إلي كان متابعنا من كم يوم بيعرف أن كان عندنا حزورة و إلي ربحت هي أمولة , فكرت بشي بسيط كجائزة و اتذكرت أنها كانت طالبة مني وصفة من زمان , لهيك رحت امبارحة و جبت كل مقاديرها و طبختها مخصوص كجائزة صغيرة إلها ..

و بنفس الوقت حابة من كل مين عم يقرأ كلماتي يقرأ فاتحة لروح أبي الله يرحمه لأن هل الأكلة كانت من الطبخات المفضلة عنده ..

العجور نبات بيشبه الكوسا بالشكل و لونه مقلم و بينطبخ بشكل محشي و هي نوع لذيذ و مختلف كتير عن باقي المحاشي و برأإيي من المحاشي المميزة إذا انطبخ صح ..

رفقاتي بالشام لما حكيتلهم عنه استغربوا كتير و قال ما بيعرفوا هيك نبات , و هو بيجوز يكون معروف و لكن باسم مختلف ,  يا ريت إذا حدا عنده معلومة عن العجور يخبرنا ..

من الأمثال عندنا في حلب : العجورة في الجورة .. يعني كل شي ماشي تمام التمام

يمكن أن يحضر المحشي بحشوة الرز عوضاً عن الفريكة و النوعان لذيذان و للحصول على طعم رائع يمكن طبخ العجور مع بضع حبات من شيخ المحشي .

بالصحة و الهنا

2 كيلو عجور
كوب و نصف فريكة
ثلث كيلو لحمة غنم مفرومة مدهنة قليلاً
ملعقة صغيرة بهار مشكل  
ملعقة صغيرة سمنة بلدية أو عادية
القليل من الماء

للمرق :

عظام خروف
3 – 4 فص ثوم
بهار و ملح

تعليقات (10)

2  الكاتب Eman, on 10-08-2008 05:08 يسلمو حبيبتي ميمي على الأكلة الطيبة ، أحلى جائزة بحصل عليها بحياتي ،إن شاء الله كم شهر وبكون بحلب وبجرب العجور..تسلملي هالأنامل الحلوة    الله يرحم لك الوالد ويسكنه فسيح جناته ،ويجعلك ذخر له .

3  الكاتب منى, on 10-08-2008 15:41 هنا غيوثة , أنا اتوقعت ان ما يكون معروف كتير هل النوع من الخضرة , و بتعرفي هي شغلة التجفيف ما خطرتلي ابدا     الله يخليلك أمك و كل حبايبك و ترجعي لسوريا سالمة و غانمة ان شاء الله ..    لو كنت ربحانة , كنت رح نزلك وصفة السينامون .. ما انا مو نسيانة , بس عم استناك تربحي     يلا شدي الهمة

4  الكاتب منى, on 10-08-2008 15:42 هلا أمولة حبيبتي     ان شاء الله تكون الوصفة عجبتك و ان شاء الله تجربيها و تكون على زووءك

5  عجور الكاتب رنا, on 10-08-2008 18:18 شي كتير ظريف يامنى خانم   بالنسبة للعجور بظن انه بس بينطبخ بحلب لانه بالشام مابيعرفوه وبيتمسخروا عليه وخالتي بتسميه بعجور في بعض الاشخاص مابيحبوا تدخل عليهن وصفات من غير بلاد يعني الهن اعتبارات اقليمية عالطبخ ومنهن بيت حماي بيعتبروا انه كل الطبخ ماعدا الطبخ الحلبي تخبيص ...مابعرف ليش هيك القدما بالنسبة لعجورك فهو روووووعة وانا لماكنت بحلب اكلته شي عشر مرات

6  الكاتب منى, on 10-08-2008 19:13 هلا رنونة   حتى بحلب في كتير ناس ما بتحبه , بس هو يممي اذا انطبخ مضبوط     في كتير ناس هيك , بيعتبروا الطبخ الهم و بس و بقية الناس ما بتعرف تاكل , بعرف كتير ناس هيك و مو ضروري يكونوا من القدما , اساليني انا     هنا و عوافي على العجور , مو من قليل سمونا بيت المحاشي و الكبب

8  الكاتب منى, on 25-08-2008 16:29 بعد زمان لارا و انا اشتقت الك كتير و افتقد طلتك الحلوة , ما شاء الله تبارك الله الله يهنيك بزيارة مكة , المرة التانية رح وصيك تدعيلي     الله يسلمك حبيبتي و يرحم أحبابك كلهم و يجمعنا معهم بالجنة يا رب ..    ان شاء الله بس ما ترجعي بتجربيها و بتكون على زووءك     نورتي لارا و الف الحمد لله على السلامة

10  الكاتب منى, on 09-11-2008 13:21 هلا منامينو   ان شاء الله تجربيها , طيبة و غير عن بقية المحاشي   نور الموقع بردوك أختي

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved