عندي إلك وصفه كتير طيبه من اختراعي و هي وصفه السلمون المشوي بالفرن منظرها بياخذ العقل و كتير بتبيض الوش على العزايم أنا راح اعطيكي المقادير اليوم و راح اخلي بنتي زينه تنزل الصورة لسا ما بعرف انزل صور
بقدمها مع صحنين واحد خضره مشوية بالفرن رح ابعتلك الوصفة و صحن رز بالزعفران مزين بالمشروم و البصل البني و الزبيب كمان راح ابعت الوصفة بهاليومين و هدول من وصفاتي أنا يعني اختراعي أنا أرجو أن تجربيهم و تقوليلي شو رأيك .....
شريحة كبيرة من السلمون تقريبا 2 كيلو منزوع عنها العظم و الجلد فيليه
1 ملعقة كبيرة شطه أو دبس الفليفلة إذا ما بتحبوا الحر بس صدقوني الشطة بتعطي طعم خيالي
1 ملعقة صغير فلفل اسود لازم يكون مطحون خشن و مطحون فريش يعني نفس وقت الطبخ بيعطي فرق كبير بالطعم
1 ملعقة صغيره ملح
1 ملعقة كبيرة حبه البركة نعم لا تستغربي حبيبتي أنا بالأول حطيتا لأعمل كونتراست بالألوان و لكن مش معقولة الطعم شو ضبط
1 ملعقة صغير بابريكا
1 ملعقة صغيره سمسم محمص
4 ملعقة كبيرة زيت زيتون
حبة ليمون حامض ·تغسل السمكة بخليط من الماء البارد و الخل ثم تشطف و تجفف بفوطه ورق .
·تفرك بنصف ليمونه لكل وجه و تعصر الليمونة أثناء الفرك و القصد أن تتشرب السمكة العصير .
·تحضر صينية الفرن و تغطى بورق فضي و يرش عليها تقريبا 2 ملعقة كبيرة زيت زيتون .
·تدهن السمكة بمقدار 2 ملعقة كبيرة زيت زيتون بعد دهنها بعصير الليمون .
·تدهن بالشطة على الوجهين ثم تملح على الوجهين , لاحظي أن كل الدهن و التبهير على الوجهين .
·يرش الفلفل الأسود ثم حبه البركة ثم السمسم و بالأخير البابريكا .
·توضع شرائح ليمون رفيعة على الصينية بطول السمكة و القصد أنها تعطي طعم و تمنع السمكة من الالتصاق بالصينية .
·توضع في فرن محمي لدرجه 400 فهرنهايت لمده عشره دقائق لكن أنش من سماكه السمكة و لانو السمكة مش راح تكون سماكتها أكثر من أنش فعشره دقائق تكفي ثم بعدها تحمى الشواية و تحمر السمكة من الأعلى .
أفكار و تنويعات :
·ممكن رش نصف ملعقة كبيرة من البقدونس تحت السمكة و نصف ملعقة كبيرة من البقدونس فوقها بتكون الألوان خياليه .
·بعد تبهير السمكة , يمكن عمل شقوق بالعرض على طول السمكة و يحشى في كل شق بنصف شريحة بحيث تكون الشريحة واقفة بالشق بتعطي منظر سينمائي ههههه .
تعليقات (15)
