07:41 هلا اختي   هلا الوصفة ما بدها لا لحم و لا دجاج , بس اذا حابة ضيفي ليش لا   ما فهمت ااخر سطر قلتيه     على كل الاحوال مية اهلا و سهلا فيك اختي

6  الكاتب منى, on 20-10-2011 19:49 هلا اماني   شكرا اختي , منورة الموقع و الفيس بوك     ان شاء الله بنزلها هل اليومين , اذا رب العالمين يسر

7  الكاتب Dalia81, on 21-10-2011 14:06 يسلمو إيديك مدام منى على هالوصفة أنا كتير بحبها و هلا اتغديت منها و أكلتها مع معكرونة يم يم. مرة أكلت منها بمطعم بمنطقة البروفانس و كانو حاطينلا زيتون أسود كانت خطيرة كمان

8  الكاتب منى, on 22-10-2011 20:31 هنا و الف الف صحة حبيبتي     انا كمان اكلت الي زاد مع معكرونة في توارد افكار     ممم اتوقع بيطلع يممي , بجربها قريب ان شاء الله , شكرا للاضافة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved