L2ma.com | لقمة طيبة | L2ma.com | لقمة طيبة | كوسا بالطحينة | الكوسا, · , حتى, الطبق, على | L2ma.com

القائمة الرئيسية

كوسا بالطحينة

الكاتب/ منى

19/08/2008

كوسا بالطحينة

الطبق اليوم من بنات أفكاري اللذيذة , فكرة خطرت لي و كان عندي كل المكونات و الطعم الصراحة فاجأني ..لذيذ جداً و يستحق التجربة منك ..

بعد ما حضرت قوارب الكوسا بالطحينة , خطر لي أن استفيد من اللب بنفس المكونات الي استعملتها لتحضير الطبق , و عن جد طلع يمكن ألذ من الطبق الأساسي ..

و للتأكد حضرت الطبق أكثر من مرة و كل مرة بيطلع نمي , اكتشفت ان الكوسا هو أول اختيار لي من الفاكهة الصيفية إذا خيرت أي نوع مفضل عندي , حضرت منه شوربة و عجة و دولما و سلطة و متبل و متومة و محشي برز و محشي بلحمة و مع صوص أحمر و مشوي بالفرن و مغطس بالبقسماط و مع خضرة مشكلة و مع دجاج و كمان فرنسي أخيراً و ليس أخراً كيك ..و الكل من ألذ الأطباق و لم تكفني كل هذه الأطباق فحضرت السيد كوسا بطريقة جديدة , الظاهر أن حمى الكوسا انتابتني هذا الصيف ...

بالصحة و الهنا

نصف كيلو كوسا , أو لب الكوسا الزائد من حفر كيلو تقريباً
3 – 4 ملعقة كبيرة زيت زيتون
حبة بصل متوسطة
4 – 5 ملعقة كبيرة طحينة
عصير نصف حبة ليمون حامض
نصف كوب ماء بارد
فص ثوم
رشة كمون
رشة فليلفة حمراء ناعمة
direction

·          يمزج الليمون مع الطحينة و يقلب حتى يتجانس المزيج .

·          يضاف الماء البارد بالتدريج حتى الحصول على طحينة رقيقة نوعاً ما , تتبل بالملح و الكمون و تترك جانباً .

·          يقطع الكوسا لمكعبات, يمكن استعمال لب الكوسا لتحضير الوصفة , يفرم اللب فرماً ناعماً .

·          يقلب البصل بالزيت حتى يطرى ثم يضاف الثوم و يقلب حتى تظهر رائحته اللذيذة .

·          يضاف الكوسا و يقلب الكل على نار متوسطة لمدة 5 – 10 دقيقة أو حتى يجف ماء الكوسا .

·          يرتب الكوسا في صينية فرن ثم يغمر بالطحينة و يخبز في الفرن المحمى على درجة حرارة 180 لمدة ربع ساعة .

·          تنثر الفليلفة الحمراء على الوجه و يقدم الطبق فاتراً أو بارداً مع الخبز العربي و يمكن أن يزين بالبقدونس المفروم .

وصفات تانية ممكن تعجبك :

قرنبيط بالطحينة

الفلافل

متبل الباذنجان

أضافة إلى المفضلة (0) |

أقتباس | مشاهدات : 3497

تعليقات (8)

1 الكاتب muna.g.7, on 24-08-2008 18:38
وصفة خفيفة ولذيذة ومغذية
يعطيكي ألف عافية
وأنا من أشد المعجبات بوصفاتك الرائعة

2 الكاتب منى, on 25-08-2008 06:58
هلا منونة

الله يعافي قلبك و بدنك و الف شكر ليك على الرد الحلو, نور الموقع أختي و إن شاء الله بتبقى معنا على طول

3 الكاتب ميساء, on 30-03-2009 21:07
اليوم عملت هالأكلةبعد ما كنت مترددة وطلعت روعة طيبة كتير كتير تسلم لي بنات أفكارك يا منى مشان الله اذا هيك النتائج اطلقي لها العنان واخترعي يسلم ايديكي يا فنانة فعلا طبق يستحق التجربة والإعادة لأنو صار عليه هجوم وتركوا شيخ المحشي وقضوا عليه شكرا الك وما ننحرم منك يا رب

4 الكاتب منى, on 31-03-2009 06:48
هلا ميوسة

الف هنا و الف عافية يا حق , كتير انبسطت انها عجبتك و انا عم استنى الصيف لحتى يجي الكوسا البلدي و ارجع حضرها :zzz

عوافي مرة تانية يا قمر

5 الكاتب آرام, on 14-07-2009 11:07
مرحبا أخت منى .. هالوصفة اللذيذة كانت من أوائل الوصفات الي جربتها من الموقع قبل عدة شهور .. كتير عجبتني يومها .. وكنت قبلها ما بعرف أطبخ الكوسا غير متومة أو متبل.
وبعد ما عملت الكوسا محشي من يومين كنت محتار شو أعمل باللب .. لأن ما شاء الله وصفات الكوسا بالموقع ما في أكتر منها وكلها مغرية .. جربت قسم منها ولسه في وصفات ناطرة يجي دورها .. ومع ذلك كررت هالوصفة مرة تانية من كتر ما حبيتها ..
يسلموا إيديك أختي ..

6 الكاتب منى, on 14-07-2009 11:18
هنا و عافية و الف صحة هل المرة و المرة الماضية و كل مرة ..
الله يسلمك اخي و اتمنى تجرب بقية الوصفات و تكون كمان على زووءك و اكيد بتخبرني

7 الكاتب Sandra, on 14-04-2010 17:02
الله يعطيك الف عافية أختي العزيزة منى......وصفاتك في غاية الروعة والجمال والفن...يممممم وانشالله بجربهن باقر ب وقت.....بس بتعرفي؟؟؟ طريقتك غير طريقة أمي....ماما بتقلي دواير الكوسا وبعدين بتضيف لهن الطحينة والليمون الجاهزين من قبل وبتزينها بالبقدونس....مشكووورة كتير منى :grin

null

8 الكاتب منى, on 15-04-2010 15:01
هلا فيك اختي

من زووءك اختي و يا ريت تجربيهن و يكونوا متل ما بتحبي

طريقة ماماتك كمان بعملهاو كل واحد فيهم نغم شكل , فيك تشوفيهاعلى
هل الرابط

نورتينا اختي مية هلا فيك

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

آخر تحديث ( 26/03/2009 )

< السابق		التالى >

[ عودة ]