تعذيب بعرف , بس أنا حاي على بالي أسمع من كل الأخوات و خصوصاً الأخوات المتابعات و لكن بصمت , يا ريت تنوروا الصفحة برد متل ما عم تنورها بزيارة ..
و هي الصورة من الصور التي عاجبتني كتير كتير سواء من حيث تمازج الألوان أو الإضاءة ... طبعاً ما في داعي أن قول أنها من وصفااتي المفضلة
رح نزل الوصفة يوم الخميس إذا الله راد و بانتظار ردودكم الصحيحة و تعليقاتكم اللذيذة ..شو عرفتوا أو عجزتوا ؟؟
اسمحولي هل المرة رح اسمع منكم و بس من دون أي رد , بصراحة لحتى إذا واحدة منكم عرفت ما اكشف حالي ...
في أمان الله
و هلأ صار وقت الكشف عن الوصفة و بالأول حابة أشكر كل الأخوات الي شاركوا و الي عجبتهن الفكرة و الطبق متل ما حزرت أمولة Eman : مربى التين و أكيدة من المربيات المميزة كتير كتير و بينفع للضيافات الغير شكل ..
أما الطبق إلي حبيتوه و إلي مضيفة عليه المربى فهو من جهازي , يعني من الأشياء إلي جبتها معي لبيت جوزي لهيك اله معزة و ذكرى عندي ..
منرجع للوصفة , الوصفة اتعلمتها من أمي و تحضيره كتير سهل و بيبيض وجه وقت الضيافة , ممكن يتزيين بالفسق الحلبي الفريش أو بالجوز لما بيخلص وقت الفستق ..
شو كمان , يلا خلينا نروح على الوصفة و إذا عجبتكن الفكرة خبروني و ببقى بنزل كل اسبوع طبق للتحزير ( بالزين مو بالذال ) , مع إن كنت حابة شوف تفاعل أكتر من باقي الأخوات ..
بالصحة و الهنا
2 كيلو تين
كيلو سكر ( ما يقارب 4 كوب )
3 كوب ماء
4 – 5 مستكة
·تنتقى حبات التين الصغيرة و الغير ناضجة و المغلقة فتحتها مثل الصورة , هناك نوع خاص للمربى يكون بذره ناعماً و لكن أنا أفضل تحضيره بالتين العادي المتوفر لدي .
·تغسل حبات التين بلطف , و إحدى السيدات أخبرتني بأنها لا تغسل الحبات بل تمسحهم بقطعة قماش مبللة .
·يحضر القطر : يوضع الماء و السكر في قدر كبير على النار و يترك ليغلي لخمس دقائق ثم تضاف حبات التين بحيث تكون طبقة واحدة و تترك لتغلي لمدة ربع ساعة تقريباً أو حتى يتجانس لون حبات التين و تصبح شفافة نوعاً ما أو ما تقول عنه الستات الكبارية , ختموا التينات .
·يرفع التين على وعاء مسطح كبير بحيث تكون الحبات بجانب بعضها البعض و يترك لليوم التالي , الحبة على يمين الصورة هي لواحدة من التينات التي لم تكن قاسية تماماً , بعد الغلي مع القطر تشققت الحبة و أصبحت غير صالحة للتقديم , مع أن طعمها لا يزال لذيذاً .
·في اليوم التالي يغلى القطر مرة ثانية مع المستكة المدقوقة و توزع فيه حبات التين و تترك حتى تنضج و يصبح لونها كالصورة .
·بعد أن يبرد المربى , يعبأ في مرطبانات و يوضع في الفريز حتى وقت الحاجة , يصفى من القطر و يوضع في أطباق صغيرة و يزين بالجوز أو الفستق الحلبي الطازج الذي يتوافق وقته مع وقت تحضير مربى التين .
...
تعليقات (22)
