برغر سمسومة
 

الوصفة لأختي سيما و هي تشيه البرغر العادي بس على طريقتها , تدعك اللحمة مع بهارات بعدها نحشي الكرات بخضار متبلة مع جبنة موزاريلا ... يممم .. حضرت لنا هل البرغر باخر سفرة النا في أول شهر تموز الماضي و كان مميز كتير بالشكل و الطعم , أكلت في يومها , ممممم بلاها خليها سر احسن 



بالصحة و الهنا

شرائح من مخلل الخيار  
بطاطا مقلية
 

صلصلة الهمبرغر :

نصف كوب مايونيز
نصف كوب كتشاب
ربع كوب خردل

·          تدعك اللحمة مع البيضة و الكعك و البهارات المشكلة و الملح و الكتشاب و الثوم حتى يتجانس الكل .

·          تقلى الخضار بالزيت حتى تطرى ثم تضاف البهارات و صلصة الصويا و الملح و تترك لبضع دقائق حتى تأخذ نكهة البهارات .

·          يقسم مزيج اللحمة لكرات كبيرة , تؤخذ إحدى تلك الكرات و تعمل بها حفرة .

·          تحشى كرة البرغر بالخضار ثم تغطى بالجبنة .

·          تسد كرة البرغر المحشية و تدور بين راحتي اليد ثم تصف في صينية غير لاصقة .

·          تكرر العملية حتى الانتهاء من كل اللحمة و الحشوة .

·          تخبز الصينية في فرن على درجة حرارة 180 درجة مئوية حتى تنضج الحبات و يمكن أن يحمى الفرن من فوق لبضع دقائق ثم تترك لتهدأ لبضع دقائق ثم تقسم كل حبة لنصفين .

·          تمزج مقادير صلصة الهمبرغر حتى تتجانس .

·          يفتح الصمون و يفرغ أحد القسمان من لبه ثم يدهن النصف الأخر بالقليل من صلصة الهمبرغر المجهزة ثم توضع ورقة خس و بضع حبات من البطاطا المقلية و تغطى بالبرغر  .

·          يقدم السندويش مع البندورة و المخلل و المزيد من الكتشاب أو الخردل لمن يرغب .

 

تعليقات (27)

2  الكاتب Iman, on 16-08-2008 18:21 شو هالحلاوه يا منى بتجنن و الله كتير حلوين يسلموا ايدين اختك سيما و صحه و هنا على قلوبكم حبيبتي و هاي فكره الاسم المميز للوصفات فكره كتير حلو في واحد نسيب النا كان عندو مطعم كان يعمل الفلافل على شكل اصابع و كان يسميهم شي مثل اصابع سنيه و كل المنيو كان اسماء غريبه والناس كانوا ييجو يستمتعو بطلب الاكل من المنيو حبيبتي مش غريب انو يطلب منك عمل كتاب قدها و قدود ربنا يوفقك و لسه بشوفك باكتر من هيك يا منى و حياتك بتتذكري شو قلتلك زمان??? بسم الله ما شاء الله ربنا يحميكي حبيبتي و يقدملك اللي فيه الخير

3  الكاتب منى, on 16-08-2008 20:16 هلا رندوشة   حبيتي بتنوري انت يا احلى فلسطينية بردودك و طلتك الغالية على قلبي     كلك زووء حبيبتي , و الكتاب هلأ ما في لأن أنا و دار النشر ما اتفقنا , بس الفكرة موجودة ان شاء الله , دعواتك

4  الكاتب منى, on 16-08-2008 20:17 هلا أمونة   و الله انت الي زووء , و ان شاء الله الك متل هل الدعوات و أكتر يا حق , نسيت ان أأقول اننا ما اتفقنا أنا و الدار بعدها , بس المهم ان الفكرة براسي و ان شاء الله بيجي يوم رح نفذها     حلوة هي الفلافل السيتية , خلص الفكرة عششت براسي و هلأ قبل ما أطبق الوصفة صرت بفكر نهفة الها

5  الكاتب رنا, on 17-08-2008 12:51 شي كتير لذيذ بالفعل ..  رح جربها قريبا   بس مشان الاسماء الغريبة على سيرة شيخ المحشي ..كنا نقول عليه ونحنا صغار محشي مجعلك بقا اذا بدك تفكري باسماء غريبة اسألي شي ولد نهفة انه شو ممكن تسمي هالاكلة وبيطالعلك شغلات غريبة وعجيبة   بالنسبة لطباعة الكتاب فكرة كتير كتير حلوة بس الفكرة الاروع انه تفتحي مطبخ وتكوني انتي مشرفة عليه ..عن جد عم بحكي ...مشروع مربح جدا

6  الكاتب رنا, on 17-08-2008 12:53 بس تعليق عالوصفة كأنه بالصورة مبين في جبنة بس بالمكونات مافي؟

7  الكاتب منى, on 17-08-2008 14:58 هلا رنونة   شو عجبتني فكرة ان اسال ولد نهفة , كل ولادي نهفة , اتخيل الاسماء الي رح يطلعوا فيها ,     خطرلي هيك فكرة , الله يسير الي فيه الخير , بس ما حدا في العيلة وافق , أول كلمة قالتلي ياها ماما , دخلتك على الجامعة و سهرت معك الليالي لحتى تعملي هيك مشروع     تم تعديل الوصفة , شكرا للتنبيه

9  الكاتب منى, on 19-08-2008 18:20 له يا بيسة , نحنا الي ما منسوى من دونك

10  الكاتب Eman, on 23-08-2008 23:00 اليوم عملتها على العشا بس مدري ليش فرطت الاقراص   هل لأ،ي حطيت للحمة بصل ولا لأ، الحشوة كتير؟؟

11  الكاتب منى, on 25-08-2008 09:35 فرطت اللاقراص لان امااللحمة مدهنة زيادة أو لان كترتي معها بصل , و ممكن تكون الحشوة ما نشفتي مرقتها منيح , و الاهم انها تكون مو لحمة مفرومة مرتيين على الماكينة إذا انفرمت مرة رح تفرط أا اذا انفرمت مرتين معناها مناسبة لاعداد هل الوصفة , لازم تستعملي نفس اللحمة الي بتعملي فيها الكفتة     ازرعيها بدقني هل المرة امونة

12  الكاتب Eman, on 24-08-2008 10:05 هو فعلا اللحمة كانت مدهنة ،والمرقة ما خطرلي نشفها واللحمة شوي خشنة مع إني فرمتها 3 مرات !   طلعت عاملة كلشي خطأ ، بس حلو إني تعلمت من خطئي .. شكرا ميمي لأنك وضحتيلي الأمر ..  بس ليش الحكي كانت لذييييذة جدا

13  الكاتب منى, on 25-08-2008 07:00 يلا المهم انها طلعت طيب أمولة , و الشكر ليك لان جربتي الوصفة , ان شاء الله المرة التانية بتطلع تمام

14  الكاتب رنا, on 25-08-2008 18:29 كتير طلعت لذيذة ونفس الصورة تمام يسلموا هالايدين

15  الكاتب منى, on 25-08-2008 18:41 هنا و عوافي يا حق رنونة صحتين

17  الكاتب منى, on 09-10-2008 08:13 هلا ام محمد هدا بس من زووءك أختي و الكتاب عم اشتغل عليه ليل مع نهار و في وصفات كتير طيبة و جديدة و خاصة فيه

18  الكاتب منامينو, on 16-11-2008 08:11 حلو حلو، حلو الواحد يقرا هيك خبر حلو على هالصبح. ربنا يوفقك حبيبتي منى وان شاء الله بتفرحي بهالإنجاز وبيلاقي النجاح يا رب. لكل مجتهد نصيب وإنت بتستاهلي كل خير والله لإنك مبدعة بهالمجال وبنت أصول وما عمبتقصري بالمساعدة والردود على أسئلة الجميع. بصراحة إنت عن جد خرج تكوني الشيف منى . يالله استعدي عشان بعد الكتاب ان شاء الله يكون إلك برنامج حلو بالتلفزيون. شو رأيك؟؟ يالله ما هو مشوار الألف ميل بيبدأ بخطوة. الله معك حبيبتي وبالتوفيق يا رب

19  الكاتب منى, on 19-11-2008 17:11 امين منونة و ان شاء الله الك متل هل الدعوات الحلوة و كمان إذا الله ردا و تم المشروع رح يكون لكل الحبايب الحلويين متلك نسخة   هل الكلام بس من زووءك و طيبتك حبيبتي , ان شاء الله ليش لأ

21  الكاتب منى, on 11-12-2008 08:22 ان شاء الله تجربيها و تحبيها متل ما حبيناها نحنا   لا تنسي تخبريني يا عسل

22  الكاتب ام البراء, on 19-12-2008 01:45 حاسستى طيبه كتيربس لما بنخبزها بلفرن كيف مابتلزق اللحمه وشكراعاشغلات الحلوه واقبليني معاك بمطبخك الحلووووووو

23  الكاتب منى, on 19-12-2008 07:42 هلا فيك اختي   مية اهلا و سهلا فيك في الموقع , نورتي ام البراء    ما بتلزق لان مستعمل صينية غير لاصقة

24  الكاتب بشرى, on 22-11-2009 16:53 منون حبيبتي , هلأ لشفت هالوصفة يسلم ايديكي وايدين سمسومة ..    اذا حبيت اشويها عالنار ممكن ولا هئ ؟    يعني عالغاز من فوق بس على منصب للشوي بيمشي الحال ؟ لانو فرني معتتتتتت

26  الكاتب منى, on 28-04-2010 12:05 هلا بشرى   اكيد بيصير المهم تنبهي لحتى يستوي قلبها منيح

27  الكاتب منى, on 28-04-2010 12:07 الف صحة و هنا و عافية ضحى الحلوة

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved