وصفة رائعة و لا أسهل و لا أخف و لا أطعم , من دون بيض معناه من دون هم أن ينجح فصل الصفار عن البياض , من دون هم أن يقع شي من الصفار عن البياض , من دون الحاجة لإضافة الزيت نقطة نقطة , من دون هم أن يفسد إذا بقي لاكتر من يوم بالبراد

الوصفة بالأصل للأخت تاج النساء من منتدى لك , قمت بتجربتها و كانت لذيذة ثم أجريت تعديل بسيط عليها و الحمد لله كانت أكثر من رائعة ..

باختصار جربيها و إن شاء الله ستعتمدينها من ضمن وصفاتك اللذيذة و ستنتهي عملية البحث عن وصفة لكريم ثوم ..

بالصحة و الهنا

ثلاثة أرباع كوب ماء
2 ملعقة كبيرة كورن فلاور أو نشاء
5 فص ثوم
ملعقة صغيرة عصير ليمون أو خل ( أو أكثر حسب الرغبة )
5 ملعقة كبيرة زيت عادي
القليل من الملح

·          يذاب النشا في الماء و يوضع المزيج على نار متوسطة و يقلب بمضرب سلك حتى يسمك ثم يرفع عن النار و يترك حتى يبرد .

·          يهرس الثوم مع الملح ثم يضاف لمزيج النشاء مع الليمون أو الخل و يقلب .

·          يوضع المزيج في الخلاط و يضرب ثم يضاف الزيت ملعقة ملعقة مع الخفق بعد كل إضافة حتى يصبح المزيج ناعماً ثم يقدم فوراً أو يحفظ في البراد حتى وقت الحاجة .

 

تعليقات (14)

2  الكاتب منى, on 31-07-2008 19:53 اكيدة رح يعجبك ان شاء الله و ما بتسدقي شووو سهل     ان شاء الله يبيض وجهي ادامك و اكيدة رح تخبريني شو بيصير معك

4  الكاتب ام نور, on 01-08-2008 17:22 سلم هالديات يا حق ما في اطيب من كريم التوم حد الدجاج بتعرفي منى هالطريقة ماما من فترة عطتني ياها عالتلفون     واستغربتا خالي بيشتغل بمطعم  علم العيلة الطريقة وكتير عجبتون  بس هلىء اتشجعت اساويها لان طريقتك اوضح

6  الكاتب منى, on 02-08-2008 11:06 هلا ام تسنيم  من عيوني حبيبتي و انا كمان مو نسيانة السمكة الحرّة , مشان الله لا تزعلي مني , ان شاء الله أحلى وصفات دجاج لعيونك الحلوة    صحة و هنا على الكيك , انا بالطريقة الي أخدتها كان فيها زيت عوض الزبدة بمقدار كاسة شاي صغيرة , بس انا استعملت الزبدة لان بحبها بالكيك اكتر , هلا المهم انه عجبك و ان اتهنيت باكله لان اهم الشي يكون الضمير مرتاااح       انا بنبسط كتير بالردود الطويلة , يعني لاا طولت و لا شي , هلا ان شاء الله تجربي هل الكريم و يعجبك

7  الكاتب منى, on 02-08-2008 11:20 هلا حبيبة قلبي ام نور   ان شاء الله تجربيها و تحبيها لان عن جد كانها جاهزة , و حتى بالوصفة الي انا شفتها كان مكتوب ثوم مطاعم البيك       يلا ان شاء الله انا بانتظار شو بيصير معك و على فكرة الوصفة الي بعتيلي ياها على الايميل انا جربتها و نزلتها بالموقع , يمكن لسا ما شفتيها

8  الكاتب منى, on 02-08-2008 11:27 هلا إيمان     تم تعديل المقادير لان مقدار الثوم سقط سهوا     نورتي أختي و اي سؤال من عيوني

9  الكاتب غيث, on 03-08-2008 20:40 عزيزتى منى الله يعطيك العافية على هالكريم الثوم السهل والخفيف على الهضم اليوم نجح وحبوه عندي لانه خفيف مع اننا بحلب اعتدنا على الطبخات التقيلة يعني بتحسي انو كريم التوم بالبيض اتقل اما هذا ما بتحسي حالك متقلة بالاكل عموما كله طيب من تحت دياتك ووجهك ابيض دائما ان شاء الله والله يجزيك الخير لافادتنا بكل ما لا نعلم وبكل ما هو مفيد ولذيذ وسهل شكرا لك

10  الكاتب منى, on 04-08-2008 19:21 هلا غيوثة   هنا و عوافي يا رب , كتير انبسطت انها عجبتك , بالفعل متل ما قلتي الواحد ما بيحس حالو ادايق بعد ما ياكل منها     الف شكر ليك على الدعوات و الكلام الحلو و ربي الك متله و اكتر

13  الكاتب منى, on 30-08-2008 07:52 هلا أختي   ممكن تستعملي زيت الزيتون عوض الزيت العادي , بس زيت الزيتون نكهتخ قوية و رح تغلب طعمته على الوصفة , بأغلب الوصفات ممكن نستبدل كريم الثوم بالمايونيز متل الشاورما و الهمبرغر , بس بالسلطات لأ لان رح تصير الطعمة قوية كتير , هو رح يجمد و إذا حسيتيه جمد زيادة ممكن ترجعي تخفقيه بالخفاقة الكوكتيل و هو رح يرجع يصيرناعم , الثوم إذا حسيتيه انو كتير ممكن تخففي من الثوم المستعمل في الوصفة و هلا عم تقولي صار له اسبوع معناها الريحة اتركزت اكتر و اكتر , ممكن تستعملي 2 أو 3 فص عوض 5     أي سؤال تاني من عيوني

فقط الأعضاء يستطيعون إضافة التعليقات
إذا كنت عضواً فقم بتسجل الدخول و إن لم تكن فقم بتسجيل أشتراك جديد

Powered by AkoComment Tweaked Special Edition v.1.4.6
AkoComment © Copyright 2004 by Arthur Konze - www.mamboportal.com
All right reserved